1 Kɔrintian 13:2 - Vengo (Babungo)

² Mə kɔlə kìi wutə faŋ kaꞌ mə kɨ twelə yigisə shuu Nwi, tɨꞌnə me kɨɨ nə vənu vənshə faŋ mbə ndènə fɨ ghɔ vɨɨ, tɨꞌnə me kɨɨ nə nu Nwi laylay, tɨꞌnə me nùŋ fwi nyaa maa Nwi ŋkee dɨdɨꞌ, tɨ́ kaꞌ mə yɨ̀sə laa ŋkee baŋsə kwalə muꞌnə, mə nəə toꞌ kɨ̀ɨ nə vənu vɔ́ vənshə, luu nə, kee kìi ŋkawnə maa vɨɨ me, buu lùu nu dayday.

1 Kɔrintian 13:2 ပူးပေါင်းရင်းမြစ်များ

Matiu 13:11

Ŋwə bəŋsə tɨ́ vəŋ laa, «Nwi kɔ ŋiꞌ nu yifwàŋ yizɔ tɨ́ viŋ laa viŋ kɨɨ, kee kɔ̀ tɨ́ vɨɨ mbii-wə me.

Matiu 17:20

Ŋwə gi tɨ́ vəŋ laa, «Luu buꞌ faŋ viŋ kee nùŋ fwi maa Nwi, wèꞌ shɔ me. Viŋ zɔ! Mə naysə tɨ́ viŋ yinsəŋ laa, viŋ nii toꞌ nùŋ fwi maa Nwi sheꞌ tɨtiꞌ, sheꞌ yaa mfɨꞌ ŋɨꞌ fulɨsɨgaa, buu kaꞌ viŋ gì tɨ́ baŋ nyə̀ laa nyə muꞌnə gə̀ maa shəŋ kɨkee, buu nyə taa ndɔ yɨ nɨniŋ. Sheꞌ nɨniŋ, kaꞌ nu kee baa ghɔ̀ꞌ viŋ me.

Matiu 21:19

Ŋwə ye tɨ taŋ kəmɔ́ꞌ jɨɨ, gə̀ ŋìi ŋiꞌ tɨ kɔ́, kee yè fa shɔ me, ye sheꞌ vəvi vi, gì tɨ́ tɨ kɔ́ laa, «Taŋ kee ndɔ baa koonə fuu ghɔ tuu yighee yimuꞌ me.» Tɨ kɔ́ yɔŋ yighee muꞌ.

Matiu 21:21

Yeso bəŋsə tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, viŋ kɨ luu nùŋ fwi siŋ maa Nwi, kee kɨ kənə me, buu kaꞌ viŋ yɨsə kəŋ nu ghɔ́ faŋ ŋkə nii gày maa tɨ taŋ kə̀ nə nɨzi, baa kɨɨ maa məyɨ vənu vəkwalə vəmɔ́ꞌ nɨzi. Kaꞌ viŋ taa gi tɨ́ baŋ nyə̀ laa nyə muꞌnə, gə̀ fìŋ taa mamuu, buu ŋkə taa gay nɨniŋ.

Akts 13:1

Nshiisə-ŋii sɔghɔ nə vɨɨ mədeesə nu Nwi nə luu shɔ taa məshəŋtə vɨɨ Kristo ntɨꞌ Antiɔk. Nə luu Barnabas nə Saymon faŋ vɨ nə shù yizii yi nə Wuu-fəŋ, nə Lusiɔs fɨ Kirene, nə Manaen faŋ ŋwə nə tà ghɔ fwàŋ Herod, baa nə Sɔɔl.

Roma 11:25

Vaŋ-nshwi vaŋ, mə kəə yɨ̀sə viŋ kɨ̀ɨ nə nu mɔ́ꞌ nɨzi, faŋ ŋkə nə ndènə fɨ ghɔ vɨɨ. Mə kəə naysə tɨ́ viŋ laa kɨ viŋ taa kɨ bɨꞌtə ŋkiŋ nu fɨ maa yitɔfə yiŋ me. Viŋ zɔ! Nwi nə yɨ̀ fwisə way vɨɨ Isirayl luu səfɨsə, gə kɔ tɨ́ yighee njyə faŋ vɨɨ tətɔŋ fu ndɔ jwi kɨ kɨɨ nə Nwi, nwaa vəŋ lwaŋ,

Roma 15:14

Vaŋ-nshwi vaŋ, mə kɔꞌ kɨɨ fɨ taa fwi mə laa, nu jəə lwàŋ taa fwisə viŋ nɨzi. Viŋ kɔꞌ kɨɨ nə vənu və Kristo vənshə ŋkee vəley, kɨɨ maa mətɨsə yiŋwaa yiŋ.

