1 Kɔrintian 14:11 - Vengo (Babungo)

¹¹ Faŋ ŋkə kɔlə lùu nɨniŋ, kɨ luu laa mə kee zɔ̀ ghaŋ mɔ́ꞌ me, buu wə ghɔ́ taa ndɨ mə yaa wə tɔŋ, ŋwə taa baa lùu yaa wə tɔŋ shee nɨzi.

1 Kɔrintian 14:11 ပူးပေါင်းရင်းမြစ်များ

Akts 28:2

Vɨɨ shɨ vɔ́ nə sàylə maa yia, kèe gəŋ sia, twàŋ məŋkɔꞌ tɨ́ kaꞌ yia zwà wisə, buꞌ laa yighuu nəə sɨsiꞌ, gwə koo yia.

Akts 28:4

Faŋ vɨɨ shɨ vɔ́ nə yè faŋ zɔ yɔ́ nə ghàytə maa ghɔ Pɔɔl, vəŋ gi wə nə wə laa, «Wə ŋwə̀ lùu wuu məzwi wə, faŋ ŋwə bwèy fɨ ghɔ mamuu, Nwi kee biŋ laa ŋwə bwey me.»

Roma 1:14

Nu kaŋ lùu laa mə kɨ fɨꞌtə nu Kristo tɨ́ vɨɨ faŋ vəŋ kɨɨ nə ghaŋ Griik, nə tɨ́ vɨɨ faŋ vəŋ kee kɨɨ nə ghaŋ Griik me, nə tɨ́ vɨɨ yitɔfə, nə tɨ́ vɨɨ faŋ vəŋ kee kɨ̀ɨ nə vənu me.

1 Kɔrintian 14:10

Təghaŋ taa mbi təyaŋ, nɨŋkwiŋ nɨŋkwiŋ. Luu nə, təghaŋ tɔ́ tənshə kìi ŋiꞌ ki.

1 Kɔrintian 14:21

Taa ŋwaꞌlə Nwi, vɨ nyɔ̀ꞌ laa, «Nwi gì laa yi taa tɔŋ vɨɨ faŋ vəŋ taa kɨ gisə təghaŋ nɨŋkwiŋ nɨŋkwiŋ, vəŋ jwi kɨ fɨꞌtə nu Nwi tɨ́ vɨɨ və̀. Luu nə, faŋ Nwi kɔlə yɨ̀ nɨniŋ nə, vɨɨ vɔ́ kee bee zɔ̀ nu ŋkɨə faŋ Nwi nə naysə tɨ́ vəŋ me.»

Kɔlɔsii 3:11

Viŋ kɨ kii nshinə yifi yɔ́, buu ŋkwiinə kee baa lùu shɔ taa ŋwaa viŋ me. Vɨɨ Griik kee baa lùu nɨŋkwiŋ fɨ ghɔ vɨɨ Jus me. Vɨɨ faŋ vɨ sɨ̀ɨtə vəŋ, kee baa lùu nɨŋkwiŋ fɨ ghɔ vɨɨ faŋ vɨ kee sɨ̀ɨtə vəŋ me. Vəndɔ nə vɨɨ fɨ taa gay kee baa lùu nɨŋkwiŋ fɨ ghɔ vɨɨ binə binə me. Buꞌ kee baa lùu nɨŋkwiŋ fɨ ghɔ wə faŋ ŋwə tɨ̀ŋ tɔ ŋwə me. Vɨɨ vənshə luu sheꞌ nɨndɨŋ. Nu kwalə luu sheꞌ Kristo faŋ ŋwə lùu taa vənu vənshə.