1 Kɔrintian 14:16 - Vengo (Babungo)

¹⁶ Kɨ luu laa a bwaŋ Nwi fɨ taa Zwitə Nwi maa təghaŋ nɨŋkwiŋ nɨŋkwiŋ, buu kaꞌ wə ntɨə faŋ ŋwə kee kɨ̀ɨ nə nu kɔ́ me, bìŋ laa «Amen», faŋ lùu laa «ŋkə lùu nɨniŋ», kɨkə? Kaꞌ ŋwə kee biŋ, faŋ ŋwə kee zɔ̀ nu ŋkɨə faŋ a gisə nə me.

1 Kɔrintian 14:16 ပူးပေါင်းရင်းမြစ်များ

Matiu 15:36

Ŋwə kɨ nii ndì yighɨsə bee yɔ́ kwatia nə, nə vaŋ-susə vɔ́, shɔ̀ꞌtə Nwi, bɨ̀ꞌtə bee kɔ́, kɔ̀ tɨ́ vɨɨ məzwetə nu ki, vɨɨ məzwetə nu ki kɔ tɨ́ vɨɨ vɔ́.

Matiu 28:20

deesə vəŋ maa mənuŋsə vənu vənshə faŋ mə yaa nàysə tɨ́ viŋ nə. Viŋ kɨ lumə laa mə taa luu yɨ viŋ ghee nshə, gə ziꞌ maa vəndwə və mbi.»

Matiu 6:13

Kɨ ghɔ biŋ yia ŋii məmɔŋ maa məyɨ nu bwə me. Gaŋtə yia fɨ ghɔ vənu vəbwəvə. [Wutə məsɔꞌ vɨɨ nə wutə məyɨ vənu vənshə, nə feenə, kii sheꞌ ghɔ, tɨta Nwi. Ŋkə goꞌsə yighee muꞌ. Amen.]

Mark 16:20

Vɨɨ məzwetə nu ki kɨ nii ndɔ̀, kɨ toꞌ fɨꞌtə nu Nwi maa vəshəŋ vənshə. Tɨta Yeso gaŋtə vəŋ shɔ, yɨsə yigisə vəŋ fuu nə wutə faŋ ŋwə nə kɔ̀ vəshwenə vɔ́ tɨ́ vəŋ.]

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:25

Vənu vəmɔ́ꞌ kɨ bii vəyaŋ faŋ Yeso nə yɨ̀sə. Mə bɨꞌtə laa vɨ toꞌ kɨ nyɔꞌ vənu vɔ́ vənshə tɔ tɔ, buu kaꞌ mbi yinshə kee kùꞌnə maa mənuŋ vəŋwaꞌlə vɔ́ faŋ vɨ nyɔ̀ꞌ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:15

Shuu vɨɨ kwalə vɨɨ Jus yɔŋ. Vəŋ gi laa, «Sii yɨ kə, wə ŋwə̀ kɨɨ nə ŋwaꞌlə nee, faŋ ŋwə nə kee bee zwètə ŋwaꞌlə dɨdɨꞌ me?»

Akts 4:13

Shuu vəŋ yɔŋ maa Pita ghɔ Jɔn buꞌ faŋ vəŋ nəə gisə nə wutə, kee fee wə me. Shuu vəŋ yɔŋ buꞌ laa vəŋ nə kɨɨ laa Pita ghɔ Jɔn nə kee lùu vɨɨ məkɨɨ nə ŋwaꞌlə yaŋ me. Vəŋ nə luu sheꞌ vɨɨ dayday. Luu nə, vəŋ kɨɨ nɨzi laa vəŋ nəə toꞌ ghɔ vɨ Yeso mɔ́ꞌ.

1 Kɔrintian 11:24

bwàŋ Nwi, bɨꞌ, gì laa, «Lùu ŋwaa ŋwaa nə, faŋ mə kɔ̀ tɨ́ viŋ. Viŋ kɨ yɨsə nee maa məlumə mə!»

1 Kɔrintian 14:14

Mə gì nee buꞌ laa wə kɨ luu shɔꞌtə Nwi maa təghaŋ nɨŋkwiŋ nɨŋkwiŋ, faŋ Zwitə Nwi kɔ̀ tɨ́ ŋwə, buu fwi yi shɔꞌtə Nwi, luu nə, mbɨꞌtə wə ghɔ́ kee lùu shɔ me; ŋwə kee kɨ̀ɨ nə nu ŋkɨə faŋ ŋwə gisə me.

1 Kɔrintian 14:2

Wə faŋ Zwitə Ley Nwi kɔ̀ wutə tɨ́ ŋwə maa məgi təghaŋ nɨŋkwiŋ nɨŋkwiŋ, ŋwə gisə lùu tɨ́ Nwi, kee lùu tɨ́ vɨɨ me, buꞌ laa kaꞌ vɨɨ kee zɔ̀ ghaŋ wi me. Ŋwə gisə vənu faŋ mbə ndènə fɨ ghɔ vɨɨ.

1 Kɔrintian 16:24

Mə nùŋsə viŋ vənshə taa fwi mə, buꞌ laa nsiŋ vənshə lùu fa kəmuꞌ, nsiŋ vɨ Yeso Kristo.

2 Kɔrintian 1:20

Nu kwalə kɔ́ lùu laa Nwi yɨsə vənu vəjəəvə vənshə faŋ Nwi nə kɔ̀ꞌnə maa məfaynə taa ŋwaa Yeso. Luu sheꞌ buꞌ Yeso nɨzi, laa vɨɨ kɨ biŋ Nwi, bəŋsə Nwi maa vənu vəjəəvə vɔ́. Kaꞌ vɨɨ kɨ bəŋsə Nwi shɔ, buꞌ laa yia nə fɨꞌtə vənu vɔ́ tɨ́ vəŋ.

Reveleyshən 22:20

Wə ntɨə faŋ ŋwə fɨꞌtə nu kɔ́ ntee, gì laa, «Yinsəŋ, mə taa yasə jwi.» Luu sheꞌ nɨniŋ. «Tɨta Yeso, jwi!»

Reveleyshən 5:14

Vətɔ vəbweyvə vɔ́ yishwe nə, gi laa, «Ŋkə lùu nɨniŋ.» Vɨɨ taa vɔ́ nɔŋ nsi, kɨ bəŋsə Nwi.

Reveleyshən 7:12

gì laa, «Lùu nɨniŋ. Nsiŋ kɨ bəŋsə Nwi, kɔ feenə tɨ́ ŋwə. Yitɔfə yinshə luu sheꞌ ghɔ ŋwə. Məbwaŋ luu sheꞌ tɨ́ ŋwə. Ŋwə kwàlə shɔ̀ɔ, kìi wutə kənshə, ndɔ gòꞌsə yighee muꞌ. Ŋkə lùu sheꞌ nɨniŋ.»