1 Kɔrintian 13:1 - Vengo (Babungo)

¹ Mə nii kɔlə kìi wutə faŋ ŋkə yɨsə laa mə kɨ gisə təghaŋ faŋ vɨɨ gisə, nə ntɨə faŋ nshiisə-ŋiisə Nwi gisə, luu nə, kee kii ŋkawnə maa vɨɨ me, buu yigisə nyaa lùu yaa fəŋgəŋ faŋ vɨ buꞌ, mfə gisə, wə kee zɨzɔ me, baa lùu yuu mbɨŋlə faŋ nyə gisə tɨnsee tɨnsee.

1 Kɔrintian 13:1 ပူးပေါင်းရင်းမြစ်များ

Matiu 25:45

Ŋwə taa bəŋsə tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, nu faŋ viŋ nə kee yɨ̀ maa ŋkee wuu tɨtiꞌ fɨ taa ŋwaa vɨɨ me, viŋ nə kee yɨ̀ maa mə me.»

Mark 16:17

Vəshwenə ndɔ luu shɔ ghɔ vɨɨ mbɨə faŋ vəŋ bìŋ ntɔŋ yɔ́. Vəshwenə vɔ́ luu laa vəŋ ndɔ kɨ fuusə vəzwitə vəbwəvə fɨ maa vɨɨ maa yizii nyaa, gisə təghaŋ təfinə,

Roma 14:15

Luu nə, a zɨ fa faŋ weenshu wə taa luŋ buꞌ faŋ ŋwə bɨꞌtə laa lùu fa bwə, buu a kee yɨ̀ jəə me, toꞌ ghuu yitoꞌ kə, kee kàw vɨɨ me. Kaa bɨsə fwi wə ntɨə faŋ Kristo nə kù tɔ ŋwə nə, buꞌ fazɨ kɔ́ me.

1 Kɔrintian 12:10

Wə mɔ́ꞌ baa lùu shɔ faŋ Nwi kɔ̀ wutə tɨ́ ŋwə maa məyɨsə vənu və shuu yɔŋvə. Wə mɔ́ꞌ kii wutə maa məfɨꞌtə yigisə Nwi faŋ Nwi də̀ tɨ́ ŋwə. Wə mɔ́ꞌ kii wutə maa məkɨɨ nə vəzwitə və vɨɨ, laa mbə ndɔ̀ fɨ ghɔ Nwi mu. Wə mɔ́ꞌ baa lùu shɔ faŋ ŋwə kìi wutə maa məgi təghaŋ faŋ nshɨ-tɔ wə ghɔ́ kee bee ta zɔ̀ ghaŋ ghɔ́ me. Wə mɔ́ꞌ shɔ faŋ Nwi kɔ̀ wutə tɨ́ ŋwə, tɨ́ kaꞌ ŋwə kɨ twelə ŋiꞌ təgi təghaŋ tɔ́ tɨ́ vɨɨ.

1 Kɔrintian 12:16

Kɨ luu tuulə wə gì laa yi kee lùu laŋnə ŋwaa me, buꞌ laa yi kee lùu yisɨ me, kaꞌ ŋkə kee yɨsə laa ŋkə kee baa lùu laŋnə ŋwaa wə me.

1 Kɔrintian 12:8

Wə mɔ́ꞌ kìi yigisə tɔ-ley faŋ kɔ̀ Zwitə Nwi tɨ́ ŋwə. Wə mɔ́ꞌ kɨɨ gi kɔ̀ŋ nu Nwi ŋkee jəə, faŋ də̀ sheꞌ Zwitə Nwi kɔ́ də̀ nu kɔ́ tɨ́ ŋwə nɨzi.

1 Kɔrintian 13:8

Ŋkawnə kee yaa kɨ me me. Yighee jɨjwi faŋ vɨɨ kee taa baa twelə yigisə shuu Nwi me. Yighee jɨjwi faŋ vɨɨ taa kee baa kɨ gisə təghaŋ nɨŋkwiŋ nɨŋkwiŋ me. Yitɔfə vɨɨ taa mè nɨzi.

1 Kɔrintian 14:2

Wə faŋ Zwitə Ley Nwi kɔ̀ wutə tɨ́ ŋwə maa məgi təghaŋ nɨŋkwiŋ nɨŋkwiŋ, ŋwə gisə lùu tɨ́ Nwi, kee lùu tɨ́ vɨɨ me, buꞌ laa kaꞌ vɨɨ kee zɔ̀ ghaŋ wi me. Ŋwə gisə vənu faŋ mbə ndènə fɨ ghɔ vɨɨ.

