1 Kɔrintian 12:9 - Vengo (Babungo)

⁹ Wə mɔ́ꞌ baa lùu shɔ faŋ Zwitə Nwi kɔ̀ wutə tɨ́ ŋwə, tɨ́ kaꞌ ŋwə nùŋ fwi yi maa Yeso Kristo, wèꞌ shɔ. Wə mɔ́ꞌ kii ŋkee wutə fɨ ghɔ Zwitə Nwi kɔ́ maa məshuꞌ vəza fɨ maa vɨɨ.

1 Kɔrintian 12:9 ပူးပေါင်းရင်းမြစ်များ

Matiu 10:8

Viŋ kɨ fuusə vəza fɨ maa vɨɨ vəza, yweysə vɨɨ fɨ shɨ yiku, yɨsə zatə bwə me fɨ maa vɨɨ, fuusə vəzwitə vəbwəvə fɨ maa vɨɨ. Viŋ nə fì wutə fɨ ghɔ Nwi dayday, viŋ kɨ kɔ dayday nɨzi.

Matiu 21:21

Yeso bəŋsə tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa, viŋ kɨ luu nùŋ fwi siŋ maa Nwi, kee kɨ kənə me, buu kaꞌ viŋ yɨsə kəŋ nu ghɔ́ faŋ ŋkə nii gày maa tɨ taŋ kə̀ nə nɨzi, baa kɨɨ maa məyɨ vənu vəkwalə vəmɔ́ꞌ nɨzi. Kaꞌ viŋ taa gi tɨ́ baŋ nyə̀ laa nyə muꞌnə, gə̀ fìŋ taa mamuu, buu ŋkə taa gay nɨniŋ.

Mark 16:18

jia zɔsə nə ghɔ, nsə kee yɨ̀ nu maa vəŋ me. Kɨ ghaŋ wə fɨ vəŋ zɨ ndɨꞌ, ŋwə kee bee yɨ̀ nu me. Vəŋ kɨ mɔꞌ ghɔ vəŋ maa vɨɨ vəza, vəza vɔ́ kɨ bwaŋnə.»

Mark 6:13

Vəŋ fuusə vəzwitə vəbwəvə vəyaŋ fɨ maa vɨɨ, zwìsə vɨɨ vəza nə məŋgwə, yɨ̀sə vəŋ bwaŋnə.

Lukas 10:9

Viŋ kɨ fuusə vəza fɨ maa vɨɨ mbɨə faŋ vəŋ zɨzasə ntɨꞌ yɔ́, naysə tɨ́ vɨɨ laa nu yifwàŋ Nwi kee baa luu ntaŋ fɨ yɨ vəŋ me.

Lukas 9:2

kɨ nii tɔŋ vəŋ laa vəŋ gə, kɨ toꞌ, fɨꞌtə nu yifwàŋ Nwi tɨ́ vɨɨ, baa shùꞌ vəza fɨ maa vɨɨ.

Akts 10:38

Nwi nə yòꞌ Yeso, wuu Nazaret, nə Zwitə Ley Nwi, baa nə wutə, ŋwə ndɔ kɨ toꞌ vəshəŋ vənshə, yɨsə vənu vəjəəvə, baa shùꞌ vəza fɨ maa vɨɨ mbɨə faŋ zwitə bwə nə luu taa ŋwaa vəŋ, buꞌ laa Nwi nə luu yiba jɨŋ ŋwə.

Akts 5:15

Vɨ nəə shaꞌ vɨɨ vəza, fuusə, nuŋ vəŋ jɨɨsə fuu vəmɔ̀ꞌ nə vəfwaŋ, laa yighee njyə faŋ Pita taa kii shɔɔ, kaꞌ sheꞌ ndɨɨlə ki shìtə vəmɔ̀ꞌ fɨ taa ŋwaa vɨɨ vəza vɔ́.

1 Kɔrintian 12:28

Fɨ taa ŋwaa vɨɨ Nwi, Nwi shòꞌ vɨɨ mɔ́ꞌ vɨsɨ laa vəŋ lùu vɨɨ ntɔŋsə Yeso Kristo, shoꞌ vɨɨ mɔ́ꞌ laa vəŋ kɨ naysə yigi faŋ Nwi kɔ̀ tɨ́ vəŋ, baa shòꞌ vɨɨ mɔ́ꞌ laa vəŋ kɨ deesə nu ki. Ŋwə baa shoꞌ vɨɨ mɔ́ꞌ laa vəŋ kɨ yɨsə vənu və shuu yɔŋvə, baa nə vɨɨ mɔ́ꞌ laa vəŋ kɨ shuꞌ vəza fɨ maa vɨɨ vəza, nə vɨɨ mɔ́ꞌ faŋ vəŋ gaŋtə vɨɨ, nə gwisə, nə vɨɨ faŋ vəŋ gisə təghaŋ nɨŋkwiŋ nɨŋkwiŋ.

1 Kɔrintian 12:30

Kee kìi vɨɨ vənshə kìi wutə maa məshuꞌ vəza fɨ maa vɨɨ vəza me. Kee lùu vɨɨ vənshə faŋ vəŋ gisə təghaŋ faŋ vəŋ kee ta yizwetə me. Kee lùu vɨɨ vənshə faŋ vəŋ kɨɨ twelə ŋiꞌ təgi təghaŋ tɔ́ me.

1 Kɔrintian 13:2

Mə kɔlə kìi wutə faŋ kaꞌ mə kɨ twelə yigisə shuu Nwi, tɨꞌnə me kɨɨ nə vənu vənshə faŋ mbə ndènə fɨ ghɔ vɨɨ, tɨꞌnə me kɨɨ nə nu Nwi laylay, tɨꞌnə me nùŋ fwi nyaa maa Nwi ŋkee dɨdɨꞌ, tɨ́ kaꞌ mə yɨ̀sə laa ŋkee baŋsə kwalə muꞌnə, mə nəə toꞌ kɨ̀ɨ nə vənu vɔ́ vənshə, luu nə, kee kìi ŋkawnə maa vɨɨ me, buu lùu nu dayday.

2 Kɔrintian 4:13

Zwitə Nwi yɨsə yia nuŋ fwi sia maa nu Nwi, sheꞌ faŋ ŋkə lùu taa ŋwaꞌlə Nwi laa, «Mə nùŋ fwi nyaa maa Nwi, buu kɨ fɨꞌtə nu ki.» Sheꞌ nɨniŋ, yia nùŋ fwi sia maa Kristo, buu kɨ fɨꞌtə nu ki.

Efesɔs 2:8

Nwi nə bweysə viŋ buꞌ gəŋsə Nwi, faŋ viŋ nùŋ fwi siŋ maa Kristo. Kee bee gaŋtə viŋ gàŋtə yiŋwaa yiŋ me; nə key sheꞌ Nwi kèy viŋ shɔ.

Hibru 11:33

Vəŋ vənshə nə nùŋ fwisə vəŋ maa Nwi, faŋ vəŋ nə tùŋ yighaw ghɔ vɨ məshɨ məmɔ́ꞌ, ghɔꞌ vəŋ. Vəŋ nə sɔ̀ꞌ maa jɨɨ yijəə. Vətɔ faŋ Nwi nə kɔ̀ꞌnə maa məkɔ tɨ́ vəŋ, nə zìꞌ ghɔ vəŋ. Nwi nə yɨ̀ laa kɨ vəbikəə kwə vəŋ me.