1 Kɔrintian 10:31 - Vengo (Babungo)

³¹ Mə bəŋsə tɨ́ kəŋ wə ghɔ́ laa, bàw viŋ kɨ bəŋsə sheꞌ Nwi maa vənu vənshə faŋ viŋ yɨsə. Yighee njyə faŋ viŋ zɨ fazɨ, tɨꞌnə me nu fa, tɨꞌnə me yɨ nu mɔ́ꞌ, viŋ kɨ yɨsə maa jɨɨ njyə faŋ nyə taa kɔ feenə tɨ́ Nwi.

1 Kɔrintian 10:31 ပူးပေါင်းရင်းမြစ်များ

Lukas 11:41

Nɨniŋ, bàw viŋ ywiitə kɔ̀ŋ fwi siŋ nɨzi. Viŋ ndì vətɔ mbɨə faŋ mbə lùu taa vəkay viŋ, kɔ̀ tɨ́ vɨɨ ŋɨꞌ. Viŋ yɨ nɨniŋ, buu fwi siŋ ley vɨsɨ Nwi.

1 Kɔrintian 7:34

Nɨniŋ, fwi yi gaasə vəway vəbɔɔ. Sheꞌ nɨniŋ, vəki ŋkusə nə vaŋ-vəki, faŋ vəŋ kee kìi vəndɔŋ me, bɨꞌtə sheꞌ vənu və Nwi, tɨ́ kaꞌ vəŋ kɔ̀ fwisə vəŋ nə yiŋwaa vəŋ tɨ́ Nwi. Luu nə, vəki faŋ vəŋ ndàa vəndɔŋ, vəŋ bɨꞌtə sheꞌ vənu və taa mbi, kəə sheꞌ jɨɨsə maa məyɨsə laa vəndəə vəvəŋ duꞌ nə fwisə jəəsə.

Kɔlɔsii 3:17

Taa vənu vənshə faŋ viŋ yɨsə, nə təgi tənshə faŋ viŋ gisə, viŋ kɨ yɨsə vənu vənshə sheꞌ maa yizii Yeso Kristo, baa bwaŋ Nwi, faŋ lùu Tii ŋwaa-nsiŋ, fɨ yiba jɨŋ Kristo.

Kɔlɔsii 3:23

Maa vənu vənshə faŋ vɨ kɔ tɨ́ viŋ, laa viŋ faꞌ nə, viŋ kɨ faꞌ nə fwi yijəə, bɨꞌtə laa viŋ faꞌ tɨ́ Nwi, laa viŋ kee faꞌ sheꞌ tɨ́ wə mənsaw me.

1 Pita 4:11

Wə kɨ luu kɨ gisə yigi, bàw ŋwə kɨ gisə sheꞌ yigisə Nwi. Kɨ luu, wə nə faꞌ faꞌ Nwi, gaŋtə vɨɨ, bàw ŋwə kɨ faꞌ nə wutə ŋkɨə faŋ Nwi kɔ̀ tɨ́ ŋwə. Viŋ kɨ yɨ nɨniŋ laa, viŋ kɨ bəŋsə Nwi maa vənu vənshə fɨ yiba Yeso Kristo, faŋ ŋwə kwàlə, ndɔ weꞌ, gòꞌsə yighee muꞌ. Ŋkə lùu nɨniŋ.