1 Kɔrintian 10:20 - Vengo (Babungo)

²⁰ Bey, ŋkə kee lùu nɨniŋ me. Nu ŋkɨə faŋ mə kəə gi, lùu laa, vɨɨ mbɨə faŋ vəŋ kee kɨ̀ɨ nə Nwi me, feꞌ ndey, buu vəŋ kɔ məfeꞌ ghɔ́ lùu tɨ́ vəzwitə vəbwəvə, vəŋ kee feꞌ lùu Nwi me. Nɨniŋ, mə kee kàw laa viŋ kɨ faynə viŋ vəzwitə vəbwəvə me.

1 Kɔrintian 10:20 ပူးပေါင်းရင်းမြစ်များ

Matiu 4:9

Tɨɨ vəzwitə vəbwəvə gi tɨ́ ŋwə laa, «A taa kɨ luu guŋnə nsi, bəŋsə mə, mə kɔ̀ vətɔ və̀ tɨ́ ghɔ vənshə.»

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

Galatia 4:8

Yighee vɨsɨ faŋ viŋ nə kee ta kɨ̀ɨ nə Nwi me, viŋ nəə feꞌ vənwi faŋ kee lùu Nwi yinsəŋ me. Viŋ nə luu yaa vəbuꞌ tɨ́ vətɔ mbɨə faŋ kee lùu mbə Nwi me.

Reveleyshən 2:14

Luu sheꞌ wee-nu faŋ ŋkə kee baw too mə me. Nu kɔ́ lùu laa, vɨɨ mɔ́ꞌ fɨ taa ŋwaa viŋ jìa nu Balaam, faŋ ŋwə nə dèesə tɨ́ Balak faŋ ŋkə bàw maa məkɔꞌsə vɨɨ Isirayl, yɨsə vəŋ yɨ nu bwə, zɨ fazɨ faŋ lùu fazɨ vəŋku vənwi, baa tii vəki.

Reveleyshən 2:20

Luu nə, nu mɔ́ꞌ shɔ faŋ ŋkə kee bàw shee me. Nu kɔ́ lùu laa a bìŋ Jezebel, wəzwi wì faŋ ŋwə gì laa yi lùu nshiiŋii-sɔghɔ, faŋ ŋwə deesə nu ki tɨ́ vɨɨ, bweꞌsə vɨɨ vaŋ, vəŋ toꞌ tii vəki, zɨ vətɔ faŋ vɨ feꞌ vənwi vədayday shɔ nə.

Reveleyshən 9:20

Betə vɨɨ faŋ kəŋ ŋɨꞌ ghɔ́ kee zwìlə vəŋ nə me, kee bee kwìinə fwisə vəŋ me, kee mèꞌtə vənu vəbwəvə vəŋ faŋ vəŋ nəə yɨsə nə ghɔ vəŋ nə me, kɨ bɨbəŋsə vəzwitə vəbwəvə nə vənwi vədayday faŋ vəŋ nə fìa fɨ maa goolə, tɨꞌnə me fɨ maa tiəŋ, tɨꞌnə me fɨ maa bwey bay, nə mbɨə faŋ vɨ nə shwə̀ fɨ maa ŋoꞌsə, nə mbɨə faŋ vɨ nə shwə̀ fɨ maa fəŋkɔꞌ. Vəŋ bəŋsə vətɔ vɔ́ faŋ mbə kɔlə kee yɨyenə me, kee zɨzɔ me, kee tɨtoꞌ me.