1 Kɔrintian 13:7 - Vengo (Babungo)

⁷ Wə faŋ ŋwə kaw vɨɨ, kee yuu kɨ gisə kɔ̀ŋ bwə faŋ vɨɨ yɨsə me; ŋwə bee kii nuŋsə vənu vənshə sheꞌ ghɔ Nwi, bɨꞌtə laa Nwi taa yɨsə vənu vənshə fuu vəjəə. Fwi yi kee bwà maa nu tɨ̀ me nu me.

1 Kɔrintian 13:7 ပူးပေါင်းရင်းမြစ်များ

Matiu 10:22

Vɨɨ vənshə ndɔ kɨ bee viŋ buꞌ mə. Luu nə, wə ntɨə faŋ ŋwə ndɔ jia fwi yi, zìꞌ maa vəndwə və vənu vɔ́, ndɔ kii məbwey vəlwaŋ.

Mark 9:23

Yeso gi tɨ́ ŋwə laa, «A sii gì laa faŋ kaꞌ mə yɨ̀ nu? Wə ntɨə faŋ ŋwə nùŋ fwi yi maa Nwi, kɨ kaꞌ nu kee ghɔ̀ꞌ ŋwə me.»

Roma 15:1

Nɨniŋ, nu kaŋ-nsiŋ faŋ nsiŋ weꞌ maa nu Kristo nə, lùu laa, nsiŋ kɨ gaŋtə vɨɨ mbɨə faŋ vəŋ bwa maa nu Kristo, kee yɨsə vənu faŋ mbə bàw sheꞌ tɨ́ nsiŋ nə me.

Roma 8:24

Ŋwə duꞌtə ŋwə bweysə nsiŋ, laa nsiŋ kɨ kɨꞌ vətɔ fɨ yizɔ. Nəə toꞌ lùu laa nsiŋ duꞌtə nsiŋ ye vətɔ vɔ́ fɨ yizɔ nə, buu nsiŋ kee baa kɨ kɨꞌ me. Wə faŋ ŋwə yè fa, baa kɨ kɨꞌ fa kɔ́ kɨkə?

1 Kɔrintian 13:4

Ŋkawnə yaa kɨ yɨsə wə kɨ jia fwi yi, baa kii njyoꞌ yijəə; ŋwə kee ghɨꞌ vɨɨ me, kee gisə yigi shuu yaŋnə me, kee koꞌsə ŋwaa me.

1 Kɔrintian 9:12

Viŋ biŋ laa vɨɨ mɔ́ꞌ faŋ vəŋ deesə nu Nwi tɨ́ viŋ, fi vətɔ fɨ ghɔ viŋ. Faŋ ŋkə lùu nɨniŋ nə, buu yia luu ŋkee vɨɨ mbɨə faŋ kaꞌ viŋ kɔ̀ vətɔ vɔ́ nə. Luu nə, faŋ ŋkə kɔlə lùu nɨniŋ, yia kee ndwàŋ viŋ laa viŋ gaŋtə yia me. Yia duꞌtə yia biŋ ŋɨꞌ tɨ̀ me ŋɨꞌ, laa kɨ yia fəŋ jɨɨ fɨ ghɔ ntɔŋ yijəə Nwi kɔ̀ŋ Yeso Kristo me.

Galatia 6:2

Viŋ gaŋtə wə nə wə, shàꞌ ŋɨꞌ wə nə wə. Viŋ yɨ̀ nɨniŋ, buu ŋkə də̀ laa nshinə Kristo lùu maa viŋ.

2 Tesalonika 1:4

Nshɨ-tɔ wia ŋaytə, baa bə̀ŋsə viŋ fɨ taa vəməshəŋtə və vɨɨ Nwi, buꞌ laa viŋ jìa fwi siŋ, nùŋ sheꞌ maa Kristo ghee nshə, faŋ vɨɨ shoꞌ ghuu ghiŋ, kwaŋ ŋɨꞌ maa viŋ nə.

2 Timoti 2:24

Bàw laa wuu faꞌ tɨta Kristo bwaŋnə tɨ́ vɨɨ vənshə, kee kɨ nywenə nywaŋsə me. Bàw ŋwə kɨɨ maa mədeesə nu Nwi jəə, jia fwi faŋ vɨ kɔ ŋɨꞌ tɨ́ ŋwə.

2 Timoti 3:11

Vɨɨ shoꞌ ghuu ŋaa, kwàŋ mə taa ŋɨꞌ faŋ ŋkə nə gày maa məshɨ mə Antiɔk, baa nə Ikoniɔn, baa nə Listra. Vɨ nə shòꞌ ghuu ŋaa nɨniŋ, mə jia fwi nyaa. Nɨniŋ, tɨta Nwi fuusə mə fɨ taa vənu vɔ́ vənshə.

2 Timoti 4:5

Gə fɨ maa ghɔ, bàw a jia fwi yə, nyə ley maa vənu vənshə, kɨ biŋ ŋɨꞌ buꞌ nu Kristo, faꞌ faꞌ wuu məfɨꞌtə ntɔŋ yijəə Nwi, faꞌ faꞌ wə nshə yaa wuu faꞌ Nwi.

Hibru 13:13

Nɨniŋ, bàw nsiŋ ndɔ meꞌtə shiŋii, beꞌsə ŋwə fu, baa luu bìꞌ fɨ maa tɔ dɨɨ ki.

Jeyms 1:12

Məŋaytə lùu tɨ́ wə ntɨə faŋ ŋwə jìa fwi yi wèꞌ maa yighee njyə faŋ məmɔŋ jwì maa ŋwə. Bàw ŋwə ŋaytə buꞌ laa vəkeynə vi ndɔ lùu məbwey vəlwaŋ faŋ Nwi kɔ̀ꞌnə maa məkɔ tɨ́ vɨɨ mbɨə faŋ vəŋ kaw Nwi.

1 Pita 2:24

Kristo nə shàꞌ vənu vəbwəvə vaŋ-nsiŋ maa ŋwə, kù fuu fəŋkɔꞌ fə ŋkɨꞌsə. Nɨniŋ laa nsiŋ gaasə nsiŋ vɨ vənu vəbwəvə, kɨ yɨsə luu vənu vəjəəvə yuu vɨ nə nyɔ̀ꞌ taa ŋwaꞌlə Nwi laa, «Buꞌ vədɨꞌ vi, vənu vəbwəvə vaŋ-nsiŋ mè.»

1 Pita 4:8

Nu ŋkɨə faŋ ŋkə shɔ̀ɔ vənu vənshə lùu laa, viŋ kɨ kawnə yiŋwaa yiŋ, kee bwa me, buꞌ laa ŋkawnə yaa kɨ bɔŋ vənu vəbwəvə vəyaŋ.