1 Kɔrintian 10:13 - Vengo (Babungo)

¹³ Viŋ kee ta kɨɨ nə wutə məmɔŋ me. Tuu məmɔŋ kee ta jwì maa viŋ, faŋ ŋwə nə kee lùu nu wə mənsaw me. Luu nə, Nwi lùu wuu yinsəŋ. Kaꞌ Nwi kee biŋ laa məmɔŋ ŋii maa viŋ me, faŋ kaꞌ viŋ kee taa ghɔꞌ nu kɔ́ me. Faŋ məmɔŋ ŋii viŋ, buu ŋwə taa kɔ wutə tɨ́ viŋ laa viŋ tɨŋnə weꞌ, tɨ́ kɨ kaꞌ viŋ ghɔ̀ꞌ məmɔŋ ghɔ́.

1 Kɔrintian 10:13 ပူးပေါင်းရင်းမြစ်များ

Matiu 6:13

Kɨ ghɔ biŋ yia ŋii məmɔŋ maa məyɨ nu bwə me. Gaŋtə yia fɨ ghɔ vənu vəbwəvə. [Wutə məsɔꞌ vɨɨ nə wutə məyɨ vənu vənshə, nə feenə, kii sheꞌ ghɔ, tɨta Nwi. Ŋkə goꞌsə yighee muꞌ. Amen.]

Lukas 11:4

Ndenə vənu vəbwəvə faŋ yia nə yɨ̀sə nə, fɔnə yia ndenə vənu vənshə faŋ vɨɨ gù maa yia nɨzi. Kɨ ghɔ biŋ yia ŋii məmɔŋ maa məyɨ nu bwə me.»

Lukas 16:26

Nu mɔ́ꞌ baa lùu laa, ŋkee ŋkɔŋ kwalə shɔ faŋ ŋkə gaasə nsiŋ, tɨ́ kaꞌ wə kee ndɔ fɨ njɨɨ yia, gə yɨ viŋ me, wə kee ndɔ fɨ njɨɨ viŋ, dee jwì feenə me.»

Lukas 22:46

Ŋwə gi tɨ́ vəŋ laa, «Viŋ sii bwey kə? Viŋ ndɔ yizɔ, kɨ buꞌ ghɔ tɨ́ Nwi laa kɨ viŋ ŋii fɔꞌ Satan me.»

Akts 27:44

buu bətə vɨɨ taa beꞌsə, faŋ vəŋ taa jia vəway və məŋkɔꞌ nə vətɔ vəmɔ́ꞌ fɨ taa bay. Lùu faŋ yia nə gə zìꞌ mbɔꞌ-bia vənshə nə.

1 Kɔrintian 1:9

Nwi lùu wuu yinsəŋ. Nə shòꞌ nshɨ-tɔ Nwi shòꞌ viŋ laa viŋ jwi fàynə gù fa kəmuꞌ, viŋ vɨ ŋwiŋ wi Yeso Kristo, faŋ lùu Tɨta ŋwaa-nsiŋ nə.

2 Kɔrintian 1:10

Ŋwə kɨ nii fùusə yia fɨ shuu yiku yɔ́. Yia tə sɨ maa ŋwə laa ŋwə kɨ fuusə yia fɨ shuu yiku.

1 Tesalonika 5:24

Nwi, faŋ ŋwə tìi viŋ nə, lùu wuu yinsəŋ. Ŋwə ndɔ baa yɨ nu kɔ́.

2 Tesalonika 3:3

Luu nə, tɨta Kristo lùu wuu yinsəŋ, kwaŋ wutə maa viŋ, shìinə viŋ fɨ ghɔ tɨɨ vəzwitə vəbwəvə.

2 Timoti 4:18

Tɨta Yeso Kristo ndɔ baa kɨ fuusə mə fɨ taa vənu vəbwəvə vənshə faŋ vɨ kəə yɨsə maa mə, bwèysə mə, nùŋ mə maa nu yifwàŋ ki yizɔ. Bàw nsiŋ kɨ bəŋsə ŋwə ghee nshə, kee shia ki me. Ŋkə goꞌsə nɨniŋ.

Hibru 10:23

Bàw nsiŋ tɨŋnə weꞌ, kɨ kɨꞌ məbwey vəlwaŋ, faŋ nsiŋ tə̀ sɨ shɔ nə. Bàw nsiŋ baa bìŋ vənu vɔ́ ntee, buꞌ laa Nwi, faŋ ŋwə nə kɔ̀ꞌnə nu kɔ́ tɨ́ nsiŋ nə, luu wuu yinsəŋ.