Roma 16:25

Nsiŋ kɨ bəŋsə Nwi faŋ kaꞌ ŋwə kwàŋ wutə maa viŋ, viŋ weꞌ maa nu Yeso Kristo faŋ lùu ŋiꞌ ntɔŋ yijəə Nwi faŋ mə fɨꞌtə tɨ́ vɨɨ nə. Nyə nə ndènə shù fɨshi,

1 Kɔrintian 11:4

Wəndɔŋ faŋ ŋwə shɔꞌtə Nwi, baa nə faŋ ŋwə gi yigi faŋ nyə ndɔ̀ fɨ ghɔ Nwi, kɨ ŋwə shitə tɔ ki me, buꞌ ŋwə kee kɨ kɔ feenə tɨ́ Kristo faŋ lùu tɔ ki nə me.

1 Kɔrintian 12:28

Fɨ taa ŋwaa vɨɨ Nwi, Nwi shòꞌ vɨɨ mɔ́ꞌ vɨsɨ laa vəŋ lùu vɨɨ ntɔŋsə Yeso Kristo, shoꞌ vɨɨ mɔ́ꞌ laa vəŋ kɨ naysə yigi faŋ Nwi kɔ̀ tɨ́ vəŋ, baa shòꞌ vɨɨ mɔ́ꞌ laa vəŋ kɨ deesə nu ki. Ŋwə baa shoꞌ vɨɨ mɔ́ꞌ laa vəŋ kɨ yɨsə vənu və shuu yɔŋvə, baa nə vɨɨ mɔ́ꞌ laa vəŋ kɨ shuꞌ vəza fɨ maa vɨɨ vəza, nə vɨɨ mɔ́ꞌ faŋ vəŋ gaŋtə vɨɨ, nə gwisə, nə vɨɨ faŋ vəŋ gisə təghaŋ nɨŋkwiŋ nɨŋkwiŋ.

1 Kɔrintian 13:1

Mə nii kɔlə kìi wutə faŋ ŋkə yɨsə laa mə kɨ gisə təghaŋ faŋ vɨɨ gisə, nə ntɨə faŋ nshiisə-ŋiisə Nwi gisə, luu nə, kee kii ŋkawnə maa vɨɨ me, buu yigisə nyaa lùu yaa fəŋgəŋ faŋ vɨ buꞌ, mfə gisə, wə kee zɨzɔ me, baa lùu yuu mbɨŋlə faŋ nyə gisə tɨnsee tɨnsee.

1 Kɔrintian 13:3

Faŋ mə kɔlə ndɨ̀ vətɔ vaŋ vənshə, kɔ̀ tɨ́ mbəəsə, baa biŋ laa vɨ twaŋ ŋwaa ŋwaa taa wi, luu nə, kee kii ŋkawnə maa vɨɨ me, buu kaꞌ vənu vɔ́ vənshə kee gàŋtə mə nə nu me.

1 Kɔrintian 13:8

Ŋkawnə kee yaa kɨ me me. Yighee jɨjwi faŋ vɨɨ kee taa baa twelə yigisə shuu Nwi me. Yighee jɨjwi faŋ vɨɨ taa kee baa kɨ gisə təghaŋ nɨŋkwiŋ nɨŋkwiŋ me. Yitɔfə vɨɨ taa mè nɨzi.

1 Kɔrintian 14:29

Gə fɨ maa vɨɨ mbɨə faŋ vəŋ fɨꞌtə yigisə shuu Nwi, bàw vɨɨ vəbɔɔ gi yigi yɔ́, tɨꞌnə me vɨɨ vətia. Bàw vɨɨ vənshə kɨ nii ywìitə vənu mbɨə faŋ vɨɨ vɔ́ gisə nə, laa lùu yigisə Nwi yinsəŋ mu.

1 Kɔrintian 14:39

Nɨniŋ, vaŋ-nshwi vaŋ, viŋ tə sɨ, tɨ́ kaꞌ viŋ kìi wutə maa məgi yigi faŋ nyə ndɔ̀ fɨ ghɔ Nwi. Viŋ yɨ nɨniŋ, kee kɨ twey laa vɨɨ kɨ gisə təghaŋ nɨŋkwiŋ nɨŋkwiŋ faŋ kɔ̀ Zwitə Nwi tɨ́ vəŋ me.

1 Kɔrintian 14:4

Nɨniŋ, wə faŋ ŋwə gisə təghaŋ nɨŋkwiŋ nɨŋkwiŋ, gaŋtə luu nshɨ-tɔ wi. Luu nə, wə faŋ ŋwə fɨꞌtə yigisə shuu Nwi, gaŋtə luu nshəŋtə vɨɨ Nwi.

1 Kɔrintian 15:51

Viŋ zɔ! Mə taa naysə nu faŋ ŋkə nə ndènə fɨ ghɔ vɨɨ. Nsiŋ kee ndɔ kukə vənshə me. Luu nə, nsiŋ vənshə ndɔ kwiinə.

