Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kɔrintian 11:26 - Vengo (Babungo)

26 Yighee tɨ̀ me yighee faŋ viŋ zɨ bee kɔ́, baa nu məluꞌ mbɔ́, buu viŋ fɨꞌtə tɨ́ vɨɨ laa tɨta Yeso nə kù tɔ nsiŋ. Viŋ yɨ nɨniŋ, kɔ̀ tɨ́ yighee njyə faŋ tɨta Yeso ndɔ bəŋ jwi.

အခန်းကိုကြည့်ပါ။ ကော်ပီ




1 Kɔrintian 11:26
16 ပူးပေါင်းရင်းမြစ်များ  

Mə taa gə lootə shəŋ duꞌnə tɨ́ viŋ, bə̀ŋ jwì ndì viŋ, viŋ jwi yɨ mə, laa shəŋ ŋkɨə faŋ mə dùꞌ shɔ, viŋ luu shɔ nɨzi.


Yeso gi tɨ́ ŋwə laa, «Kɨ ghaŋ laa fwi nyaa bàw laa ŋwə ndɔ goꞌ mbi zìꞌ maa yighee njyə faŋ mə ndɔ baa bəŋ jwì, nsɔꞌ yə shɔ lùu laa kə? - Gə̀ fɨ maa ghɔ, beꞌsə mə.»


Nɨniŋ, yigi yimɔ́ꞌ saynə taa ŋwaa vɨɨ Yeso, laa wuu məzwetə nu Yeso ghɔ́ kee ndɔ ku me. Luu nə, Yeso nə kee gì laa ŋwə ndɔ kee ku me. Ŋwə nə gì laa, taa kɨ ghaŋ laa fwi yi bàw laa ŋwə goꞌ mbi zìꞌ maa yighee njyə faŋ yi ndɔ baa bə̀ŋ jwì mbi, nsɔꞌ Pita shɔ lùu laa kə?


Viŋ zɔ! Yeso ŋwə̀, faŋ Nwi nii ndì ŋwə fɨ ghɔ viŋ, ŋwə koꞌ gə̀ yizɔ nə, ŋwə ndɔ baa bəŋ siꞌ jwi sheꞌ faŋ viŋ nii yè ŋwə nə koꞌ yizɔ nə.»


Vənu vənshə kɨ gay maa yighee yi. Nə bɨ fɔŋ ywèy Kristo fɨ shɨ yiku. Ndɔ lùu maa yighee njyə faŋ ŋwə ndɔ baa bəŋ jwì shɨ nsi, vɨɨ vi vənshə ndɔ ywey nɨzi, bèꞌsə ŋwə.


Nɨniŋ, ŋkə kee kùꞌnə laa viŋ kɨ shia nsɔꞌsə tɔ vɨɨ me, faŋ yighee məshia nsɔꞌsə kee ta yikuꞌnə me. Maa shi ŋkɨə faŋ tɨta Yeso ndɔ jwi, ŋwə ndɔ də vənu ntee faŋ mbə nə lùu taa mfiŋsə, nə mbɨꞌtə wə faŋ wə kìi taa fwi ŋwə. Lùu shi kɔ́ faŋ Nwi ndɔ bəŋsə wə faŋ məbəŋsə wə ghɔ́ kùꞌnə.


Nshɨ-tɔ tɨta Yeso ndɔ gi nəŋay, nshiiŋii taa mbuꞌ Nwi luꞌ, yisaw Nwi gi maa yighee njyə faŋ tɨta Yeso ndɔ siꞌ fɨ taa yizɔ. Vɨɨ mbɨə faŋ vəŋ nə kukə maa yizii Kristo nə, kɨ nii ywèy fɨ shɨ yiku ŋkəə,


Nsɔꞌ yɔ́ ndɔ jia vəŋ maa yighee njyə faŋ tɨta Yeso ndɔ baa bəŋ jwi maa mədə yikwalə yi tɨ́ vɨɨ ley vi. Vɨɨ vənshə faŋ vəŋ nə nùŋ fwi vəŋ maa ŋwə, ndɔ bəŋsə ŋwə maa shi kɔ́. Maa viŋ nə bìŋ nu ŋkɨə faŋ yia nə gì tɨ́ viŋ ntee nə.


Sheꞌ nɨniŋ, Kristo nə fɔŋ jwì kù yighee muꞌ, laa ŋwə yɨsə vɨɨ vəyaŋ nyɨŋ fɨ taa nu bwə vəŋ, baa nə laa ŋwə ndɔ baa bəŋ jwi mbi nyə̀, lwesə ghee bɔɔ. Maa yighee yɔ́ ŋwə ndɔ kee baa jwi maa məsɔ nu bwə vɨɨ me; ŋwə ndɔ bee kii jwi maa məkɔ məbwey vəlwaŋ tɨ́ vɨɨ vi faŋ vəŋ kɨꞌ ŋwə nə.


Viŋ kɔꞌ kɨɨ laa, yighee ndɔ kɨ kuꞌ, faŋ tɨta Yeso ndɔ bəŋ jwì, ŋwə ndɔ gwəkə jwi yaa ndɔꞌ, faŋ ndɔꞌ yaa kɨ jwi faŋ vɨɨ kee yikɨɨ me. Maa yighee yɔ́, vɨ ndɔ zɔ gɨ yikwalə yimɔ́ꞌ laa «kwaŋ», yizɔ kee baa lùu shɔ me. Vətɔ fɨ yizɔ nə fɨ nsi yey taa wi vənshə, mè laylay. Nsi nɨzi, ghɔ vətɔ vənshə faŋ mbə lùu shɔ, me vənshə.


Vaŋ vaŋ, bàw viŋ kii fa kəmuꞌ viŋ vɨ Yeso! Nɨniŋ laa shi ŋkɨə faŋ ŋwə ndɔ bəŋ jwì fùu ntee, nsiŋ kɨꞌ vənu nə məŋaytə. Kɨ tɔ kaŋ-nsiŋ dɨɨ faŋ ŋwə ndɔ jwi fùu ntee me!


Ŋkee fɨshi, Enok, faŋ lùu vəshiŋ və vɨɨ lwesə kwatia fɨ ghɔ Adam, nə gì nu ŋkɨə faŋ Nwi nə kwàŋ taa fwi ŋwə kɔ̀ŋ vɨɨ vì. Ŋwə nə gì laa, «Viŋ zɔ! Tɨta Nwi ndɔ jwi nə vɨɨ ley vi, vəmalia vəmalia,


Viŋ zɔ! Kristo ndɔ bəŋ jwi fɨ taa mbɔꞌ, vɨɨ vənshə ye ŋwə nə sɨ vəŋ. Ŋkee vɨɨ mbɨə faŋ vəŋ nə zwì ŋwə nə, ndɔ ye ŋwə nɨzi. Ŋiꞌ ŋii tɨ̀ me ŋiꞌ ŋii fɨ taa mbi ndɔ gwia buꞌ ŋwə. Ɔŋ, lùu faŋ ŋkə ndɔ luu. Ŋkə gòꞌsə nee.


Wə ntɨə faŋ ŋwə fɨꞌtə nu kɔ́ ntee, gì laa, «Yinsəŋ, mə taa yasə jwi.» Luu sheꞌ nɨniŋ. «Tɨta Yeso, jwi!»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