1 Kɔrintian 13:9 - Vengo (Babungo)

⁹ Vənu vɔ́ ndɔ mè, buꞌ laa yitɔfə nyaa-nsiŋ kee yikuꞌ maa yitɔfə Nwi me. Yigisə shuu Nwi faŋ nsiŋ gisə nə, kee lùu yibɔŋsə me.

1 Kɔrintian 13:9 ပူးပေါင်းရင်းမြစ်များ

Matiu 11:27

Ŋwə nə baa gì laa lee, «Tii ŋwaa nùŋsə vənu vənshə ghɔ mə. Tuu wə kee kɨɨ nə Wee Nwi me, kɨɨ sheꞌ tɨta Nwi kɨ̀ɨ nə ŋwə. Gə fɨ maa tɨta Nwi, tuu wə kee kɨ̀ɨ nə ŋwə me, kɨɨ sheꞌ ŋwiŋ wi kɨ̀ɨ nə ŋwə, nə wə ntɨə faŋ Wee Nwi ghɔ́ kàw maa məbɨ tɨ́ ŋwə.»

Roma 11:34

«Sii kɨ̀ɨ ndə nə nu ŋkɨə faŋ tɨta Nwi bɨꞌtə? Sii kaꞌ tɨ̀ ndə tɨ ŋwə?»

1 Kɔrintian 13:10

Yighee njyə faŋ Nwi ndɔ yɨsə vənu vənshə fuu ntee sɨ vɨɨ, buu vənu vɔ́ faŋ mbə kee yikuꞌnə nə me, ndɔ mè.

1 Kɔrintian 13:12

Vənu faŋ nsiŋ ye ndwə, nsiŋ kee ye vəley me. Nsiŋ ye sheꞌ yaa vɨ ye taa ŋwaꞌlə məye sɨ, faŋ ŋwə kee lùu ley me. Ndɔ luu shi mɔ́ꞌ, nsiŋ ye Nwi nə sɨ nə sɨ. Ndwə yitɔfə nyaa-nsiŋ kee ta yikuꞌnə me. Ndɔ luu shi kɔ́, vənu vənshə luu vəley tɨ́ nsiŋ, sheꞌ faŋ Nwi kɨ̀ɨ nə nsiŋ maa vənu vənshə.

1 Kɔrintian 2:9

Lùu nu yinsəŋ faŋ vɨ nə nyɔ̀ꞌ taa ŋwaꞌlə Nwi laa, «Nwi lootə ŋkee nu kwalə tɨ́ vɨɨ mbɨə faŋ vəŋ kaw ŋwə. Lùu nu faŋ tuu wə nə kee ta yiye me, baa lùu nu faŋ tuu wə nə kee ta yizɔ me, baa lùu nu faŋ tuu wə nə kee ta yibɨꞌtə me.»

1 Kɔrintian 8:2

Kɨ luu wə ndɨ ŋwaa wi yaa wə faŋ ŋwə kɨ̀ɨ nə nu, buu ŋkə də̀ laa ŋwə kee ta kìi tɔ ley maa məkɨɨ nə nu me.

Efesɔs 3:8

Nwi nə kɔ̀ faꞌ Nwi ghɔ́ ŋkee tɨ́ mə, faŋ mə luu ŋkee wuu tɨtiꞌ fɨ taa ŋwaa vɨɨ ley Nwi, laa mə kɨ saynə ntɔŋ yijəə Kristo yɔ́ faŋ luu ŋkee nu kwalə nə, taa ŋwaa vɨɨ tətɔŋ fu,

1 Jɔn 3:2

Vɨɨmba vaŋ, nsiŋ luu vaŋ Nwi ndwə. Luu nə, fa ŋkɨə faŋ nsiŋ ndɔ luu nə, ŋkə kee ta fùu ntee yikəꞌ vɨɨ me. Nsiŋ kɨɨ sheꞌ laa, yighee njyə faŋ ŋkə ndɔ fuu ntee sɨ vɨɨ, nsiŋ kɨ nii lùu yuu ŋwə, buꞌ faŋ nsiŋ ndɔ ye ŋwə faŋ ŋwə lùu.