1 Kɔrintian 16:22

Kɨ luu wə kee kaw tɨta Yeso me, ndwaŋ tɔ ŋwə. «Maranata! Tɨta Yeso jwi!»

1 Kɔrintian 4:1

Nu ŋkɨə faŋ ŋkə bàw laa vɨɨ kɨ bitə kɔ̀ŋ yia, lùu laa yia lùu vɨɨ faꞌ Kristo, baa lùu vɨɨ məndeynə nu Nwi, ŋkɨə faŋ ŋkə nə ndènə fɨ yikəꞌ vɨɨ nə.

1 Kɔrintian 7:19

Faŋ vɨ sɨɨtə wə, tɨꞌnə me kee sɨ̀ɨtə me, nsɔꞌ kee lùu shɔ me. Nu ŋkɨə faŋ luu ŋkee nu, lùu laa wə kɨ nuŋsə ntɨsə Nwi.

1 Kɔrintian 8:4

Gə fɨ maa fazɨ ŋkɨə faŋ vɨ kɔ tɨ́ vənwi vədayday nə, viŋ kɨɨ laa vənwi vədayday kee lùu fa faŋ ŋkə lùu kəbwey me. Viŋ baa gisə laa Nwi luu sheꞌ muꞌ.

2 Kɔrintian 12:11

Mə gisə yaa mfaw, luu nə, yɨ̀ viŋ laa mə kɨ yɨ nɨniŋ. Nə luu nu kiŋ maa məbəŋsə mə, buꞌ laa vɨɨ mbɨə faŋ viŋ tii nə vɨɨ ntɔŋ Kristo vəkwalə nə, kee bee shɔ̀ɔ mə me, faŋ mə kɔlə lùu wuu dayday.

Galatia 5:16

Viŋ zɔ! Mə gì tɨ́ viŋ laa, bàw Zwitə Ley Nwi kɨ shiinə viŋ maa vənu vənshə faŋ viŋ yɨsə, laa kɨ ŋkitə yiŋ kɨ sɔꞌ viŋ me.

Galatia 5:22

Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə,

Galatia 6:3

Wə kɨ luu kɨ bɨꞌtə laa yi lùu nu, faŋ ŋwə lùu wuu dayday, buu ŋwə bweꞌsə ŋwaa wi.

Efesɔs 3:4

Viŋ taa kɨ tii vəshəŋ və ŋwaꞌlə vɔ́, buu viŋ taa ye faŋ mə kɔꞌ kɨɨ nə ŋiꞌ nu Kristo kɔ́, faŋ ŋkə nə ndènə maa yighee vɨsɨ nə,

Efesɔs 6:19

Viŋ kɨ shɔꞌtə Nwi tɔ mə nɨzi, laa Nwi kwaŋ nu ki taa fwi mə, ŋàꞌsə shuu ŋwaa, mə kɨ jia fwi nyaa, yɨsə vɨɨ kɨ kɨɨ nə ŋiꞌ ntɔŋ yijəə Nwi yɔ́, faŋ nyə nə ndènə fɨ yikəꞌ vɨɨ nə.

Kɔlɔsii 1:26

Nu ŋkɨə faŋ mə fɨꞌtə tɨ́ vɨɨ nə, ŋkə nə lùu shɔ ŋkee fɨshi faŋ mbi, tɨꞌnə me, vɨɨ nə kee ta lùu shɔ me. Luu nə, ŋkə nə kee ta fuu ntee me, luu vɨɨ kee kɨɨ nə ŋkə me. Nwi yɨ̀sə ndwə laa ŋkə fuu ntee sɨ vɨɨ ley Nwi.

1 Timoti 3:16

Nu məbəŋsə Nwi luu ŋkee nu kwalə, kaꞌ wə kee twey me, faŋ ŋkə kɔlə ndènə fɨ yikəꞌ vɨɨ nə. Nu kwalə kɔ́ lùu laa, «Wuu məbweysə ŋwaa-nsiŋ, nə gù wə, fùu yikəꞌ vɨɨ. Nu ki fuu kəloomə buꞌ Zwitə Ley ki. Nshiisə-ŋiisə Nwi ye ŋwə. Vɨɨ fɨꞌtə nu ki taa ŋwaa vɨɨ tətɔŋ fu. Vɨɨ fɨ taa mbi yinshə nuŋ fwisə vəŋ maa ŋwə. Nwi ndi ŋwə, koꞌ nə ŋwə taa yizɔ, yɨ̀sə ŋwə kwalə.»

1 Jɔn 4:8

Wə ntɨə faŋ ŋwə kee kàw weenshu wi me, kee kɨ̀ɨ nə Nwi me, buꞌ laa Nwi lùu wuu ŋkawnə.