1 Kɔrintian 11:16 - Vengo (Babungo)

¹⁶ Wə lùu shɔ faŋ ŋwə kee bìŋ vənu və̀ me, bàw ŋwə kɨɨ laa, nshinə yia nə nshinə vɨɨ Nwi fɨ vəshəŋ vəshəŋ lùu laa wəzwi kɨ shitə tɔ ki.

1 Kɔrintian 11:16 ပူးပေါင်းရင်းမြစ်များ

Akts 21:21

Vəŋ duꞌtə vəŋ zɔ nu kɔ̀ŋ ghɔ, laa a deesə vɨɨ Jus vənshə faŋ vəŋ shi taa vətɔŋ laa vəŋ meꞌ ntɨsə Mose, faŋ a gisə tɨ́ vəŋ laa kɨ vəŋ baa kɨ sɨɨtə vaŋ vəŋ me, kee baa nùŋsə nuŋsə saŋ-nsiŋ me.

Akts 21:24

Nɨniŋ, bàw a ndi vəŋ, ŋìi taa ŋwaa vəŋ, baa luu lèysə nɨzi, ndɔ̀ꞌ tɔ kə nə tɔ vəŋ vənshə taa ŋii Nwi yikwalə, buu vəŋ taa kɔŋ vətɔ vəvəŋ. A yɨ nɨniŋ, buu vɨɨ vənshə taa ye laa vənu mbɨə faŋ vɨ gì kɔ̀ŋ ghɔ, kee lùu yinsəŋ me, faŋ vəŋ ye laa nshɨ-tɔ wə yɨsə maa jɨɨ ntɨsə Mose.

1 Kɔrintian 11:15

Luu nə, gə fɨ maa kwiŋ vəki, nyuŋsə dəsə lùu nu vəlɔꞌ baa lùu nu kwalə tɨ́ wəzwi, buꞌ laa Nwi kɔ̀ nyuŋsə dəsə tɨ́ ŋwə, nsə luu tɨ́ ŋwə yaa njwi məka tɔ.

1 Kɔrintian 16:1

Gə fɨ maa ka ŋgwə faŋ vɨ baytə maa məgaŋtə vɨɨ Nwi shɔ fɨ shɨ Jerusalem, bàw viŋ kɨ yɨ sheꞌ maa jɨɨ njyə faŋ mə nə tɨ̀ vəməshəŋtə və vɨɨ Nwi fɨ shɨ Galatia shɔ nə.

1 Kɔrintian 4:5

Nɨniŋ, ŋkə kee kùꞌnə laa viŋ kɨ shia nsɔꞌsə tɔ vɨɨ me, faŋ yighee məshia nsɔꞌsə kee ta yikuꞌnə me. Maa shi ŋkɨə faŋ tɨta Yeso ndɔ jwi, ŋwə ndɔ də vənu ntee faŋ mbə nə lùu taa mfiŋsə, nə mbɨꞌtə wə faŋ wə kìi taa fwi ŋwə. Lùu shi kɔ́ faŋ Nwi ndɔ bəŋsə wə faŋ məbəŋsə wə ghɔ́ kùꞌnə.

1 Kɔrintian 7:17

Nu mɔ́ꞌ lùu laa, bàw wə tɨ̀ me wə toꞌ sheꞌ maa jɨɨ njyə faŋ Nwi kɔ̀ tɨ́ ŋwə laa ŋwə toꞌ fuŋ nə. Bàw ŋwə goꞌsə maa məduꞌ ŋgwə faŋ ŋwə nə luu shɔ maa yighee njyə faŋ Nwi nə tìi ŋwə laa ŋwə jwi lùu wuu wi nə. Lùu nu ŋkɨə faŋ mə deesə vɨɨ Nwi maa vəshəŋ vənshə.

1 Kɔrintian 9:1

Faŋ mə kɔlə gì nɨniŋ nə, mə kee lùu buꞌ tɨ́ nu me. Mə luu ŋkee wuu ntɔŋ Yeso Kristo. Maa mə nə yè Yeso Kristo faŋ lùu Tii ŋwaa-nsiŋ nə yisɨ. Nshɨ-tɔ wiŋ luu shwenə faꞌ ghɔ́ faŋ mə faꞌ tɨ́ tɨta Yeso Kristo nə.

1 Kɔrintian 9:6

Luu sheꞌ yia Barnabas faŋ kaꞌ yia kee fì fazɨ fɨ ghɔ vɨɨ yimu? Luu sheꞌ yia maa məfaꞌ nə ghɔ ghia buu taa kii fazɨ zɨ mu?

1 Tesalonika 2:14

Vaŋ-nshwi via, viŋ ndi ghuu yitoꞌ vɨɨ Nwi fɨ shɨ Judia, faŋ vəŋ lùu vɨɨ Nwi fiiba Yeso Kristo, buꞌ faŋ viŋ ye ŋɨꞌ fɨ ghɔ vɨɨ shɨ viŋ, sheꞌ faŋ vɨɨ Jus vɔ́ ye ŋɨꞌ fɨ ghɔ vɨɨ shɨ vəŋ nə.