1 Kɔrintian 12:18 - Vengo (Babungo)

¹⁸ Yinsəŋ, Nwi nə kee bɔ̀ŋ yiŋwaa nyaa-nsiŋ sheꞌ ŋkwəŋ me. Nwi nə ndɨ̀ vəlaŋ faŋ mbə lùu nɨŋkwiŋ nɨŋkwiŋ, bɔ̀ŋ ŋwaa wə shɔ, nùŋsə laŋ tɨ̀ me laŋ maa shəŋ ki, sheꞌ faŋ Nwi nə kàw.

1 Kɔrintian 12:18 ပူးပေါင်းရင်းမြစ်များ

Lukas 10:21

Kɨ luu sheꞌ maa yighee yɔ́, Zwitə Ley Nwi faŋ ŋkə nə luu taa fwi Yeso nə, yɨsə ŋwə ŋaytə dɨdɨꞌ, shɔ̀ꞌtə Nwi laa, «Mə bəŋsə ghɔ, mɔɔ Tɨta, faŋ a sɔꞌ yizɔ ghɔ nsi nə, buꞌ laa a twèlə ŋiꞌ nu kɔ́ tɨ́ vɨɨ mbɨə faŋ vəŋ kee lùu vɨɨ yitɔfə me, faŋ a nə ndɨ̀ə nu kɔ́ fɨ ghɔ vɨɨ yitɔfə nə vɨɨ sɨ leynə nə. Ɔŋ mɔɔ, Tɨta, lùu faŋ ŋkə nə bàw tɨ́ ghɔ.»

Lukas 12:32

Nɨniŋ, kɨ viŋ kɨ fee me, faŋ viŋ kɔlə lùu sheꞌ yaa wee-nwaa bisə-njɨɨ, buꞌ laa too Tii wiŋ, tɨta Nwi, nə bàw maa məndɔ kɔ nu yifwàŋ Nwi tɨ́ viŋ.»

Roma 12:3

Nɨniŋ, mə buꞌ ghɔ tɨ́ viŋ tɔ tɔ laa, kɨ wə kɨ bɨꞌtə laa mfɨꞌ nu yi bàw shɔ̀ɔ faŋ mfɨꞌ fwi yi lùu me. Mə gì tɨ́ viŋ nɨniŋ buꞌ mənɔŋ-bwaŋnə Nwi faŋ Nwi nə kèy mə shɔ nə. Bàw wə kɨ fɨꞌ nu ki nə yitɔfə fɨ maa mfɨꞌ məbiŋ wi faŋ Nwi kɔ̀ tɨ́ ŋwə, ŋwə nùŋ fwi yi maa Kristo nə.

Roma 12:6

Vəfaꞌ vaŋ-nsiŋ baa lùu nɨŋkwiŋ nɨŋkwiŋ, faŋ Nwi nə kèy nsiŋ nə yitɔfə baa nə mənɔŋ-bwaŋnə nɨŋkwiŋ nɨŋkwiŋ. Ŋkə bàw laa wə ntɨə faŋ Nwi nùŋ nu ki taa fwi ŋwə, kɨ gisə nu kɔ́, ŋkə kùꞌnə maa nu ŋkɨə faŋ nsiŋ nùŋ fwi saŋ-nsiŋ shɔ nə.

1 Kɔrintian 12:11

Vənu vɔ́ vənshə ndɔ sheꞌ fɨ ghɔ Zwitə Nwi kɔ́ kəmuꞌ, faŋ ŋkə kɔ wutə tɨ́ vɨɨ maa məyɨsə vənu vɔ́. Ŋwə kɔ wutə tɨ́ wə tɨ̀ me wə nɨŋkwiŋ nɨŋkwiŋ, faŋ ŋkə bàw too Zwitə Nwi kɔ́.

1 Kɔrintian 12:17

Ŋkə nii toꞌ luu laa, luu sheꞌ yisɨ faŋ nyə yɨsə buu ŋwaa wə lùu shɔ, buu kaꞌ wə ghɔ́ kɨ zɔ vənu kɨkə? Kɨ luu laa sheꞌ tuulə faŋ ŋkə yɨsə buu ŋwaa wə luu shɔ, buu kaꞌ wə ghɔ́ luŋsə fa kɨkə?

