1 Kɔrintian 12:11 - Vengo (Babungo)

¹¹ Vənu vɔ́ vənshə ndɔ sheꞌ fɨ ghɔ Zwitə Nwi kɔ́ kəmuꞌ, faŋ ŋkə kɔ wutə tɨ́ vɨɨ maa məyɨsə vənu vɔ́. Ŋwə kɔ wutə tɨ́ wə tɨ̀ me wə nɨŋkwiŋ nɨŋkwiŋ, faŋ ŋkə bàw too Zwitə Nwi kɔ́.

1 Kɔrintian 12:11 ပူးပေါင်းရင်းမြစ်များ

Matiu 11:26

Ɔŋ mɔɔ, Tɨta, lùu faŋ ŋkə nə bàw sɨ ghɔ.»

Matiu 20:15

Maa kaꞌ mə yɨ̀ nu ŋkɨə faŋ mə kàw nə vətɔ vaŋ? Sii yɨ̀ kə, a kaŋ yikəꞌ yə, buꞌ faŋ mə yɨ̀ nu jəə maa vəŋ?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:27

Jɔn bəŋsə tɨ́ vəŋ laa, «Kaꞌ wə kee fì fa, maa laa Nwi kɔ̀ tɨ́ ŋwə fɨ yizɔ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:8

Fɨɨ yaa kɨ shɔɔ fɨ shəŋ faŋ ŋkə kaw, a zɔ̀ gɨ yi, kee kɨ̀ɨ nə shəŋ ŋkɨə faŋ ŋkə ndɔ̀ fɨ fuŋ me, tɨꞌnə me shəŋ ŋkɨə faŋ ŋkə gə shɔ me. Luu sheꞌ nɨniŋ maa wə ntɨə faŋ vɨ bì ŋwə fɨ taa Zwitə Ley Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:21

Sheꞌ faŋ tɨta Nwi yɨsə vɨɨ kukə baa ywey, ŋwiŋ wi ghɔ́ yweysə vɨɨ nɨzi, faŋ ŋwə kàw.

Roma 12:6

Vəfaꞌ vaŋ-nsiŋ baa lùu nɨŋkwiŋ nɨŋkwiŋ, faŋ Nwi nə kèy nsiŋ nə yitɔfə baa nə mənɔŋ-bwaŋnə nɨŋkwiŋ nɨŋkwiŋ. Ŋkə bàw laa wə ntɨə faŋ Nwi nùŋ nu ki taa fwi ŋwə, kɨ gisə nu kɔ́, ŋkə kùꞌnə maa nu ŋkɨə faŋ nsiŋ nùŋ fwi saŋ-nsiŋ shɔ nə.

Roma 9:18

Nɨniŋ nə, ŋwə gaŋtə wə ntɨə faŋ ŋwə kàw, yɨsə fwi wə shii faŋ ŋwə kàw.

1 Kɔrintian 12:18

Yinsəŋ, Nwi nə kee bɔ̀ŋ yiŋwaa nyaa-nsiŋ sheꞌ ŋkwəŋ me. Nwi nə ndɨ̀ vəlaŋ faŋ mbə lùu nɨŋkwiŋ nɨŋkwiŋ, bɔ̀ŋ ŋwaa wə shɔ, nùŋsə laŋ tɨ̀ me laŋ maa shəŋ ki, sheꞌ faŋ Nwi nə kàw.

1 Kɔrintian 12:4

Vənu mbɨə faŋ Zwitə Nwi kɔ wutə tɨ́ vɨɨ laa vəŋ kɨ yɨsə, lùu nɨŋkwiŋ nɨŋkwiŋ. Luu nə, Zwitə Nwi kɔ́ luu sheꞌ kəmuꞌ.

1 Kɔrintian 12:6

Jɨɨsə faŋ vɨɨ fàꞌ vəfaꞌ maa wutə Nwi lùu nɨŋkwiŋ nɨŋkwiŋ. Luu nə, Nwi faŋ ŋwə kɔ̀ wutə kɔ́ tɨ́ vɨɨ vənshə laa vəŋ kɨ faꞌ vəfaꞌ vɔ́ vənshə nə, luu sheꞌ Nwi ghɔ́ muꞌ.

1 Kɔrintian 7:17

Nu mɔ́ꞌ lùu laa, bàw wə tɨ̀ me wə toꞌ sheꞌ maa jɨɨ njyə faŋ Nwi kɔ̀ tɨ́ ŋwə laa ŋwə toꞌ fuŋ nə. Bàw ŋwə goꞌsə maa məduꞌ ŋgwə faŋ ŋwə nə luu shɔ maa yighee njyə faŋ Nwi nə tìi ŋwə laa ŋwə jwi lùu wuu wi nə. Lùu nu ŋkɨə faŋ mə deesə vɨɨ Nwi maa vəshəŋ vənshə.

1 Kɔrintian 7:7

Ŋkə lùu shee yaa ŋkə taa baw laa wə tɨ̀ me wə twey məndaa faŋ mə twey nə. Luu nə, Nwi kɔ̀ vəkeynə tɨ́ vɨɨ nɨŋkwiŋ nɨŋkwiŋ. Nwi kɔ̀ wutə tɨ́ vɨɨ mɔ́ꞌ laa vəŋ kɨ faꞌ maa jɨɨ yimɔ́ꞌ, kɔ̀ tɨ́ vɨɨ mɔ́ꞌ laa vəŋ kɨ faꞌ maa jɨɨ yimɔ́ꞌ.

2 Kɔrintian 10:13

Gə fɨ maa yia, yia kee bəŋsə ŋwaa wia shɔ̀ɔ ki me, yia bəŋsə sheꞌ maa mfɨꞌ shuu faꞌ, faŋ Nwi nə fɨ̀ꞌ, kɔ̀ tɨ́ yia. Ŋkə kɨ nii lùu ki wia laa yia ziꞌ yɨ viŋ nɨzi.

Efesɔs 1:11

Nwi, faŋ ŋwə yɨsə vənu vənshə faŋ ŋwə nə gì fɨ taa fwi ŋwə, baa shòꞌ nsiŋ maa mbii vɨɨ fɨ yiba jɨŋ Kristo, buꞌ ŋkitə Nwi maa nu ŋkɨə faŋ ŋwə nə nùŋ, shù fɨ maa vənzi.

Efesɔs 4:7

Ŋwə nə tu mənɔŋ-bwaŋnə tɔ nsiŋ vənshə, key nsiŋ vənshə nə vəkeynə vi, sheꞌ faŋ Kristo fɨ̀ꞌ vəkeynə vɔ́ tɨ́ nsiŋ tɔ tɔ.

Hibru 2:4

Nwi baa luu də̀ laa lùu nu yinsəŋ, faŋ ŋwə nə ndì wutə ki, də̀ vəshwenə, baa yɨsə vənu və shuu yɔŋvə. Ŋwə baa luu kɔ̀ vəkɔ faŋ ŋwə kàw tɨ́ vɨɨ, faŋ mbə ndɔ̀ fɨ yiba Zwitə Ley.

Jeyms 1:18

Nwi nə kàw maa məkɔ məbwey vəlwaŋ tɨ́ nsiŋ fɨ taa yigisə Nwi yinsəŋ. Nɨniŋ laa nsiŋ lùu mfɔŋsə vətɔ vi faŋ ŋwə naysə fi.