1 Kɔrintian 12:25 - Vengo (Babungo)

²⁵ Nwi nə yɨ̀ nɨniŋ laa ŋgaasə kee lùu maa ŋwaa me, vəlaŋ və ŋwaa bee kɨ kii gaŋtə yiŋwaa vəŋ, vəŋ vəŋ.

1 Kɔrintian 12:25 ပူးပေါင်းရင်းမြစ်များ

2 Kɔrintian 13:11

Maa məndwə, vaŋ-nshwi vaŋ, viŋ bwey jəə. Viŋ biŋ laa vɨ bɔŋsə viŋ, bwàsə fwi yiŋ. Viŋ bɨꞌtə nu kiŋ kəmuꞌ, dùꞌ nə mənɔŋ-bwaŋnə viŋ viŋ. Nwi faŋ lùu Nwi məkaw vɨɨ, baa lùu Nwi mənɔŋ-bwaŋnə nɨzi, dùꞌ viŋ vɨ vəŋ.

2 Kɔrintian 8:16

Mə bwaŋ Nwi, buꞌ laa Nwi yɨ̀sə ŋkawnə yiŋ lwaŋ taa fwi Titɔs. Ŋwə kəə kɨ gaŋtə viŋ sheꞌ yaa mə.

1 Kɔrintian 3:3

buꞌ laa viŋ kɨ bii shi nshinə yiŋ yaa vɨɨ fɨ taa mbi. Viŋ kɨ bii nə fəsə baa nə ntaysə taa ŋwaa viŋ. Ŋkə də̀ laa mbɨꞌtə yiŋ kɨ bii yaa njyə vɨɨ fɨ taa mbi, viŋ toꞌ yaa vɨɨ fɨ taa mbi.

2 Kɔrintian 7:12

Faŋ mə nə nyɔ̀ꞌ ŋwaꞌlə ghɔ́ tɨ́ viŋ nə, mə nə kee nyɔ̀ꞌ buꞌ wə ghɔ́ faŋ ŋwə nə gù nu maa wə mɔ́ꞌ me, kee nyɔ̀ꞌ buꞌ wə yiŋgwii faŋ vɨ nə yɨ̀ nu bwə maa ŋwə nə me. Mə nə ŋwaꞌlə sheꞌ laa ŋkə fuu ntee taa ŋwaa viŋ vɨsɨ Nwi, laa viŋ weꞌ maa nu kia. Nɨniŋ, fwi sia zutə.

1 Kɔrintian 12:24

Vəlaŋ və ŋwaa mbɨə faŋ mbə lùu vəjəə, tɨ́ kaꞌ vɨɨ kɨ ye, duꞌ sheꞌ nɨniŋ, vɨ kee là mbə me. Nshɨ-tɔ Nwi faŋ ŋwə bɔ̀ŋ ŋwaa wə, nùŋsə vəlaŋ və ŋwaa mbɨə faŋ mbə kee lùu nu me, maa shəŋ kəmɔ́ꞌ faŋ vɨ kɔ̀ feenə tɨ́ mbə.

1 Kɔrintian 12:26

Kɨ luu laŋnə ŋwaa wə kəmuꞌ ye ŋɨꞌ, buu vəlaŋ və ŋwaa vənshə taa ye ŋɨꞌ nɨzi. Kɨ luu laŋ kəmuꞌ kii feenə, buu vəlaŋ vənshə taa kɨ ŋaytə nə laŋnə ŋwaa yiŋkii.