1 Kɔrintian 14:3 - Vengo (Babungo)

³ Luu nə, wə faŋ ŋwə fɨꞌtə yigisə shuu Nwi, ŋwə gisə yigi yɔ́ tɨ́ vɨɨ, yigi yi yɔ́ ndɔ gaŋtə vɨɨ, kwàŋ wutə taa ŋwaa vɨɨ, yɨsə vəŋ weꞌ maa nu Nwi.

1 Kɔrintian 14:3 ပူးပေါင်းရင်းမြစ်များ

Lukas 3:18

Jɔn nəə baa tɨsə vɨɨ nə vənu vəyaŋ, fɨ̀ꞌtə ntɔŋ yijəə tɨ́ vəŋ.

Akts 13:15

Vɨ tii vənu fɨ taa ŋwaꞌlə ntɨsə Nwi, nə fɨ taa ŋwaꞌlə nshiisə-ŋii sɔghɔ, mètə, vɨɨ kwalə fɨ taa ŋii məshɔꞌtə Nwi tɔŋ ntɔŋ maa Pɔɔl ghɔ Barnabas, gì tɨ́ vəŋ laa yigi yimɔ́ꞌ lùu shɔ ghɔ vəŋ maa mətɨsə vɨɨ, bàw vəŋ gi.

Akts 14:22

Maa vəshəŋ vɔ́ vənshə, vəŋ yɨsə fwisə vɨɨ məbiŋ nu Kristo weꞌ maa nu Kristo. Vəŋ baa tɨ̀sə vɨɨ vɔ́ laa vəŋ goꞌsə ghɔ vɨ Yeso, baa nàysə tɨ́ vəŋ laa vɨɨ məbiŋ nu Kristo taa ye ŋɨꞌ, buu ŋii maa nu yifwàŋ Nwi.

Akts 15:32

Judas ghɔ Silas faŋ nə luu nshiisə-ŋii sɔghɔ nɨzi, baa gì vənu vəyaŋ tɨ́ nshəŋtə vɨɨ Kristo yɔ́, yɨ̀sə vəŋ weꞌ maa nu Nwi.

Akts 4:36

Nɨniŋ, wə mɔ́ꞌ nə luu shɔ, yizii yi luu Josef. Vɨɨ ntɔŋ Yeso shù yizii yi nə Barnabas, faŋ lùu laa wuu məkɔ wutə. Ŋwə nə luu wuu Levi. Vɨ nə bi ŋwə shɨ Sayprɔs.

Akts 9:31

Nɨniŋ ghɔ́, vɨɨ məbiŋ Kristo fɨ taa məshɨ mə Judia nə Galilii nə Samaria mənshə nə dùꞌ bwaŋnə, baa toꞌ maa ghuu yitoꞌ tɨta Yeso, fee Mɔꞌmbi. Zwitə Ley Nwi yɨsə vɨɨ vəmɔ́ꞌvə baa kùꞌsə nwaa vəŋ.

Roma 12:8

Wə ntɨə faŋ Nwi kɔ̀ wutə tɨ́ ŋwə maa mətɨsə vɨɨ, bàw ŋwə kɨ tɨsə vɨɨ. Wə ntɨə faŋ ŋwə gaŋtə vɨɨ ŋɨꞌ, kɨ yɨsə nɨniŋ nə fwi yimuꞌ. Wə ntɨə faŋ ŋwə ndeynə nshəŋtə vɨɨ Kristo, kɨ faꞌ faꞌ ghɔ́ nə wutə. Wə ntɨə faŋ ŋwə gaŋtə vɨɨ, kɨ yɨ nɨniŋ nə məsaylə.

Roma 14:19

Nɨniŋ, nsiŋ kɨ beꞌsə fɨ yiba nu faŋ ŋkə yɨsə nsiŋ duꞌ nə mənɔŋ-bwaŋnə, gaŋtə yiŋwaa nyaa-nsiŋ maa məgə vɨsɨ maa nu Kristo.

Roma 15:2

Bàw wə tɨ̀ me wə fɨ taa ŋwaa nsiŋ yɨ nu ŋkɨə faŋ ŋkə bàw tɨ́ vaŋ-nshwi vaŋ-nsiŋ, nə ŋkɨə faŋ ŋkə gaŋtə vəŋ maa məgə vɨsɨ vɨsɨ nə nu Kristo.

