1 Kɔrintian 10:7 - Vengo (Babungo)

⁷ Ŋkee fɨshi vəŋ nəə bəŋsə vənwi vədayday, faŋ vɨ nyɔ̀ꞌ taa ŋwaꞌlə Nwi laa, «Vɨɨ vɔ́ nə dùꞌ nsi, zɨ̀ fazɨ, nù muu fɨ ghɔ Nwi, kɨ nii baa ndɔ̀ ghày vəghay, bə̀ŋ vəbəŋ.» Kɨ viŋ kɨ yɨsə nɨniŋ me. Kɨ viŋ bəŋsə vənwi vədayday faŋ vəŋ nəə bəŋsə nə me.

1 Kɔrintian 10:7 ပူးပေါင်းရင်းမြစ်များ

Akts 15:20

Bàw nsiŋ nyɔꞌ ŋwaꞌlə tɨ́ vəŋ, nàysə tɨ́ vəŋ sheꞌ laa vəŋ shiinə yiŋwaa vəŋ, kee kɨ zɨ fa faŋ ŋkə kee lùu kəley tɨ́ Nwi me, buꞌ faŋ ŋkə ndɔ̀ fɨ yɨ vənwi vədayday me. Baa nə laa kɨ vəŋ kɨ beꞌsə nu vəki me, kee kwə̀ mbasə nyaa faŋ vɨ tɨtwiŋ me wi, buu zwi me, kee zɨ fazɨ faŋ mənshi lùu taa tey yi me.

1 Kɔrintian 10:14

Vɨɨmba vaŋ faŋ mə kàw, lùu nu ŋkɨə faŋ mə naysə tɨ́ viŋ, laa kɨ viŋ kii nu maa məyɨ nə vənwi vədayday me.

1 Kɔrintian 5:11

Nu ŋkɨə faŋ mə kəə gì, lùu laa kɨ viŋ kɨ duꞌ shəŋ muꞌ viŋ vɨ wə faŋ ŋwə gì laa yi lùu wuu Nwi, luu nə, yɨsə vənu vəbwəvə me. Weenshu ŋwaa-nsiŋ mɔ́ꞌ lùu shɔ faŋ ŋwə tii vəki, tɨꞌnə me səsə vətɔ, tɨꞌnə me feꞌ vənwi vədayday, tɨꞌnə me ndasə vɨɨ, tɨꞌnə me nu məluꞌ ghenə, tɨꞌnə me shɨshaw, kɨ viŋ kɨ shi viŋ vɨ kəŋ vɨɨ vɔ́ shəŋ muꞌ me. Kɨ viŋ kɨ zɨnə viŋ vɨ kəŋ vɨɨ vɔ́ faŋ vəŋ yɨsə kəŋ vənu vɔ́ me.

1 Kɔrintian 6:9

Viŋ kɔꞌ kɨɨ laa vəyɨ-kəbwə kee ndɔ ŋii taa nu yifwàŋ Nwi me. Kɨ viŋ kɨ bweꞌsə yiŋwaa yiŋ me! Vɨɨ faŋ vəŋ yɨsə vənu vəbwəvə, tɨꞌnə me shi nə vəki, nə vɨɨ faŋ vəŋ feꞌ vənwi, nə vɨɨ faŋ vəŋ meꞌtə vəki vəvəŋ, tìi vəki vəmɔ́ꞌ, nə vəndɔŋ faŋ vəŋ shi nə vəliŋ vəvəŋ vəndɔŋ,

1 Kɔrintian 8:7

Faŋ nsiŋ kɔlə kɨɨ laa vətɔ vɔ́ vənshə lùu nu dayday, vɨɨ Nwi vəmɔ́ꞌ kee yikɨɨ me. Vɨɨ mɔ́ꞌ lùu shɔ faŋ vəŋ nə fɔŋ bìŋ vənwi vədayday vɔ́. Nɨniŋ, yighee njyə faŋ vəŋ zɨ fa, tɨꞌnə me kwə kəŋ mbasə ghɔ́, ŋkə lùu tɨ́ vəŋ yaa mbasə faŋ vɨ feꞌ tɨ́ vənwi vɔ́. Ŋkə kɨ nii lùu tɨ́ vəŋ yuu vəŋ yɨ nu bwə.

1 Jɔn 5:21

Nɨniŋ, vaŋ vaŋ, viŋ kɨ shiinə yiŋwaa yiŋ fɨ ghɔ vənwi vədayday!