Hibru 11:11

Sheꞌ nɨniŋ, zu wi Sara nə nùŋ fwi yi maa Nwi, buu Nwi kɔ wutə tɨ́ ŋwə laa ŋwə gɔ wee, bì wee, faŋ ŋwə nə shɔ̀ɔ maa məbi wee. Ŋkə nə gày buꞌ laa ŋwə nə nùŋ fwi yi maa Nwi laa Nwi tɨŋnə, wèꞌ maa nu faŋ Nwi kɔ̀ꞌnə.

Hibru 12:4

Yighaw njyə faŋ viŋ vɨ nu bwə tuŋ, nyə kee ta ziꞌ maa nu fənshi me.

Hibru 6:18

Nɨniŋ nə, Nwi də̀ maa jɨɨsə səbɔɔ laa ŋkɔꞌnə yi lùu yinsəŋ. Kaꞌ Nwi kee sɨ̀ɨ ba shɔ me. Ŋkɔꞌnə Nwi yɔ́ nə məlɨꞌtə ghɔ́ kɔ̀ wutə tɨ́ nsiŋ, tɨ́ kaꞌ nsiŋ jìa fwi nɨzi, kɨ tə sɨ maa nu ŋkɨə faŋ Nwi kɔ̀ꞌnə tɨ́ nsiŋ nə.

1 Pita 4:19

Nɨniŋ, bàw laa vɨɨ mbɨə faŋ vəŋ ye ŋɨꞌ, faŋ Nwi gì nə, nuŋ fwisə vəŋ maa Mboo vəŋ yijəə, kɨ yɨsə sheꞌ vənu vəjəəvə.

2 Pita 2:9

Vənu vəmwavə vɔ́ də̀ tɨ́ nsiŋ laa, Nwi kɔꞌ kɨɨ nə jɨɨ faŋ kaꞌ ŋwə bwèysə vɨɨ vi fɨ ghɔ məmɔŋ nə vənu vəbwəvə, baa kɨɨ nə jɨɨ faŋ ŋwə ndɔ kwaŋ vɨɨ məyɨ vənu vəbwəvə taa ŋɨꞌ, maa shi nsɔꞌ Nwi.

1 Jɔn 1:9

Nsiŋ kɨ luu bìŋ nu bwə kaŋ-nsiŋ, buu Nwi taa kɨ ndenə nu bwə kaŋ-nsiŋ, baa sɔ̀ vənu vəbwəvə fɨ maa nsiŋ, buꞌ laa Nwi lùu wuu yinsəŋ, yɨsə sheꞌ vənu vəloomə.

Reveleyshən 19:11

Mə kɨ nii yè yizɔ ŋaꞌnə, baa yè nyaa-yikoꞌ yifusə shɔ, nə wə mɔ́ꞌ fuu yi. Yizii wə ghɔ́ faŋ ŋwə nə kòꞌ fuu nyaa yɔ́ nə, lùu «Yinsəŋ». Ŋwə sɔꞌ nsɔꞌsə vɨɨ səloomə, ndɔ tùŋ yighaw yiloomə.

Reveleyshən 2:10

Kɨ fee ŋɨꞌ njyə faŋ a taa ye nə me. Tɨɨ vəzwitə vəbwəvə Satan taa kwaŋ fɨ maa viŋ taa ŋii mfiŋ, laa vɨ mɔŋ viŋ. Viŋ taa kɨ ye ŋɨꞌ maa vəshi yighuŋ. Viŋ kii fwi yiweꞌ, twèꞌ maa nu Kristo, zìꞌ tɨ́ yiku, buu ŋwə ndɔ key viŋ nə məbwey vəlwaŋ.»

Reveleyshən 3:10

Mə yɨsə nɨniŋ buꞌ laa a jìa nu kaŋ faŋ ŋkə kɔ wutə tɨ́ ghɔ maa məjia fwi yə taa ŋɨꞌ. Nɨniŋ, mə ndɔ gaŋtə ghɔ nɨzi maa yighee njyə faŋ nu məbweꞌsə vɨɨ ndɔ fuu taa mbi yinshə maa məmɔŋ vɨɨ vənshə.