1 Kɔrintian 14:1 - Vengo (Babungo)

¹ Nɨniŋ, bàw viŋ kɨ kəə jɨɨsə laa ŋkawnə luu taa ŋwaa viŋ. Luu nə, viŋ buꞌ ghɔ tɨ́ Nwi nɨzi, laa ŋwə kɔ vəkɔ və Zwitə Nwi tɨ́ viŋ. Nu ŋkɨə faŋ ŋkə lùu kəkwalə taa ŋwaa vəkɔ vɔ́, lùu laa Zwitə Nwi kɔ wutə tɨ́ viŋ maa məfɨꞌtə yigisə shuu Nwi.

1 Kɔrintian 14:1 ပူးပေါင်းရင်းမြစ်များ

Roma 12:6

Vəfaꞌ vaŋ-nsiŋ baa lùu nɨŋkwiŋ nɨŋkwiŋ, faŋ Nwi nə kèy nsiŋ nə yitɔfə baa nə mənɔŋ-bwaŋnə nɨŋkwiŋ nɨŋkwiŋ. Ŋkə bàw laa wə ntɨə faŋ Nwi nùŋ nu ki taa fwi ŋwə, kɨ gisə nu kɔ́, ŋkə kùꞌnə maa nu ŋkɨə faŋ nsiŋ nùŋ fwi saŋ-nsiŋ shɔ nə.

Roma 14:19

Nɨniŋ, nsiŋ kɨ beꞌsə fɨ yiba nu faŋ ŋkə yɨsə nsiŋ duꞌ nə mənɔŋ-bwaŋnə, gaŋtə yiŋwaa nyaa-nsiŋ maa məgə vɨsɨ maa nu Kristo.

Roma 9:30

Ŋkə lùu kɨkə ndwə? - Viŋ zɔ! Vɨɨ tətɔŋ fu faŋ vəŋ nə kee kəə jɨɨsə maa məgu vɨɨ loomə vɨsɨ Nwi me, gù vɨɨ loomə. Nu vəŋ lùu kəloomə buꞌ faŋ vəŋ nùŋ fwisə vəŋ maa Kristo.

1 Kɔrintian 12:1

Nu mɔ́ꞌ lùu shɔ faŋ mə kee kàw laa viŋ duꞌ nshi buꞌ ŋkə maa kɨɨ me. Mə kəə twelə vənu tɨ́ viŋ kɔ̀ŋ vəwutə mbɨə faŋ Zwitə Nwi yaa kɨ kɔ tɨ́ vɨɨ nə.

1 Kɔrintian 12:31

Gə fɨ maa viŋ, viŋ tə sɨ laa Zwitə Nwi kɔ wutə tɨ́ viŋ laa viŋ kɨ yɨsə vənu vəkwalə fɨ maa vənu vɔ́ nə. Luu nə, mə kəə naysə nu mɔ́ꞌ tɨ́ viŋ faŋ ŋkə shɔ̀ɔ vənu vɔ́ vənshə.

1 Kɔrintian 13:13

Vənu lùu shɔ vətia faŋ kaꞌ mbə kee ndɔ mè me. Nu kəmuꞌ lùu laa nsiŋ kɨ nuŋ fwi saŋ-nsiŋ maa Nwi. Nu mɔ́ꞌ lùu məbwey vəlwaŋ faŋ nsiŋ kɨꞌ fɨ ghɔ Nwi nə. Nu lwesə vətia luu ŋkawnə. Fɨ maa vənu və̀ vətia nə, nu ŋkawnə kwàlə shɔ̀ɔ vənu vɔ́ vənshə.

1 Kɔrintian 13:2

Mə kɔlə kìi wutə faŋ kaꞌ mə kɨ twelə yigisə shuu Nwi, tɨꞌnə me kɨɨ nə vənu vənshə faŋ mbə ndènə fɨ ghɔ vɨɨ, tɨꞌnə me kɨɨ nə nu Nwi laylay, tɨꞌnə me nùŋ fwi nyaa maa Nwi ŋkee dɨdɨꞌ, tɨ́ kaꞌ mə yɨ̀sə laa ŋkee baŋsə kwalə muꞌnə, mə nəə toꞌ kɨ̀ɨ nə vənu vɔ́ vənshə, luu nə, kee kìi ŋkawnə maa vɨɨ me, buu lùu nu dayday.

1 Kɔrintian 14:22

Ŋkə də̀ tɨ́ nsiŋ laa nu məgisə təghaŋ nɨŋkwiŋ nɨŋkwiŋ maa wutə Zwitə Nwi, lùu shwenə faŋ Nwi kɔ̀ tɨ́ vɨɨ mbɨə faŋ vəŋ kee biŋ nu Nwi me. Shwenə kɔ́ kee lùu tɨ́ vɨɨ faŋ vəŋ duꞌtə vəŋ biŋ nu Nwi me. Gə fɨ maa wutə maa məfɨꞌtə yigisə shuu Nwi, lùu shwenə tɨ́ vɨɨ məbiŋ nu Nwi, kee lùu shwenə tɨ́ vɨɨ mbɨə faŋ vəŋ kee bìŋ nu Nwi me.

