1 Kɔrintian 10:28 - Vengo (Babungo)

²⁸ Kɨ luu viŋ luu yifi, wə mɔ́ꞌ jwi, gì tɨ́ viŋ laa, fazɨ ŋkɨə faŋ vɨ kɔ̀ tɨ́ viŋ laa viŋ zɨ, vɨ kɔ̀ tɨ́ vənwi maa ndey, kɨ viŋ baa zɨ fazɨ kɔ́ me. Nɨniŋ laa kɨ viŋ yɨsə nu faŋ wə mɔ́ꞌ taa bɨꞌtə laa lùu nu bwə me, buꞌ ŋkə taa kɔ ghaysə taa fwi wə ghɔ́.

1 Kɔrintian 10:28 ပူးပေါင်းရင်းမြစ်များ

Roma 14:15

Luu nə, a zɨ fa faŋ weenshu wə taa luŋ buꞌ faŋ ŋwə bɨꞌtə laa lùu fa bwə, buu a kee yɨ̀ jəə me, toꞌ ghuu yitoꞌ kə, kee kàw vɨɨ me. Kaa bɨsə fwi wə ntɨə faŋ Kristo nə kù tɔ ŋwə nə, buꞌ fazɨ kɔ́ me.

1 Kɔrintian 10:26

Mə gì nɨniŋ buꞌ laa vɨ nyɔ̀ꞌ taa ŋwaꞌlə Nwi laa, «Kìi Nwi kìi mbi yinshə ŋkwəŋ, nə vətɔ vənshə faŋ mbə lùu taa mbi yɔ́ kìi Nwi vənshə.»

1 Kɔrintian 8:7

Faŋ nsiŋ kɔlə kɨɨ laa vətɔ vɔ́ vənshə lùu nu dayday, vɨɨ Nwi vəmɔ́ꞌ kee yikɨɨ me. Vɨɨ mɔ́ꞌ lùu shɔ faŋ vəŋ nə fɔŋ bìŋ vənwi vədayday vɔ́. Nɨniŋ, yighee njyə faŋ vəŋ zɨ fa, tɨꞌnə me kwə kəŋ mbasə ghɔ́, ŋkə lùu tɨ́ vəŋ yaa mbasə faŋ vɨ feꞌ tɨ́ vənwi vɔ́. Ŋkə kɨ nii lùu tɨ́ vəŋ yuu vəŋ yɨ nu bwə.

1 Kɔrintian 8:9

Nu kwalə lùu laa, kɨ viŋ yɨ nu faŋ ŋkə yɨsə laa wə mɔ́ꞌ gu nu me. A kɔlə kɨ̀ɨ fɨ taa yitɔfə yə laa kaꞌ a zɨ kəŋ fazɨ kɔ́, kaa yɨsə laa vɨɨ faŋ fwisə vəŋ kee ta lùu səweꞌ me, gu maa nu kɔ́ me.