1 Kɔrintian 12:19

Laŋnə ŋwaa wə nəə toꞌ luu sheꞌ kəmuꞌ, buu ŋwaa wə kee lùu shɔ me.

1 Kɔrintian 12:24

Vəlaŋ və ŋwaa mbɨə faŋ mbə lùu vəjəə, tɨ́ kaꞌ vɨɨ kɨ ye, duꞌ sheꞌ nɨniŋ, vɨ kee là mbə me. Nshɨ-tɔ Nwi faŋ ŋwə bɔ̀ŋ ŋwaa wə, nùŋsə vəlaŋ və ŋwaa mbɨə faŋ mbə kee lùu nu me, maa shəŋ kəmɔ́ꞌ faŋ vɨ kɔ̀ feenə tɨ́ mbə.

1 Kɔrintian 12:28

Fɨ taa ŋwaa vɨɨ Nwi, Nwi shòꞌ vɨɨ mɔ́ꞌ vɨsɨ laa vəŋ lùu vɨɨ ntɔŋsə Yeso Kristo, shoꞌ vɨɨ mɔ́ꞌ laa vəŋ kɨ naysə yigi faŋ Nwi kɔ̀ tɨ́ vəŋ, baa shòꞌ vɨɨ mɔ́ꞌ laa vəŋ kɨ deesə nu ki. Ŋwə baa shoꞌ vɨɨ mɔ́ꞌ laa vəŋ kɨ yɨsə vənu və shuu yɔŋvə, baa nə vɨɨ mɔ́ꞌ laa vəŋ kɨ shuꞌ vəza fɨ maa vɨɨ vəza, nə vɨɨ mɔ́ꞌ faŋ vəŋ gaŋtə vɨɨ, nə gwisə, nə vɨɨ faŋ vəŋ gisə təghaŋ nɨŋkwiŋ nɨŋkwiŋ.

1 Kɔrintian 15:38

Nwi taa kɔ ŋwaa tɨ́ fa tɨ̀ me fa faŋ vɨ bia nə, maa ŋkɨꞌnə yi, sheꞌ faŋ Nwi kàw.

1 Kɔrintian 3:5

Apɔlɔs sii lùu ndə? Pɔɔl lùu ndə? Maa yia luu sheꞌ vɨɨ faꞌ Nwi, faŋ Nwi nə tɔŋ laa yia gaŋtə viŋ, viŋ nuŋ fwi siŋ maa Yeso Kristo. Yia faꞌ sheꞌ faꞌ ŋgwə faŋ Nwi kɔ̀ tɨ́ yia tɔ tɔ.

Efesɔs 1:5

shòꞌ nsiŋ shù fɨshi, laa nsiŋ ndɔ luu ŋkee vaŋ vi fɨ yiba jɨŋ Yeso Kristo. Ŋkə nə bàw tɨ́ ŋwə maa məyɨsə nɨniŋ,

Efesɔs 1:9

tɨ́ kaꞌ nsiŋ kɔꞌ kɨɨ nə nu ŋkɨə faŋ ŋkə lùu taa ŋkɨɨ Nwi, faŋ ŋkə nə ndènə fɨ yikəꞌ vɨɨ nə. Nu kɔ́ nə bàw tɨ́ ŋwə maa məyɨ nɨniŋ,

Reveleyshən 4:11

«Tɨta, Nwi wia, a kùꞌnə tɨ́ kaꞌ vətɔ vənshə kɨ bəŋsə ghɔ, kɔ̀ feenə tɨ́ ghɔ. A kìi wutə kənshə, fɔnə nə bɔ̀ŋ ghɔ bɔ̀ŋ vətɔ vənshə. Mbə nə fùu taa mbi, kɨ nii lùu shɔ, buꞌ faŋ nə gì ghɔ nɨniŋ.»