1 Kɔrintian 14:37

Kɨ luu wə luu shɔ faŋ ŋwə bɨꞌtə laa yi lùu nshiiŋii-sɔghɔ, tɨꞌnə me laa yi kìi Zwitə Nwi taa fwi ŋwə, buu ŋwə kɔꞌ kɨɨ laa nu ŋkɨə faŋ mə nyɔ̀ꞌ tɨ́ viŋ feenə, luu ŋkee sɔꞌ faŋ ŋwə ndɔ̀ fɨ ghɔ tɨta Nwi.

1 Kɔrintian 14:39

Nɨniŋ, vaŋ-nshwi vaŋ, viŋ tə sɨ, tɨ́ kaꞌ viŋ kìi wutə maa məgi yigi faŋ nyə ndɔ̀ fɨ ghɔ Nwi. Viŋ yɨ nɨniŋ, kee kɨ twey laa vɨɨ kɨ gisə təghaŋ nɨŋkwiŋ nɨŋkwiŋ faŋ kɔ̀ Zwitə Nwi tɨ́ vəŋ me.

1 Kɔrintian 16:14

Maa vənu vənshə faŋ viŋ yɨsə, viŋ kii ŋkawnə taa ŋwaa viŋ.

Efesɔs 1:3

Nsiŋ kɨ bəŋsə Nwi, tɨɨ tɨta ŋwaa-nsiŋ Yeso Kristo, faŋ ŋwə nə kɔ̀ ŋgwisə mənɔŋ-bwaŋnə yinshə tɨ́ nsiŋ, kɔ vənu və Zwitə Ley Nwi faŋ mbə lùu taa yizɔ tɨ́ nsiŋ fɨ jɨŋ Kristo.

1 Tesalonika 5:20

kee mànə nu ŋkɨə faŋ Nwi kwàŋ shuu vɨɨ, vəŋ gisə me.

1 Timoti 4:14

Kɨ shiasə nu ŋkɨə faŋ Nwi nə kèy ghɔ shɔ nə me, faŋ nshiisə-ŋii sɔghɔ nə fɨ̀ꞌtə nu buꞌ ghɔ, faŋ vɨɨ taa fɨ taa məshəŋtə vɨɨ Nwi nə mɔꞌ ghɔ vəŋ tɔ ghɔ nə me.

1 Timoti 5:10

Bàw vɨ kwaŋ yizii yi faŋ vɨɨ biŋ ŋwə laa ŋwə nəə yɨsə vənu vəjəəvə, kɨꞌ vaŋmbwaa, baa fisə vəndɔ taa ŋii ŋwə, sɔ ghuu vɨɨ ley Nwi, gaŋtə vɨɨ ŋɨꞌ, yɨsə vənu vəjəəvə vənshə.

1 Timoti 6:11

Gə fɨ maa ghɔ, wuu Nwi, nyɨŋ vənu vɔ́, bèꞌsə fɨ jɨŋ nu ŋkɨə faŋ lùu nu loomə, baa nə nu məbəŋsə Nwi, nə maa mənuŋ fwi maa Kristo, nə məkaw vɨɨ, nə maa məjia fwi taa ŋɨꞌ, nə nu məduꞌ bwaŋnə.

2 Timoti 2:22

Kɨ nyɨŋ vənu vəbwəvə mbɨə faŋ zawə yaa kɨ kəə, beꞌsə luu fɨ yiba jɨŋ nu faŋ lùu nu loomə, baa nə maa mənuŋ fwi yə maa Kristo, baa nə maa məkaw vɨɨ, baa nə maa məduꞌ bwaŋnə viŋ vɨ vɨɨ vənshə faŋ vəŋ tii yizii tɨta Kristo nə fwi yiley.

Hibru 12:14

Viŋ kəə jɨɨsə maa məduꞌ nyɔŋ viŋ vɨ vɨɨ vənshə. Viŋ kɨ faꞌ nə wutə, tɨ́ kaꞌ viŋ kɨ shi nshinə faŋ lùu nshinə yiley vɨsɨ Nwi. Viŋ kɔꞌ kɨɨ laa kaꞌ wə kee ndɔ gə yè Nwi, maa kɨ shi nshinə yɔ́ me.

2 Pita 1:7

Faŋ viŋ zɔnə Nwi nɨniŋ nə, viŋ kɨ kaw vaŋ-nshwi viŋ maa yizii Yeso Kristo. Faŋ viŋ kaw vaŋ-nshwi viŋ nɨniŋ nə, viŋ kɨ kaw vɨɨ vənshə.

3 Jɔn 1:11

Wuumba ŋwaa, kɨ ghɔ kɨ fiꞌsə vənu vəbwəvə me, kɨ fiꞌsə luu nu jəə. Wə ntɨə faŋ ŋwə yɨ nu jəə, ndɔ̀ fɨ ghɔ Nwi. Wə ntɨə faŋ ŋwə yɨ nu bwə, kee bee yè Nwi me.