1 Kɔrintian 12:12 - Vengo (Babungo)

¹² Nsiŋ kɔꞌ kɨɨ laa ŋwaa wə kìi vəlaŋ vəlaŋ. Luu nə, ŋwaa ghɔ́ luu sheꞌ muꞌ. Vəlaŋ vɔ́ vənshə faŋ mbə lùu nɨŋkwiŋ nɨŋkwiŋ nə, fàynə shəŋ muꞌ, lùu ŋwaa muꞌ. Luu sheꞌ nɨniŋ taa ŋwaa vɨɨ Kristo. Nwi nə kɔ̀ Zwitə ki kəmuꞌ tɨ́ nsiŋ vənshə, faŋ nsiŋ nə fì muu mə Nwi. Nɨniŋ, nsiŋ gù fa kəmuꞌ, lùu yaa ŋwaa wə muꞌ.

1 Kɔrintian 12:12 ပူးပေါင်းရင်းမြစ်များ

1 Kɔrintian 10:17

Faŋ nsiŋ zɨ̀ bee kɔ́ nə, bee kɔ́ faŋ nsiŋ zɨ, luu sheꞌ ghɨsə bee muꞌ. Ŋkə də̀ laa nsiŋ, faŋ nsiŋ kɔlə lùu vəyaŋ nə, nsiŋ lùu sheꞌ fa kəmuꞌ, buꞌ faŋ nsiŋ vənshə zɨ sheꞌ fɨ maa ghɨsə bee muꞌ.

1 Kɔrintian 12:20

Luu nə, vəlaŋ və ŋwaa vaŋ-nsiŋ lùu nɨŋkwiŋ nɨŋkwiŋ; ŋwaa ghɔ́ luu sheꞌ muꞌ.

1 Kɔrintian 12:27

Gə fɨ maa viŋ, viŋ faynə shəŋ muꞌ maa mənaysə ŋwaa Kristo faŋ ŋwə lùu muꞌ. Wə tɨ̀ me wə fɨ taa ŋwaa viŋ lùu fɨ maa laŋnə ŋwaa Kristo kɔ́.

1 Kɔrintian 12:7

Zwitə Nwi yaa kɨ dəsə nu tɨ́ wə tɨ̀ me wə, sheꞌ laa wə ghɔ́ taa kɨ gaŋtə vɨɨ Nwi vənshə nə nu kɔ́.

Galatia 3:16

Ŋkə luu sheꞌ nɨndɨŋ nə ŋkɔꞌnə njyə faŋ Nwi nə kɔ̀ꞌnə tɨ́ Abraham, nə tɨ́ ŋgwi yi ŋkee fɨshi nə. Maa vɨ nyɔ̀ꞌ sheꞌ buꞌ wuu ŋiinə wi muꞌ, kee nyɔ̀ꞌ buꞌ vɨɨ vəyaŋ me. Wuu ŋiinə wi ghɔ́ muꞌ nə, lùu Yeso Kristo.

Efesɔs 1:23

Nwaa vɨɨ məbiŋ Kristo luu sheꞌ yaa ŋwaa Kristo. Ŋwə lwàŋ taa fwisə vəŋ vənshə, yɨ̀ laa vənu vənshə faynə maa ŋkɨɨ Nwi.

Efesɔs 4:12

Ŋwə nùŋ vɨɨ vɔ́ nɨniŋ, laa vəŋ kɨ lootə vɨɨ Nwi, vəŋ kuꞌnə maa məfaꞌ faꞌ vəŋ tɨ́ Nwi, laa ŋwaa Kristo kɨ gə vɨsɨ vɨsɨ.

Efesɔs 4:4

Nwaa Kristo luu muꞌ, Zwitə Nwi luu kəmuꞌ, sheꞌ faŋ nu ŋkɨə faŋ viŋ tə sɨ shɔ nə, lùu kəmuꞌ nɨzi. Nwi nə tìi viŋ maa nu kɔ́ kəmuꞌ nə.

Efesɔs 5:23

Wəndɔŋ lùu tɔ tɨ́ wəzwi, sheꞌ faŋ Kristo lùu tɔ tɨ́ nwaa vɨɨ Nwi. Nwaa vɨɨ Nwi lùu yaa ŋwaa Kristo. Ŋwə baa lùu wuu məbweysə vəŋ.

Efesɔs 5:30

Maa nsiŋ lùu vəlaŋ və ŋwaa Kristo, faŋ ŋwə kaw vəŋ, zəsə vəŋ nə.

Kɔlɔsii 1:18

Ŋwə baa lùu tɔ fɨ taa vəməshəŋtə və vɨɨ Nwi, sɔꞌ vɨɨ Nwi vənshə, sheꞌ faŋ tɔ wə sɔꞌ ŋwaa wə nshə nə. Ŋwə baa lùu vənzi və ŋii Nwi, baa luu mfɔŋ wə maa məywey fɨ shɨ yiku. Nɨniŋ laa ŋwə luu vɨsɨ maa vənu vənshə.

Kɔlɔsii 1:24

Fwi nyaa lùu nə məŋaytə faŋ mə kɔlə ye ŋɨꞌ ndwə nə. Ŋɨꞌ njyə faŋ mə ye nə, mə ye buꞌ viŋ. Nyə kuꞌsə maa ŋɨꞌ njyə faŋ Kristo nə ye maa yighee vɨsɨ nə. Faŋ mə ye ŋɨꞌ taa ŋwaa mə nə, mə ye buꞌ ŋwaa Yeso Kristo, faŋ luu nshəŋtə vɨɨ Kristo nə, laa mə kɨ metə faꞌ Kristo shɔ.

Kɔlɔsii 2:19

Vəŋ gaasə fɨ ghɔ Kristo, faŋ lùu tɔ tɨ́ ŋwaa vɨɨ Nwi nə. Vɨɨ vənshə faŋ vəŋ fàynə ghɔ vɨ Kristo, Kristo kɔ fa tɨ̀ me fa faŋ vəŋ kəə tɨ́ vəŋ. Ŋwə baa yɨ̀sə laa vəŋ lùu fa kəmuꞌ, tɨ́ kaꞌ vəŋ kɨ ta weꞌ nə vənu və Kristo faŋ Nwi kəə. Ŋkə lùu nɨniŋ, sheꞌ faŋ ŋwaa wə fàynə shəŋ muꞌ vəlaŋ vəlaŋ.

Kɔlɔsii 3:15

Viŋ kɨ yɨsə laa mənɔŋ-bwaŋnə faŋ ŋwə ndɔ̀ fɨ ghɔ Kristo, shiinə viŋ maa vənu vənshə faŋ viŋ yɨsə, buꞌ laa Nwi nə tìi viŋ laa viŋ jwi dùꞌ nyɔŋ, lùu yaa ŋwaa wi muꞌ, kɨ bwaŋ Nwi shɔ ghee nshə.