1 Kɔrintian 10:14 - Vengo (Babungo)

¹⁴ Vɨɨmba vaŋ faŋ mə kàw, lùu nu ŋkɨə faŋ mə naysə tɨ́ viŋ, laa kɨ viŋ kii nu maa məyɨ nə vənwi vədayday me.

1 Kɔrintian 10:14 ပူးပေါင်းရင်းမြစ်များ

Akts 15:20

Bàw nsiŋ nyɔꞌ ŋwaꞌlə tɨ́ vəŋ, nàysə tɨ́ vəŋ sheꞌ laa vəŋ shiinə yiŋwaa vəŋ, kee kɨ zɨ fa faŋ ŋkə kee lùu kəley tɨ́ Nwi me, buꞌ faŋ ŋkə ndɔ̀ fɨ yɨ vənwi vədayday me. Baa nə laa kɨ vəŋ kɨ beꞌsə nu vəki me, kee kwə̀ mbasə nyaa faŋ vɨ tɨtwiŋ me wi, buu zwi me, kee zɨ fazɨ faŋ mənshi lùu taa tey yi me.

Roma 12:19

Vaŋ-nshwi vaŋ faŋ mə kàw, kɨ viŋ ndɔꞌ ntwi tɨ́ wə me! Bàw viŋ meꞌtə, naꞌ, nsɔꞌ Nwi ŋii wə ghɔ́, sheꞌ faŋ ŋkə lùu taa ŋwaꞌlə Nwi laa, Nwi gì laa, «Məndɔꞌ ntwi lùu nu kaŋ, mə taa kɨ ndɔꞌ ntwi maa vənu faŋ vɨɨ yɨsə tɨ́ viŋ.»

1 Kɔrintian 10:15

Viŋ lùu vɨɨ yitɔfə, bàw viŋ ywiitə maa nshɨ-tɔ wiŋ laa nu ŋkɨə faŋ mə gisə feenə, lùu yinsəŋ mu.

1 Kɔrintian 10:19

Ŋkə də̀ laa kə? Ŋkə lùu laa vənwi vədayday lùu fa mu? Mbasə ŋgwə faŋ vɨ fèꞌ vənwi vɔ́ shɔ nə, lùu fa faŋ ŋkə kìi wutə mu?

1 Kɔrintian 10:7

Ŋkee fɨshi vəŋ nəə bəŋsə vənwi vədayday, faŋ vɨ nyɔ̀ꞌ taa ŋwaꞌlə Nwi laa, «Vɨɨ vɔ́ nə dùꞌ nsi, zɨ̀ fazɨ, nù muu fɨ ghɔ Nwi, kɨ nii baa ndɔ̀ ghày vəghay, bə̀ŋ vəbəŋ.» Kɨ viŋ kɨ yɨsə nɨniŋ me. Kɨ viŋ bəŋsə vənwi vədayday faŋ vəŋ nəə bəŋsə nə me.

1 Kɔrintian 5:11

Nu ŋkɨə faŋ mə kəə gì, lùu laa kɨ viŋ kɨ duꞌ shəŋ muꞌ viŋ vɨ wə faŋ ŋwə gì laa yi lùu wuu Nwi, luu nə, yɨsə vənu vəbwəvə me. Weenshu ŋwaa-nsiŋ mɔ́ꞌ lùu shɔ faŋ ŋwə tii vəki, tɨꞌnə me səsə vətɔ, tɨꞌnə me feꞌ vənwi vədayday, tɨꞌnə me ndasə vɨɨ, tɨꞌnə me nu məluꞌ ghenə, tɨꞌnə me shɨshaw, kɨ viŋ kɨ shi viŋ vɨ kəŋ vɨɨ vɔ́ shəŋ muꞌ me. Kɨ viŋ kɨ zɨnə viŋ vɨ kəŋ vɨɨ vɔ́ faŋ vəŋ yɨsə kəŋ vənu vɔ́ me.

2 Kɔrintian 11:11

Mə sii yɨ nɨniŋ buꞌ kə? Ŋkə lùu laa mə kee kàw viŋ yimu? Bey, Nwi kɔꞌ kɨɨ laa mə kàw viŋ.

2 Kɔrintian 12:15

Nɨniŋ, mə taa ŋaytə maa məbɨsə fa ŋkɨə faŋ mə kìi kənshə, nə nshɨ-tɔ ŋwaa nɨzi, maa məgaŋtə viŋ, tɨ́ kaꞌ viŋ kìi məbwey vəlwaŋ. Nə yɨ̀ laa mə kàw viŋ ŋkee dɨdɨꞌ, buu viŋ kee kàw mə yimu?

2 Kɔrintian 12:19

Shù fɨ ntaŋ kaꞌ viŋ kɨ bɨꞌtə laa mbii vənu faŋ yia gisə nə, yia kəə fi tɔ kia fɨ ghɔ viŋ. Bey, yia gisə sheꞌ faŋ Kristo kəə laa yia gi vɨsɨ Nwi. Vaŋ-nshwi vaŋ faŋ mə kàw, viŋ kɔꞌ kɨɨ laa vənu vənshə faŋ yia gisə, yia gisə sheꞌ maa məgaŋtə viŋ, laa viŋ kɨ ta maa nu Nwi.