1 Kɔrintian 10:23

Viŋ gisə laa, nu kee lùu shɔ faŋ ŋkə fə̀ŋ viŋ me. Lùu yinsəŋ nɨniŋ. Luu nə, lùu yinsəŋ nɨzi laa vənu vəmɔ́ꞌ shɔ faŋ mbə kee ndɔ gaŋtə vɨɨ me. Lùu yinsəŋ laa nu kee fəŋ viŋ me, luu nə, vənu vəmɔ́ꞌ shɔ faŋ mbə ndɔ yɨsə laa kɨ viŋ weꞌ maa vənu və Nwi me.

1 Kɔrintian 14:12

Nɨniŋ, faŋ viŋ tə̀ sɨ maa vəkɔ mbɨə faŋ Zwitə Nwi kɔ tɨ́ vɨɨ nə, bàw viŋ kɨ tə sɨ maa məkii vəkɔ vɔ́ vəyaŋ. Luu nə, viŋ kɨ kəə vəkɔ mbɨə faŋ mbə taa gaŋtə nshəŋtə vɨɨ Nwi, nyə tɨŋnə weꞌ.

1 Kɔrintian 14:17

Shɔꞌtə ghɔ́ kɔlə bàw kɨkə, ŋwə kee gaŋtə wə ghɔ́ nə nu me.

1 Kɔrintian 14:26

Vaŋ-nshwi vaŋ, faŋ ŋkə lùu nɨniŋ nə, viŋ zɔ nu ŋkɨə faŋ mə tɨsə viŋ shɔ. Yighee njyə faŋ viŋ fàynə shəŋ muꞌ maa məbəŋsə Nwi, bàw wə tɨ̀ me wə jwi nə wee-nu maa məgaŋtə nshəŋtə yiŋ yɔ́. Wə muꞌ taa kɔ nyay, wə mɔ́ꞌ deesə nu tɨ́ vɨɨ, wə mɔ́ꞌ naysə nu faŋ Nwi də̀ tɨ́ ŋwə, wə mɔ́ꞌ gi nu maa təghaŋ nɨŋkwiŋ nɨŋkwiŋ faŋ kɔ̀ Zwitə Nwi tɨ́ ŋwə, wə mɔ́ꞌ baa luu kìasə ghaŋ ghɔ́ tɨ́ kaꞌ vɨɨ vənshə zɔ̀ nu kɔ́. Bàw vɨɨ yɨsə vənu vɔ́ vənshə maa jɨɨ faŋ nyə taa gaŋtə vɨɨ maa məgə nə vɨsɨ taa nu Nwi.

1 Kɔrintian 14:31

Bàw wə tɨ̀ me wə fɨꞌtə yigisə Nwi wə nə muꞌ nə muꞌ, tɨ́ kaꞌ vɨɨ vənshə zwètə nu Nwi, kìi fwi yiweꞌ, kɨ gə vɨsɨ.

1 Kɔrintian 8:1

Mə kəə baa gi kɔ̀ŋ fazɨ faŋ vɨ kɔ̀ tɨ́ vənwi vədayday. Viŋ gì laa nsiŋ vənshə kìi tɔ ley. Lùu yinsəŋ laa nsiŋ kìi tɔ ley. Luu nə, kəŋ tɔ ley kɔ́ yɨsə wə koꞌsə ŋwaa wi. Nu ŋkɨə faŋ ŋkə gaŋtə vɨɨ dɨdɨꞌ, lùu laa wə kɨ kaw weenshu wi.

2 Kɔrintian 1:4

Nwi boolə yia maa ŋɨꞌ yia yinshə, tɨ́ kaꞌ yia baa luu boolə vɨɨ mbɨə faŋ vəŋ lùu taa ŋɨꞌ nɨzi. Yia boolə vəŋ sheꞌ nə məboolə ŋgwə faŋ nshɨ-tɔ Nwi bòolə yia shɔ nə.

2 Kɔrintian 2:7

Nɨniŋ, ŋkə bàw laa viŋ meꞌtə ŋwə ndwə, ndenə yibɨsə yi, kɨ boolə ŋwə, laa kɨ ŋɨꞌ shɔɔ wə ghɔ́, zɨ̀ ŋwə me.

Efesɔs 4:29

Kɨ tuu ŋkee nu bwə fuu fɨ shuu viŋ me; kɨ fuu sheꞌ yigisə yijəənə, tɨ́ kaꞌ nyə jwi nə mənɔŋ-bwaŋnə tɨ́ vɨɨ mbɨə faŋ vəŋ zɔ yigi yɔ́, gàŋtə vəŋ maa nu ŋkɨə faŋ ŋkə ghɔꞌ vəŋ.

Efesɔs 6:22

Mə tɔŋ ŋwə tɨ́ viŋ buꞌ nu kɔ́, laa viŋ kɨ̀ɨ nə nu kia, ŋwə baa kɨ bwasə fwi siŋ nɨzi.

