1 Kɔrintian 13:5 - Vengo (Babungo)

⁵ Wə faŋ ŋwə kaw vɨɨ, kee yaa kɨ yɨ nu maa jɨɨ faŋ nyə kee yikuꞌnə me, kee ndeynə sheꞌ ŋwaa wi me; fwi yi kee yaa kɨ shə me; ŋwə kee yaa kɨ lumə nu bwə faŋ wə yɨ maa ŋwə me.

1 Kɔrintian 13:5 ပူးပေါင်းရင်းမြစ်များ

Matiu 5:22

Luu nə, mə gì ŋkaŋ tɨ́ viŋ laa, «Fwi wə kɨ luu shə̀ maa weenshu wi, ŋwə ŋìi nsɔꞌ. Wə ntɨə faŋ ŋwə gì tɨ́ weenshu wi laa ŋwə lùu wuu dayday, ndɔ ŋii taa nsɔꞌ yiweꞌ. Wə ntɨə faŋ ŋwə gì tɨ́ weenshu wi laa ŋwə luu mfaw, ŋìi nsɔꞌ Nwi, vɨ mɔꞌ ŋwə taa wi.

Matiu 9:4

Yeso kɨɨ nə nu ŋkɨə faŋ vəŋ nəə bɨꞌtə fɨ taa fwisə vəŋ nə, gì tɨ́ vəŋ laa, «Viŋ sii kitə nu bwə fɨ taa fwisə viŋ buꞌ kə?

Mark 3:5

Vəŋ gay. Ŋwə ndeynə vəŋ kia nə fwi yifəŋ, luŋ buꞌ laa fwisə vəŋ nə luu səshii maa məbiŋ nu ki, kɨ nii gì tɨ́ wə ghɔ́ laa, «Nesə kwiŋ wə!» Wə ghɔ́ nesə kwiŋ wi; kwiŋ wi ghɔ́ bwaŋnə.

Lukas 7:39

Wuu Farisii ghɔ́ faŋ ŋwə nə tìi Yeso taa ŋii ŋwə nə, ye, bɨ̀ꞌtə fɨ taa fwi ŋwə laa, Yeso nii toꞌ lùu nshiiŋii-sɔghɔ, buu ŋwə kɨ̀ɨ nə wəzwi ŋwə̀, faŋ ŋwə kɔ̀ŋ ŋwə nə, baa kɨ̀ɨ nə ŋiꞌ ki laa lùu wuu məyɨ vənu vəbwəvə.

1 Kɔrintian 10:24

Bàw wə kɨ faꞌ maa jɨɨ njyə faŋ nyə taa gaŋtə vɨɨ mɔ́ꞌ. Kɨ ŋwə kɨ yɨsə vənu faŋ mbə taa gaŋtə sheꞌ ŋwə me.

1 Kɔrintian 10:33

Nshɨ-tɔ ŋwaa kəə laa mə kɨ bawsə fwisə vɨɨ vənshə maa vənu vənshə faŋ mə yɨsə. Mə kee bɨꞌtə sheꞌ nu faŋ ŋkə taa gaŋtə mə nɨnɔŋ me; mə bɨꞌtə nu faŋ ŋkə taa gaŋtə vɨɨ vəyaŋ, tɨ́ kaꞌ mə ndɨ vəŋ, jwì nə vəŋ tɨ́ Nwi, tɨ́ vɨ kɔ Nwi bwèysə vəŋ.

1 Kɔrintian 11:18

Mfɔŋ ŋɨꞌ lùu laa, mə zɔ̀ laa taa məshəŋtə wiŋ faŋ viŋ faynə maa nu Nwi, viŋ kee lùu nə fa kəmuꞌ me. Viŋ gaasə vəway vəway. Way wì lùu shee yaa lùu yigisə yinsəŋ faŋ mə zɔ̀ kɔ̀ŋ viŋ nə.

1 Kɔrintian 12:25

Nwi nə yɨ̀ nɨniŋ laa ŋgaasə kee lùu maa ŋwaa me, vəlaŋ və ŋwaa bee kɨ kii gaŋtə yiŋwaa vəŋ, vəŋ vəŋ.

