1 Kɔrintian 13:4 - Vengo (Babungo)

⁴ Ŋkawnə yaa kɨ yɨsə wə kɨ jia fwi yi, baa kii njyoꞌ yijəə; ŋwə kee ghɨꞌ vɨɨ me, kee gisə yigi shuu yaŋnə me, kee koꞌsə ŋwaa me.

1 Kɔrintian 13:4 ပူးပေါင်းရင်းမြစ်များ

Matiu 27:18

Ŋwə nə gì nɨniŋ buꞌ laa ŋwə nəə kɔꞌ kɨɨ laa vəŋ nə ghɨ̀ꞌ Yeso ghɨghɨꞌ, buu kɔ ŋwə maa nsɔꞌ.

Akts 7:9

Vətɨɨ vaŋ-nsiŋ vɔ́ bee weenshu vəŋ Josef, fìŋ ŋwə shɨ Ijip. Luu nə, Nwi nə luu yiba jɨŋ ŋwə,

Roma 1:29

Ŋgwisə vənu vəbwəvə lwaŋ taa fwisə vəŋ, nə nu yibɨsə njyoꞌ. Vəŋ tə̀ sɨ maa məkii vətɔ vəyaŋ, kìi fwi yifəŋ. Fəsə baa lwàŋ taa fwisə vəŋ, nə nu məzwi wə, nə nywaŋsə, nə nu mənay, nə mbɨꞌtə yibwə, nə məgisə maa shuŋ,

Roma 13:13

Nsiŋ kɨ toꞌ ghuu yitoꞌ kaŋ-nsiŋ kəley, yuu ŋkə kuꞌ maa mətoꞌ nə shɨshwi, kee kɨ toꞌ zɨ vətɔ me, tɨꞌnə me nu məluꞌ ghenə me, tɨꞌnə me beꞌsə nu vəki me, vəki kee beꞌsə vəndɔŋ me, kee kɨ zɨ shɨ me, kee tay ntaysə me, kee kɨ səsə vətɔ və vɨɨ me.

1 Kɔrintian 3:3

buꞌ laa viŋ kɨ bii shi nshinə yiŋ yaa vɨɨ fɨ taa mbi. Viŋ kɨ bii nə fəsə baa nə ntaysə taa ŋwaa viŋ. Ŋkə də̀ laa mbɨꞌtə yiŋ kɨ bii yaa njyə vɨɨ fɨ taa mbi, viŋ toꞌ yaa vɨɨ fɨ taa mbi.

1 Kɔrintian 4:18

Vɨɨ mɔ́ꞌ fɨ taa ŋwaa viŋ koꞌsə yiŋwaa vəŋ, bɨꞌtə laa mə ndɔ kee baa bəŋ jwì yɨ viŋ me.

1 Kɔrintian 4:6

Vaŋ-nshwi vaŋ, nu ŋkɨə faŋ mə nii gìsə nə, mə gìsə kɔ̀ŋ nshɨ-tɔ ŋwaa nə Apɔlɔs maa məgaŋtə viŋ, tɨ́ kaꞌ viŋ kɨ̀ɨ nə ŋiꞌ yigi njyə faŋ nyə gì laa, «Bàw wə kɨ toꞌ sheꞌ maa nu ŋkɨə faŋ ŋkə lùu taa ŋwaꞌlə Nwi. Kɨ wə kɨ dee ki me.» Ŋkə kee kùꞌnə laa viŋ kɨ koꞌsə yiŋwaa buꞌ wə me, ndɔ baa suꞌsə wə mɔ́ꞌ nsi.

1 Kɔrintian 5:2

Sii kaꞌ viŋ koꞌsə yiŋwaa kɨkə, faŋ vɨɨ fɨ taa ŋwaa viŋ yɨsə kəŋ vənu vɔ́? Bàw viŋ gwia buꞌ vənu vəbwəvə viŋ. Bàw viŋ jɔŋ kəŋ wə ghɔ́, faŋ ŋwə yɨsə kəŋ nu ghɔ́, fɨ taa ŋwaa viŋ.

1 Kɔrintian 8:1

Mə kəə baa gi kɔ̀ŋ fazɨ faŋ vɨ kɔ̀ tɨ́ vənwi vədayday. Viŋ gì laa nsiŋ vənshə kìi tɔ ley. Lùu yinsəŋ laa nsiŋ kìi tɔ ley. Luu nə, kəŋ tɔ ley kɔ́ yɨsə wə koꞌsə ŋwaa wi. Nu ŋkɨə faŋ ŋkə gaŋtə vɨɨ dɨdɨꞌ, lùu laa wə kɨ kaw weenshu wi.

