1 Kɔrintian 14:22 - Vengo (Babungo)

²² Ŋkə də̀ tɨ́ nsiŋ laa nu məgisə təghaŋ nɨŋkwiŋ nɨŋkwiŋ maa wutə Zwitə Nwi, lùu shwenə faŋ Nwi kɔ̀ tɨ́ vɨɨ mbɨə faŋ vəŋ kee biŋ nu Nwi me. Shwenə kɔ́ kee lùu tɨ́ vɨɨ faŋ vəŋ duꞌtə vəŋ biŋ nu Nwi me. Gə fɨ maa wutə maa məfɨꞌtə yigisə shuu Nwi, lùu shwenə tɨ́ vɨɨ məbiŋ nu Nwi, kee lùu shwenə tɨ́ vɨɨ mbɨə faŋ vəŋ kee bìŋ nu Nwi me.

1 Kɔrintian 14:22 ပူးပေါင်းရင်းမြစ်များ

Mark 16:17

Vəshwenə ndɔ luu shɔ ghɔ vɨɨ mbɨə faŋ vəŋ bìŋ ntɔŋ yɔ́. Vəshwenə vɔ́ luu laa vəŋ ndɔ kɨ fuusə vəzwitə vəbwəvə fɨ maa vɨɨ maa yizii nyaa, gisə təghaŋ təfinə,

Lukas 12:46

buu tɨɨ faꞌ wi taa jwi maa shi faŋ ŋwə kee yikɨɨ me, maa yighee faŋ ŋwə kee yikɨɨ me, kɨ jwi, yɨ̀sə vɨ yɨnə ŋwə, zwi ŋwə, fàynə ŋwə ghɔ vɨ vɨɨ məmanə Nwi.

1 Kɔrintian 14:1

Nɨniŋ, bàw viŋ kɨ kəə jɨɨsə laa ŋkawnə luu taa ŋwaa viŋ. Luu nə, viŋ buꞌ ghɔ tɨ́ Nwi nɨzi, laa ŋwə kɔ vəkɔ və Zwitə Nwi tɨ́ viŋ. Nu ŋkɨə faŋ ŋkə lùu kəkwalə taa ŋwaa vəkɔ vɔ́, lùu laa Zwitə Nwi kɔ wutə tɨ́ viŋ maa məfɨꞌtə yigisə shuu Nwi.

1 Timoti 1:9

Nsiŋ baa kɨɨ laa ntɨsə sɔ́ kee lùu nu tɨ́ wə ntɨə faŋ nu ki lùu kəloomə me, luu sheꞌ tɨ́ vɨɨ məsuꞌtə ntɨsə nə vɨɨ məbuulə, nə tɨ́ vɨɨ faŋ vəŋ kee tìi Nwi nə nu me, baa yɨsə vənu vəbwəvə, nə tɨ́ vɨɨ faŋ vəŋ kee kàw nu jəə me, shɨshiasə Nwi, nə tɨ́ vɨɨ faŋ vəŋ zwilə vətɨɨ vəvəŋ ghɔ vənshwi vəvəŋ, nə tɨ́ vɨɨ məzwilə vɨɨ,