1 Kɔrintian 7:36

Gə fɨ maa wə faŋ ŋwə kìi wee-wəzwi, tɨꞌnə me wə faŋ ŋwə kəə ndaa wee-wəzwi, kɨ luu ŋwə bɨꞌtə laa, ŋkə kee yikuꞌnə laa yi meꞌtə wee-wəzwi ghɔ́, yighee məbi wee yi shɔɔ me, buu ŋkə bàw laa ŋwə yɨ nɨniŋ, sheꞌ faŋ ŋwə kàw. Kaꞌ vəŋ ndaa. Ŋkə kee lùu nu bwə me.

2 Kɔrintian 5:19

Nwi nə luu taa ŋwaa Kristo, mètə nsɔꞌ vɨɨ fɨ mbi ghɔ vɨ vəŋ, kee bə̀ŋsə nu bwə vəŋ tɨ́ vəŋ me. Nwi nuŋsə yia laa yia kɨ gisə nu məmetə nsɔꞌ tɨ́ vɨɨ.

Galatia 5:13

Vaŋ-nshwi vaŋ, gə fɨ maa viŋ, Nwi nə shòꞌ viŋ laa kɨ viŋ baa luu yaa vəbuꞌ tɨ́ ntɨsə vɨɨ Jus me. Luu nə, faŋ viŋ kee lùu vəbuꞌ tɨ́ ntɨsə sɔ́ nə me, kɨ viŋ bɨꞌtə laa kaꞌ viŋ taa kɨ yɨsə vənu vənshə faŋ mbasə ŋwaa wiŋ kàw me. Viŋ kii ŋkawnə tɨ́ wə nə wə, baa gaŋtə wə nə wə.

Filipi 2:21

Bətə vɨɨ bɨꞌtə sheꞌ vənu vəvəŋ; vəŋ kee bɨꞌtə vənu və Yeso Kristo me.

Filipi 4:8

Vaŋ-nshwi vaŋ, vəndwə və yigi vaŋ lùu laa, viŋ nuŋsə mbɨꞌtə yiŋ sheꞌ maa nu ŋkɨə faŋ ŋkə lùu yinsəŋ, nə ŋkɨə faŋ ŋkə kùꞌnə tɨ́ vɨɨ Nwi, nə ŋkɨə faŋ ŋkə lùu kəloomə, baa lùu kəley, baa nə maa vənu mbɨə faŋ mbə kɔ məŋaytə tɨ́ vɨɨ, baa suŋtə vɨɨ. Vənu vəjəəvə vənshə, nə mbɨə faŋ mbə jwi nə məbəŋsə tɨ́ Nwi, lùu vənu mbɨə faŋ viŋ taa kɨ bɨꞌtə mbə.

2 Tesalonika 3:7

Viŋ kɔꞌ kɨɨ faŋ ŋkə bàw laa viŋ kɨ beꞌsə ghuu yitoꞌ kia, buꞌ laa yia nə kee tòꞌ twey faꞌ taa ŋwaa viŋ me,

2 Timoti 2:10

Nɨniŋ, mə jìa fwi nyaa maa ŋɨꞌ yinshə buꞌ vɨɨ mbɨə faŋ Nwi nə shoꞌ vəŋ, laa lùu vɨɨ vi, tɨ́ kaꞌ vəŋ nɨzi ndɔ zɨ məbwey vəlwaŋ fɨ yiba Yeso Kristo. Məbwey ghɔ́ ndɔ baw shɔ̀ɔ, gòꞌsə yighee muꞌ.

2 Timoti 4:16

Faŋ vɨ nə fɔŋ sɔ̀ꞌ nsɔꞌ nyaa, tuu wə muꞌ nə kee gì nu maa məgaŋtə mə me. Vɨɨ vənshə meꞌtə mə. Mə buꞌ ghɔ tɨ́ Nwi laa ŋwə ndenə nu kɔ́ tɨ́ vəŋ.

Jeyms 1:19

Vaŋ-nshwi vaŋ faŋ mə kàw, bàw viŋ kɨɨ nə nu ŋkɨə faŋ mə kəə gì ndwə. Bàw wə kɨ zɔ titi, jia fwi maa məgi, baa jia fwi buꞌ fwi yishəsə.