1 Kɔrintian 11:22 - Vengo (Babungo)

²² Kəŋ nshinə yɔ́ kee yikuꞌnə me. Ndɔꞌ ghiŋ shɔ faŋ kaꞌ viŋ zɨ baa nu. Sii yɨ̀ kə buu viŋ kɨ shiasə ŋii Nwi, baa mɔꞌ tɔ dɨɨ tɔ vɨɨ mbɨə faŋ vəŋ kee kìi fa me? Sii kaꞌ mə gì kə tɨ́ viŋ? Nə kaꞌ mə bəŋsə viŋ mu, faŋ viŋ kìi kəŋ nshinə yɔ́ nee nə mu? Bey, kaꞌ mə kee bəŋsə viŋ me tuu tɨtiꞌ.

1 Kɔrintian 11:22 ပူးပေါင်းရင်းမြစ်များ

Akts 20:28

Nɨniŋ, viŋ kɨ shiinə yiŋwaa yiŋ, baa shii nwaa vɨɨ mbɨə faŋ Zwitə Ley Nwi nùŋsə taa ghɔ viŋ nə. Viŋ luu nshiisə vɨɨ Kristo, faŋ ŋwə nə shòꞌ vəŋ, kù tɔ vəŋ nə.

1 Kɔrintian 10:32

Kɨ kɨɨ buꞌ viŋ yɨ nu faŋ ŋkə taa yɨ laa fwi wə shə. Kɨ luu wə ghɔ́ lùu wuu Jus, tɨꞌnə me wuu tɔmə day, tɨꞌnə me wuu Nwi, kɨ viŋ yɨsə fwi yi shə me.

1 Kɔrintian 11:17

Nu mɔ́ꞌ baa lùu shɔ faŋ mə taa tɨ viŋ nə ŋkə. Lùu nu faŋ kaꞌ mə kee bə̀ŋsə viŋ shɔ me. Yighee njyə faŋ viŋ yaa kɨ faynə shəŋ muꞌ maa məshɔꞌtə Nwi, ŋkə yaa kɨ jwi nə nu bwə, shɔ̀ɔ nu jəə.

1 Kɔrintian 11:2

Mə bəŋsə viŋ dɨdɨꞌ, buꞌ laa viŋ lumə yigisə nyaa yinshə, baa bèꞌsə vənu mbɨə faŋ mə nə dèesə viŋ shɔ nə.

1 Kɔrintian 11:34

Jɨŋ kɨ luu kɨ zasə wə mɔ́ꞌ, bàw ŋwə bɨ zɨ̀ fazɨ taa ŋii ŋwə ŋkəə, buu jwì, tɨ́ kaꞌ məshəŋtə wiŋ kee lùu maa jɨɨ njyə faŋ kaꞌ Nwi kwàŋ viŋ taa nsɔꞌ me. Gə fɨ maa vənu vəmɔ́ꞌ, mə taa tɨ viŋ shɔ faŋ mə taa jwi yɨ viŋ.

1 Kɔrintian 15:9

Fɨ taa ŋwaa vɨɨ ntɔŋ Yeso, mə luu ŋkee nshətə yiba. Mə kee kùꞌnə tɨ́ kaꞌ vɨ tìi mə laa mə lùu wuu ntɔŋ Yeso me, buꞌ laa mə nəə toꞌ zwilə vɨɨ Kristo yighee vɨsɨ.

1 Timoti 3:15

Kɨ luu mə ndɔ tay, bàw a kɨɨ faŋ kaꞌ a kɨ yɨsə vənu taa ŋii Nwi. Ŋii Nwi yɔ́ lùu nshəŋtə vɨɨ Nwi faŋ Nwi goꞌsə yighee muꞌ. Ŋii yɔ́ baa luu tweꞌ faŋ ŋkə tɔ̀ŋ nu yinsəŋ.

1 Timoti 3:5

Wə kɨ luu kee kɨɨ sɔꞌ vɨɨ taa ŋii ŋwə me, buu kaꞌ ŋwə ndeynə nu nshəŋtə vɨɨ Nwi, ŋkə bàw kɨkə?