1 Kɔrintian 14:5 - Vengo (Babungo)

⁵ Mə kəə laa viŋ vənshə kɨ gisə təghaŋ nɨŋkwiŋ nɨŋkwiŋ. Luu nə, mə baa kəə ŋkee dɨdɨꞌ laa viŋ kɨ fɨꞌtə yigisə shuu Nwi, buꞌ laa nu məfɨꞌtə yigisə shuu Nwi kwàlə shɔ̀ɔ nu məgisə təghaŋ nɨŋkwiŋ nɨŋkwiŋ. Kaꞌ nu məgisə təghaŋ nɨŋkwiŋ nɨŋkwiŋ kɨ gaŋtə nshəŋtə vɨɨ Nwi sheꞌ faŋ vɨ baa kìasə yigi yi yɔ́ maa ghaŋ shɨ nɨzi.

1 Kɔrintian 14:5 ပူးပေါင်းရင်းမြစ်များ

Mark 16:17

Vəshwenə ndɔ luu shɔ ghɔ vɨɨ mbɨə faŋ vəŋ bìŋ ntɔŋ yɔ́. Vəshwenə vɔ́ luu laa vəŋ ndɔ kɨ fuusə vəzwitə vəbwəvə fɨ maa vɨɨ maa yizii nyaa, gisə təghaŋ təfinə,

Roma 14:19

Nɨniŋ, nsiŋ kɨ beꞌsə fɨ yiba nu faŋ ŋkə yɨsə nsiŋ duꞌ nə mənɔŋ-bwaŋnə, gaŋtə yiŋwaa nyaa-nsiŋ maa məgə vɨsɨ maa nu Kristo.

1 Kɔrintian 12:10

Wə mɔ́ꞌ baa lùu shɔ faŋ Nwi kɔ̀ wutə tɨ́ ŋwə maa məyɨsə vənu və shuu yɔŋvə. Wə mɔ́ꞌ kii wutə maa məfɨꞌtə yigisə Nwi faŋ Nwi də̀ tɨ́ ŋwə. Wə mɔ́ꞌ kii wutə maa məkɨɨ nə vəzwitə və vɨɨ, laa mbə ndɔ̀ fɨ ghɔ Nwi mu. Wə mɔ́ꞌ baa lùu shɔ faŋ ŋwə kìi wutə maa məgi təghaŋ faŋ nshɨ-tɔ wə ghɔ́ kee bee ta zɔ̀ ghaŋ ghɔ́ me. Wə mɔ́ꞌ shɔ faŋ Nwi kɔ̀ wutə tɨ́ ŋwə, tɨ́ kaꞌ ŋwə kɨ twelə ŋiꞌ təgi təghaŋ tɔ́ tɨ́ vɨɨ.

1 Kɔrintian 13:1

Mə nii kɔlə kìi wutə faŋ ŋkə yɨsə laa mə kɨ gisə təghaŋ faŋ vɨɨ gisə, nə ntɨə faŋ nshiisə-ŋiisə Nwi gisə, luu nə, kee kii ŋkawnə maa vɨɨ me, buu yigisə nyaa lùu yaa fəŋgəŋ faŋ vɨ buꞌ, mfə gisə, wə kee zɨzɔ me, baa lùu yuu mbɨŋlə faŋ nyə gisə tɨnsee tɨnsee.

1 Kɔrintian 13:4

Ŋkawnə yaa kɨ yɨsə wə kɨ jia fwi yi, baa kii njyoꞌ yijəə; ŋwə kee ghɨꞌ vɨɨ me, kee gisə yigi shuu yaŋnə me, kee koꞌsə ŋwaa me.

1 Kɔrintian 14:1

Nɨniŋ, bàw viŋ kɨ kəə jɨɨsə laa ŋkawnə luu taa ŋwaa viŋ. Luu nə, viŋ buꞌ ghɔ tɨ́ Nwi nɨzi, laa ŋwə kɔ vəkɔ və Zwitə Nwi tɨ́ viŋ. Nu ŋkɨə faŋ ŋkə lùu kəkwalə taa ŋwaa vəkɔ vɔ́, lùu laa Zwitə Nwi kɔ wutə tɨ́ viŋ maa məfɨꞌtə yigisə shuu Nwi.

1 Kɔrintian 14:17

Shɔꞌtə ghɔ́ kɔlə bàw kɨkə, ŋwə kee gaŋtə wə ghɔ́ nə nu me.