1 Kɔrintian 14:4

Nɨniŋ, wə faŋ ŋwə gisə təghaŋ nɨŋkwiŋ nɨŋkwiŋ, gaŋtə luu nshɨ-tɔ wi. Luu nə, wə faŋ ŋwə fɨꞌtə yigisə shuu Nwi, gaŋtə luu nshəŋtə vɨɨ Nwi.

1 Kɔrintian 14:5

Mə kəə laa viŋ vənshə kɨ gisə təghaŋ nɨŋkwiŋ nɨŋkwiŋ. Luu nə, mə baa kəə ŋkee dɨdɨꞌ laa viŋ kɨ fɨꞌtə yigisə shuu Nwi, buꞌ laa nu məfɨꞌtə yigisə shuu Nwi kwàlə shɔ̀ɔ nu məgisə təghaŋ nɨŋkwiŋ nɨŋkwiŋ. Kaꞌ nu məgisə təghaŋ nɨŋkwiŋ nɨŋkwiŋ kɨ gaŋtə nshəŋtə vɨɨ Nwi sheꞌ faŋ vɨ baa kìasə yigi yi yɔ́ maa ghaŋ shɨ nɨzi.

1 Kɔrintian 8:1

Mə kəə baa gi kɔ̀ŋ fazɨ faŋ vɨ kɔ̀ tɨ́ vənwi vədayday. Viŋ gì laa nsiŋ vənshə kìi tɔ ley. Lùu yinsəŋ laa nsiŋ kìi tɔ ley. Luu nə, kəŋ tɔ ley kɔ́ yɨsə wə koꞌsə ŋwaa wi. Nu ŋkɨə faŋ ŋkə gaŋtə vɨɨ dɨdɨꞌ, lùu laa wə kɨ kaw weenshu wi.

2 Kɔrintian 12:4

Nwi nə shaꞌsə wə ghɔ́, gə nə ŋwə ŋkee shɨ Nwi, ŋwə nə zɔ̀ vənu fɨ fuŋ faŋ kaꞌ vɨ kee kìasə maa yigi me, vənu tɨ́ kaꞌ ŋoo shuu wə kee ŋaꞌsə gì me.

Galatia 5:22

Gə fɨ maa vənu mbɨə faŋ mbə ndɔ̀ fɨ taa Zwitə Nwi, mə kəə naysə vənu vɔ́ tɨ́ viŋ nɨzi. Vənu vɔ́ luu ŋkawnə, nə məŋaytə, nə məduꞌ bwaŋnə, nə məjia fwi, nə məsaylə jəə, nə məgaŋtə vɨɨ, nə məzɔnə,

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

1 Timoti 1:5

Ŋkee ŋiꞌ nu Nwi lùu laa, nsiŋ kɨ kaw nə yiŋwaa nyaa-nsiŋ nə fwi yiley. Nsiŋ kii ŋkawnə yɔ́ faŋ nu kaŋ-nsiŋ lùu kəley, buꞌ faŋ nsiŋ nùŋ fwi saŋ-nsiŋ maa Kristo ŋkee maa yinsəŋ.

1 Pita 4:8

Nu ŋkɨə faŋ ŋkə shɔ̀ɔ vənu vənshə lùu laa, viŋ kɨ kawnə yiŋwaa yiŋ, kee bwa me, buꞌ laa ŋkawnə yaa kɨ bɔŋ vənu vəbwəvə vəyaŋ.

2 Pita 2:18

Vəŋ yaa kɨ toꞌ koꞌsə ŋwaa, gisə yigi faŋ nyə kee kìi tɔ ley me. Fwisə vəŋ ndɔ maa vətɔ faŋ yiŋwaa yivəŋ kàw. Vəŋ kaw maa məzɨ shɨ, suŋtə vɨɨ mbɨə faŋ vəŋ duꞌtə vəŋ nyɨŋkə fɨ ghɔ vɨɨ bwənə, laa vəŋ bəŋ kɨ toꞌ ghuu yitoꞌ vəŋ maa jɨɨ yibwə, faŋ vəŋ nə nyɨ̀ŋkə fɨ maa jɨɨ yibwə yɔ́ sheꞌ maa kuŋtə yighee nə.

Reveleyshən 14:2

Mə baa luu zɔ gɨ yimɔ́ꞌ fɨ taa yizɔ yaa gɨ muu məyaŋmə, baa nə yaa yibay yikwalə. Gɨ yɔ́ faŋ mə nə zɔ nə, nə luu yaa gɨ vɨɨ məbuꞌ vəndəə-və-ntɨ faŋ vəŋ bùꞌ vəndəə-və-ntɨ nə.