2 Kɔrintian 6:17

Nɨniŋ, Mɔꞌmbi baa gì laa, «Viŋ fuu fɨ taa ŋwaa vɨɨ məmanə Nwi vɔ́, gaasə viŋ vɨ vəŋ, kee kɔ̀ŋ fa faŋ ŋkə kee lùu kəley me, buu mə ndɨ viŋ.

2 Kɔrintian 7:1

Vɨɨmba vaŋ, faŋ nsiŋ kìi ŋkɔꞌnə nyə̀ nee nə, bàw nsiŋ kiasə yiŋwaa fɨ maa nu bwə tɨ̀ me nu bwə, faŋ ŋkə lùu taa ŋwaa wə, tɨꞌnə me taa zwitə ki. Nsiŋ kɨ yɨ laa nshinə nyaa-nsiŋ taa mètə lèy vɨsɨ Nwi. Nsiŋ yɨ̀ nɨniŋ, fee Nwi.

Filipi 4:1

Vaŋ-nshwi vaŋ, faŋ mə kàw viŋ, baa kaw maa məye viŋ, yaa kɨ yɨ viŋ laa fwi nyaa kɨ kii məŋaytə. Viŋ lùu vəkeynə vaŋ fɨ ghɔ Nwi. Vɨɨmba vaŋ, viŋ kɨ tɨŋnə weꞌ maa nu Nwi, sheꞌ faŋ mə duꞌtə mə naysə tɨ́ viŋ nə.

Filemon 1:1

Lùu mə, Pɔɔl, wuu ŋii mfiŋ buꞌ yizii Yeso Kristo, nə weenshu ŋwaa-nsiŋ Timoti, faŋ yia tɔ̀ŋ ŋwaꞌlə ŋwə̀ tɨ́ ghɔ, Filemon, wə faŋ yia kàw. A baa lùu wuu faꞌ Yeso Kristo sheꞌ yaa yia nɨzi.

Hibru 6:9

Vaŋ-nshwi vaŋ, faŋ yia kɔlə gì nee, yia kɔꞌ kɨɨ yinsəŋ laa viŋ taa beꞌsə jɨɨ yiloomə tɨ́ kaꞌ viŋ kìi məbwey vəlwaŋ.

1 Pita 2:11

Vaŋ-nshwi vaŋ, viŋ lùu yaa vəndɔ taa mbi nyə̀. Nɨniŋ, mə tɨsə viŋ laa viŋ kɨ baŋnə vətɔ və shɨ nsi mbɨə faŋ fwi siŋ kaw, buꞌ laa vətɔ vɔ́ toꞌ maa məndisə məbwey wiŋ nshə.

1 Jɔn 5:21

Nɨniŋ, vaŋ vaŋ, viŋ kɨ shiinə yiŋwaa yiŋ fɨ ghɔ vənwi vədayday!

Reveleyshən 13:8

Vɨɨ vənshə fɨ taa mbi faŋ vɨ kee nyɔ̀ꞌ təzii təvəŋ taa ŋwaꞌlə məbwey vəlwaŋ me, bəŋsə nyaa yɔ́. Ŋwaꞌlə məbwey vəlwaŋ ghɔ́ lùu ŋgwə wee-bi-njɨɨ yɔ́, faŋ vɨ nə zwì ŋwə nə. Vɨ nə nyɔ̀ꞌ təzii tə vɨɨ vi taa ŋwaꞌlə ghɔ́ shù fɨ faŋ Nwi nə bɔ̀ŋ mbi.

Reveleyshən 2:14

Luu sheꞌ wee-nu faŋ ŋkə kee baw too mə me. Nu kɔ́ lùu laa, vɨɨ mɔ́ꞌ fɨ taa ŋwaa viŋ jìa nu Balaam, faŋ ŋwə nə dèesə tɨ́ Balak faŋ ŋkə bàw maa məkɔꞌsə vɨɨ Isirayl, yɨsə vəŋ yɨ nu bwə, zɨ fazɨ faŋ lùu fazɨ vəŋku vənwi, baa tii vəki.

Reveleyshən 21:8

Gə̀ fɨ maa vɨɨ mbɨə faŋ vəŋ nyɨŋkə, baa twey nu Kristo, nə vɨɨ məyɨ vənu vəbwəvə, nə vɨɨ məzwilə vɨɨ, nə vɨɨ mətii vəki, nə vɨɨ vəfɔ vəbwəvə, nə vɨɨ məbiŋ vənwi vədayday, nə vɨɨ təba vənshə, shəŋ vəŋ luu shəŋ ŋkɨə faŋ wisə bii fɨ fuŋ, lumə ki zwilə vɨɨ, faŋ lùu shəŋ yiku lwesə ghee bɔɔ.»

Reveleyshən 22:15

Vɨɨ mbɨə faŋ vəŋ lùu fu fɨ taa ŋkɔꞌ, lùu vɨɨ bwənə, nə vɨɨ ŋay, nə vɨɨ mətii vəki, nə vɨɨ məzwilə vɨɨ, nə vɨɨ faŋ vəŋ bəŋsə vənwi vədayday, nə vɨɨ təba, faŋ vəŋ kàw təba, baa yɨsə nu təba.»