Kɔlɔsii 4:8

Mə tɔŋ ŋwə tɨ́ viŋ, tɨ́ kaꞌ ŋwə nàysə vənu via tɨ́ viŋ vənshə, baa nə laa ŋwə baa weꞌsə viŋ nɨzi maa nu Nwi.

1 Tesalonika 2:11

Viŋ kɔꞌ kɨɨ laa yia nəə yɨ nu maa wə nə muꞌ nə muꞌ fɨ wiŋ sheꞌ faŋ tɨɨ wee yaa kɨ yɨsə maa ŋwiŋ wi.

1 Tesalonika 2:3

Yia nə kee tɨsə viŋ nə nu faŋ ŋkə kee yikuꞌnə me, kee gì tɨ́ viŋ nə fwi yibwə me, kee mɔ̀ŋ maa məbweꞌsə viŋ me.

1 Tesalonika 3:2

Nɨniŋ, yia nə tɔ̀ŋ Timoti, faŋ lùu weenshu ŋwaa-nsiŋ, baa lùu wuu faꞌ Nwi faŋ yia vɨ vəŋ fɨꞌtə ntɔŋ yijəə Nwi kɔ̀ŋ Yeso Kristo nə. Yia nə tɔ̀ŋ ŋwə nɨniŋ laa ŋwə jwi wèꞌsə fwi siŋ, gàŋtə viŋ maa mənuŋ fwi siŋ maa Yeso Kristo, twèꞌ shɔ,

1 Tesalonika 4:1

Vaŋ-nshwi vaŋ, yia fàynə vənu vɔ́ laa viŋ kɨ toꞌ ghuu yitoꞌ kiŋ, ŋkə kuꞌnə tɨ́ Nwi. Maa viŋ nə duꞌtə viŋ zɔ fɨ ghɔ yia, faŋ ŋkə kùꞌnə maa mətoꞌ vɨsɨ Nwi; viŋ baa luu tòꞌ nɨniŋ. Nɨniŋ, yia buꞌ ghɔ tɨ́ viŋ, tɨsə viŋ maa yizii tɨta Yeso, laa viŋ kɨ toꞌ nɨniŋ, gə̀ vɨsɨ vɨsɨ.

1 Tesalonika 4:18

Nɨniŋ, viŋ zwisə fwi siŋ nə təgi tɔ́, viŋ viŋ.

2 Tesalonika 3:12

Yia gi tɨ́ kəŋ vɨɨ vɔ́, baa tɨsə vəŋ maa yizii tɨta Yeso Kristo, laa vəŋ shia, kɨ faꞌ faꞌ, zɨ fazɨ vəŋ fɨ maa faꞌ vəŋ.

1 Timoti 1:4

Naysə tɨ́ vəŋ laa vəŋ meꞌtə təgi kɔ̀ŋ vənu vədayday, nə təgi kɔ̀ŋ təzii təyaŋ, faŋ vəŋ gisə laa lùu təzii tə vɨɨ mwanə. Kəŋ vənu vɔ́ yaa kɨ yɨsə vɨɨ gaasə yiŋwaa nə yigi yiyaŋ. Kaꞌ mbə kee gaŋtə wə maa mənuŋ fwi maa Nwi me, tɨꞌnə me maa məfaꞌ faꞌ Nwi me.

1 Timoti 4:13

Kɨ tii ŋwaꞌlə Nwi tɨ́ vɨɨ, tɨsə vɨɨ, twelə ŋiꞌ nu Nwi tɨ́ vəŋ, gə ziꞌ tɨ́ yighee njyə faŋ mə ndɔ jwi.

1 Timoti 6:2

Gə fɨ maa vɨɨ faꞌ mbɨə faŋ vətɨɨ vəvəŋ biŋ nu Kristo, kɨ vəŋ shiasə vətɨɨ vəvəŋ vɔ́ me, buꞌ faŋ vəŋ lùu vaŋ-nshwi vəŋ maa yizii Kristo. Bàw vəŋ bee kii faꞌ tɨ́ vəŋ jəə, buꞌ laa vətɨɨ vəvəŋ lùu vɨɨ yinsəŋ, baa lùu vɨɨ faŋ Nwi kaw vəŋ, vəŋ saŋ yiŋwaa maa məyɨsə vənu vəjəəvə. Bàw a taa kɨ fɨꞌtə, baa deesə vɨɨ nɨniŋ.