2 Kɔrintian 12:20

Mə fee laa yighee njyə faŋ mə taa ziꞌ yɨ viŋ, yè viŋ faŋ viŋ kee yɨsə vənu maa jɨɨ njyə faŋ mə kəə laa viŋ kɨ yɨsə nə me. Nɨniŋ, viŋ nɨzi taa kɨ ye mə faŋ mə yɨsə vənu faŋ viŋ kee kàw me. Lùu nɨniŋ buꞌ laa mə fɨfee laa mə taa jwi, ye viŋ taa ntaysə nə məsəsə vɨɨ, tɨꞌnə me nə fwi yishəsə nə vəŋwiŋ, tɨꞌnə me laa viŋ sɨɨ təba tɔ viŋ, viŋ viŋ, ndɔ buꞌ məlɔꞌ, tɨꞌnə me koꞌsə ŋwaa, nə nshəŋtə yiŋ yibuulə.

2 Kɔrintian 6:6

Yia toꞌ nə nshinə yijəə, kwaꞌtə nu Nwi, jia fwi sia, toꞌ fɨ taa bwaŋnə taa ŋwaa vɨɨ. Zwitə Ley Nwi shiŋnə yia. Yia kaw vɨɨ nə fwi yiley,

Galatia 5:26

Kɨ nsiŋ kɨ koꞌsə yiŋwaa nyaa-nsiŋ me. Kɨ nsiŋ yɨsə njyoꞌ wə lia me, tɨꞌnə me sə wə me!

Efesɔs 4:2

Viŋ bwasə yiŋwaa yiŋ nsi, kɨ yɨsə vənu fɨ taa bwaŋnə. Viŋ jia fwi siŋ, kɨ kawnə yiŋwaa yiŋ ghee nshə.

Efesɔs 4:32

Viŋ kɨ kawnə wə nə wə, kii fwi gəŋsə, ndenə yibɨsə wə nə wə, sheꞌ faŋ Nwi nə ndènə yibɨsə yiŋ buꞌ Kristo nə.

Filipi 1:15

Vɨɨ mɔ́ꞌ taa ŋwaa vəŋ fɨꞌtə nu Kristo nə fwi yifəŋ, kəə nsɔꞌsə. Luu nə, vɨɨ mɔ́ꞌ yɨsə nə fwi yijəə,

Kɔlɔsii 1:11

Yia baa shɔꞌtə Nwi laa Nwi ndi wutə ki faŋ ŋkə shɔ̀ɔ vəwutə vənshə, yɨ̀sə laa viŋ kii wutə, tɨŋ weꞌ maa nu Nwi, kɔlə gày kə, viŋ jìa fwi siŋ weꞌ, kee meꞌtə nu Nwi me.

Kɔlɔsii 2:18

Nɨniŋ, kɨ viŋ biŋ laa wə kɨ yɨꞌtə viŋ buꞌ kəŋ vənu vɔ́ me. Vɨɨ mbɨə faŋ vəŋ kəə yɨꞌtə viŋ nə, gisə laa vəŋ sùꞌsə yiŋwaa vəŋ nsi, tɨ́ vəŋ kòꞌsə yiŋwaa vəŋ maa yinsəŋ. Vəŋ bəŋsə nshiisə-ŋiisə Nwi, koꞌsə̀ yiŋwaa, gi laa vəŋ yè vənu fɨ ghɔ Nwi taa njyəəsə. Luu nə, məkoꞌsə ŋwaa vəŋ lùu nu dayday; mbɨꞌtə vəŋ ndɔ̀ sheꞌ fɨ shɨ nsi.

Kɔlɔsii 3:12

Viŋ kìi nshinə yifi yɔ́ ndwə, buꞌ laa Nwi nə shòꞌ viŋ laa viŋ luu mbii vɨɨ. Viŋ lùu vɨɨ ley tɨ́ ŋwə. Ŋwə baa luu kaw viŋ. Nɨniŋ, viŋ kɨ shi yaa vɨɨ vi; viŋ kɨ kee gəŋsə vɨɨ, baa kìi njyoꞌ yijəə maa viŋ, viŋ viŋ! Viŋ kɨ suꞌsə yiŋwaa yiŋ nsi, duꞌ bwaŋnə, baa kìi fwi yizutə!

1 Tesalonika 5:14

Vaŋ-nshwi via, yia tɨsə viŋ laa viŋ kɨ bɔŋsə vɨɨ faŋ vəŋ toꞌ fɨ maa jɨɨ yigɨŋkə, baa bàwsə fwisə vɨɨ mbɨə faŋ fwisə vəŋ lɔ̀ꞌ. Viŋ kɨ gaŋtə vɨɨ mbɨə faŋ vəŋ kee lùu vəweꞌ maa nu Nwi me. Viŋ kee gəŋsə vɨɨ vənshə.

