1 Kɔrintian 12:7 - Vengo (Babungo)

⁷ Zwitə Nwi yaa kɨ dəsə nu tɨ́ wə tɨ̀ me wə, sheꞌ laa wə ghɔ́ taa kɨ gaŋtə vɨɨ Nwi vənshə nə nu kɔ́.

1 Kɔrintian 12:7 ပူးပေါင်းရင်းမြစ်များ

1 Kɔrintian 12:12

Nsiŋ kɔꞌ kɨɨ laa ŋwaa wə kìi vəlaŋ vəlaŋ. Luu nə, ŋwaa ghɔ́ luu sheꞌ muꞌ. Vəlaŋ vɔ́ vənshə faŋ mbə lùu nɨŋkwiŋ nɨŋkwiŋ nə, fàynə shəŋ muꞌ, lùu ŋwaa muꞌ. Luu sheꞌ nɨniŋ taa ŋwaa vɨɨ Kristo. Nwi nə kɔ̀ Zwitə ki kəmuꞌ tɨ́ nsiŋ vənshə, faŋ nsiŋ nə fì muu mə Nwi. Nɨniŋ, nsiŋ gù fa kəmuꞌ, lùu yaa ŋwaa wə muꞌ.

1 Kɔrintian 14:12

Nɨniŋ, faŋ viŋ tə̀ sɨ maa vəkɔ mbɨə faŋ Zwitə Nwi kɔ tɨ́ vɨɨ nə, bàw viŋ kɨ tə sɨ maa məkii vəkɔ vɔ́ vəyaŋ. Luu nə, viŋ kɨ kəə vəkɔ mbɨə faŋ mbə taa gaŋtə nshəŋtə vɨɨ Nwi, nyə tɨŋnə weꞌ.

1 Kɔrintian 14:17

Shɔꞌtə ghɔ́ kɔlə bàw kɨkə, ŋwə kee gaŋtə wə ghɔ́ nə nu me.

1 Kɔrintian 14:19

Faŋ ŋkə kɔlə lùu nɨniŋ, taa nshəŋtə vɨɨ Nwi, ŋkə bàw laa mə gi vənu sheꞌ tee maa ghaŋ faŋ vɨɨ taa zɔ, shɔ̀ɔ fɨ mə gi vənu ŋkaŋsə yighuŋ maa ghaŋ faŋ vɨɨ kee taa zɔ me. Mə kəə gi vənu sheꞌ maa ghaŋ ley, tɨ́ kaꞌ mə kɨ tɨsə vɨɨ shɔ.

1 Kɔrintian 14:5

Mə kəə laa viŋ vənshə kɨ gisə təghaŋ nɨŋkwiŋ nɨŋkwiŋ. Luu nə, mə baa kəə ŋkee dɨdɨꞌ laa viŋ kɨ fɨꞌtə yigisə shuu Nwi, buꞌ laa nu məfɨꞌtə yigisə shuu Nwi kwàlə shɔ̀ɔ nu məgisə təghaŋ nɨŋkwiŋ nɨŋkwiŋ. Kaꞌ nu məgisə təghaŋ nɨŋkwiŋ nɨŋkwiŋ kɨ gaŋtə nshəŋtə vɨɨ Nwi sheꞌ faŋ vɨ baa kìasə yigi yi yɔ́ maa ghaŋ shɨ nɨzi.