2 Timoti 4:2

baa nə laa a kɨ fɨꞌtə nu Nwi, jiatə vɨɨ shɔ, faŋ ŋkə taa baw tɨ́ vəŋ, tɨꞌnə me kee baw me, kɨ ŋaꞌsə sɨ vəŋ maa ŋiꞌ nu vəŋ, naysə tɨ́ vəŋ faŋ Nwi ndɔ kwaŋ vəŋ taa nsɔꞌ. Bàw a tɨsə vəŋ, kɨ jia fwi yə, kee bwà maa mətɨsə vəŋ me. Twelə ŋiꞌ nu Nwi tɨ́ vəŋ kənshə.

Taytəs 1:9

jia sheꞌ nu yinsəŋ Nwi faŋ vɨ nə dèesə tɨ́ ŋwə nə, tɨ́ kaꞌ ŋwə baa kùꞌnə maa mətɨsə vɨɨ nə nu yinsəŋ Nwi, kɨ̀ɨ maa məkɨ ŋaꞌsə sɨ vɨɨ faŋ ghɔ vɨ vəŋ shɔɔnə nə yigi.

Taytəs 2:15

Kɨ gisə vənu vɔ́ tɨ́ vɨɨ, tɨsə vəŋ shɔ, ŋaꞌsə sɨ vəŋ buꞌ vənu vəbwəvə vəŋ, yɨsə nɨniŋ nə wutə kə kənshə. Kɨ wə shia ghɔ me.

Taytəs 2:6

Gə fɨ maa vəndɔŋ və zawə, tɨ vəŋ laa vəŋ kɨ shiinə yiŋwaa yivəŋ.

Taytəs 2:9

Gə fɨ maa vəbuꞌ, naysə tɨ́ vəŋ laa vəŋ kɨ zɔnə vətɨɨ vəvəŋ maa vənu vənshə, yɨsə vənu faŋ mbə baw too vətɨɨ vəvəŋ, kee lulə vəŋ me,

Hibru 10:25

Kɨ nsiŋ goꞌ fɨ maa nshəŋtə nyaa-nsiŋ me, faŋ vɨɨ mɔ́ꞌ yaa kɨ goꞌ nə. Nsiŋ bee kɨ kii kwaŋ wutə maa yiŋwaa nyaa-nsiŋ, nsiŋ nsiŋ, ŋkee maa yighee njyə faŋ nsiŋ kɔꞌ kɨɨ laa shi ŋkɨə faŋ Tɨta ŋwaa-nsiŋ ndɔ bəŋ jwi shɔ nə, lùu nshənə.

Hibru 13:22

Vaŋ-nshwi vaŋ, mə buꞌ ghɔ tɨ́ viŋ laa, viŋ jia fwi siŋ, zɔ̀ yigisə nyaa. Ŋwaꞌlə ŋwə̀ faŋ mə nyɔ̀ꞌ tɨ́ viŋ nə, kee lùu də me.

Hibru 3:13

Viŋ kɨ tɨsə yiŋwaa yiŋ, laa nu bwə kee bwèꞌsə viŋ, ŋìi taa ŋwaa viŋ me, laa ŋkə kee yɨ̀sə viŋ kii tɔ weꞌ me. Viŋ kɨ yɨsə nɨniŋ vəshi vənshə, faŋ kɔ tɔ və-ndee, viŋ kɨ bii zɔ̀ yigi yɔ́ nə.

1 Pita 5:12

Mə nyɔꞌ vaŋ-vənu və̀ tɨ́ viŋ, yia Silvanɔs, faŋ mə kɨ̀ɨ nə ŋwə yaa wuu yinsəŋ, baa lùu wuu məbiŋ Nwi. Mə tɨsə viŋ shɔ, baa gìsə tɨ́ viŋ ntee laa luu ŋkee nu Nwi yinsəŋ nə, faŋ Nwi gaŋtə viŋ shɔ, viŋ weꞌ shɔ.

Ŋwaꞌlə Jud 1:20

Gə fɨ maa viŋ, vɨɨmba vaŋ faŋ mə kàw, viŋ gaŋtə yiŋwaa yiŋ, viŋ viŋ, tɨ́ kɨ kaꞌ məbiŋ wiŋ weꞌ, gə vɨsɨ vɨsɨ. Nu Nwi ŋkɨə faŋ viŋ biŋ nə, luu ŋkee nu ley faŋ ŋkə ndɔ̀ fɨ ghɔ Nwi. Viŋ shɔꞌtə Nwi ghee nshə, kɨ shɔꞌtə Nwi nə nu ŋkɨə faŋ Zwitə Ley Nwi də tɨ́ viŋ.