1 Timoti 6:4

buu wə ghɔ́ koꞌsə ŋwaa, kee kɨɨ tuu nə nu me, toꞌ mɔꞌlə yigi, bitə vəŋku vənu, faŋ mbə jwi nə mbeenə, baa nə ntaysə, nə məndasə Nwi, nə mbɨꞌtə yibwə.

2 Timoti 2:25

Bàw ŋwə kɔ bəŋsə tɨ́ vɨɨ mətwey nu Kristo taa gɨ yibwaŋnə, laa kaꞌ yighee mɔ́ꞌ Nwi gaŋtə vəŋ, vəŋ kwiinə fwisə vəŋ, kɨ̀ɨ nə nu yinsəŋ,

2 Timoti 3:10

Gə fɨ maa ghɔ, a nə ndì ghuu yitoꞌ kaŋ maa nu ŋkɨə faŋ mə nə dèesə nə, baa luu bèꞌsə mə fɨ maa nshinə nyaa, baa nə faŋ mə kəə jɨɨsə maa məgə vɨsɨ vɨsɨ, nùŋ fwi nyaa maa Kristo, jìa fwi, dùꞌ bwaŋnə, kàw vɨɨ, jia fwi nyaa faŋ vɨ kɔ ŋɨꞌ tɨ́ mə.

2 Timoti 4:2

baa nə laa a kɨ fɨꞌtə nu Nwi, jiatə vɨɨ shɔ, faŋ ŋkə taa baw tɨ́ vəŋ, tɨꞌnə me kee baw me, kɨ ŋaꞌsə sɨ vəŋ maa ŋiꞌ nu vəŋ, naysə tɨ́ vəŋ faŋ Nwi ndɔ kwaŋ vəŋ taa nsɔꞌ. Bàw a tɨsə vəŋ, kɨ jia fwi yə, kee bwà maa mətɨsə vəŋ me. Twelə ŋiꞌ nu Nwi tɨ́ vəŋ kənshə.

Taytəs 3:3

Maa yighee vɨsɨ, nsiŋ nɨzi nə bə̀ə tɔ ley, kee zɔnə Nwi me, toꞌ maa jɨɨ yibwə, baa lùu vəbuꞌ tɨ́ vənu vəbwəvə vəyaŋ faŋ fwi saŋ-nsiŋ nə kàw, toꞌ yitoꞌ nyaa-nsiŋ nə njyoꞌ yibwə, baa ghɨꞌ vɨɨ, vɨɨ bee nsiŋ, nsiŋ baa beenə yiŋwaa nyaa-nsiŋ nɨzi.

Jeyms 4:5

Viŋ bɨꞌtə laa ŋwaꞌlə Nwi gì dayday laa, «Zwitə ŋkɨə faŋ Nwi nə kwàŋ taa fwisə nsiŋ, kəə laa fwi saŋ-nsiŋ lwaŋ nə ŋkə, laa nsiŋ luu vɨɨ vi.»

1 Pita 2:1

Nɨniŋ, viŋ meꞌtə nu fwi yibwə, nə nu məbweꞌsə vɨɨ, nə nu məboꞌ ŋwaa, nə nu fəsə, nə ghaŋ bwənə.

1 Pita 3:8

Maa məndwə nu kɔ́, mə gì tɨ́ viŋ vənshə, viŋ kii mbɨꞌtə yiŋ yimuꞌ, nə ŋkitə yimuꞌ, kìi fwi yijəə. Viŋ kɨ kaw nə yiŋwaa yiŋ yaa vaŋ-nshwi, kee gəŋsə vɨɨ, baa lùu vəzutə.

1 Pita 4:8

Nu ŋkɨə faŋ ŋkə shɔ̀ɔ vənu vənshə lùu laa, viŋ kɨ kawnə yiŋwaa yiŋ, kee bwa me, buꞌ laa ŋkawnə yaa kɨ bɔŋ vənu vəbwəvə vəyaŋ.

2 Pita 1:7

Faŋ viŋ zɔnə Nwi nɨniŋ nə, viŋ kɨ kaw vaŋ-nshwi viŋ maa yizii Yeso Kristo. Faŋ viŋ kaw vaŋ-nshwi viŋ nɨniŋ nə, viŋ kɨ kaw vɨɨ vənshə.

1 Jɔn 4:11

Vɨɨmba vaŋ, faŋ Nwi nə kàw nsiŋ tɨ́ nee nə, ŋkaŋ-nsiŋ kɨ nii lùu laa nsiŋ kɨ kaw nə yiŋwaa nyaa-nsiŋ nɨzi.