1 Kɔrintian 10:11 - Vengo (Babungo)

¹¹ Vənu mbɨə faŋ mbə nə gày maa vɨɨ vɔ́ yighee vɨsɨ nə, lùu shwenə tɨ́ vɨɨ laa vəŋ kɨ tɔfə. Vɨ nə nyɔ̀ꞌ taa ŋwaꞌlə maa məyɨ laa nsiŋ kɨ̀ɨ fɨ ntaŋ, faŋ nsiŋ shì maa yighee nyə̀ faŋ vəndwə və mbi lùu nshənə.

1 Kɔrintian 10:11 ပူးပေါင်းရင်းမြစ်များ

Matiu 13:39

Wuu mbeenə ghɔ́ faŋ ŋwə nə mɔ̀ꞌ ŋwa ghɔ́ nə, luu tɨɨ vəzwitə vəbwəvə. Yighee njyə faŋ say ghɔ́ ndɔ ta yɔŋ nə, lùu yighee vəndwə və mbi. Vɨɨ məbaytə say ghɔ́ lùu nshiisə-ŋiisə Nwi.

Matiu 13:40

Sheꞌ faŋ vɨɨ faꞌ vɔ́ nə bàytə ŋwa twàŋ, vɨ ndɔ yɨsə maa vɨɨ bwənə maa shi vəndwə və mbi.

Roma 13:11

Bàw viŋ kɨ yɨsə nɨniŋ, baa kɨɨ laa ndwə lùu yighee maa məyenə fɨ mbweysə. Yighee njyə faŋ nsiŋ ndɔ zɨ məbwey vəlwaŋ lùu nshənə, kee baa lùu ntaŋ me, yuu nyə nə lùu faŋ nsiŋ nə fɔŋ nùŋ fwi saŋ-nsiŋ maa Kristo me.

Roma 13:12

Fu vətuꞌ bəə, fu kəə lee. Nɨniŋ, nsiŋ meꞌtə vənu mbɨə faŋ vɨɨ yɨsə taa mfiŋsə, shùŋ luu vətɔ və yighaw və məley maa nsiŋ.

Roma 15:4

Nɨniŋ, vənu vənshə faŋ vɨɨ ywaŋ-vɨsɨ nə nyɔ̀ꞌ nə, vəŋ nə ŋwàꞌlə laa nsiŋ kɨ zwetə fɨ fuŋ. Baa nə laa nsiŋ kɨ jiatə yiŋwaa nyaa-nsiŋ, baa zwisə fwi saŋ-nsiŋ nɨzi, kɨꞌ məbwey vəlwaŋ fɨ ghɔ Nwi.

Roma 4:23

Yigi yɔ́ laa Nwi nə ndi ŋwə yaa wuu loomə nə, nə kee luu sheꞌ tɨ́ ŋwə nɨnɔŋ me.

1 Kɔrintian 10:6

Vənu və ywaŋ-vɨsɨ vɔ́, lùu vəshwenə tɨ́ nsiŋ laa, kɨ nsiŋ kɨ kwaŋ fwi maa vənu vəbwəvə me, faŋ vətɨɨ via nəə yɨsə ywaŋ-vɨsɨ nə.

1 Kɔrintian 7:29

Vaŋ-nshwi vaŋ, viŋ zɔ nu ŋkɨə faŋ mə naysə tɨ́ viŋ! Yighee njyə faŋ Nwi kɔ̀ tɨ́ nsiŋ lùu yituŋsə. Lùu vəshi vəshə ndwə. Nɨniŋ, bàw vɨɨ mbɨə faŋ vəŋ ndàa vəki, kee shoꞌ fwi vəŋ, nùŋ maa vəki vɔ́ me, kɨ shi yaa vɨɨ faŋ vəŋ kee ndàa vəki me.

1 Kɔrintian 9:10

Bey, Nwi nə gì yigi yɔ́ buꞌ nsiŋ. Maa vɨ baa nyɔ̀ꞌ buꞌ nsiŋ laa, «Wə faŋ ŋwə jìa soo, fàꞌ taa biisə, baa nə wuu məshwi, yaa kɨ faꞌ, tə sɨ laa vɨ taa kɔ vəŋ fɨ maa vətɔ mbɨə faŋ mbə fuu fɨ taa biisə yɔ́.»

Galatia 4:24

Lùu yigisə tii nə, vəki vɔ́ vəbɔɔ, faŋ nə luu Hagar ghɔ Sara, lùu məkee məmbɔɔ faŋ Nwi nə gwìa. Hagar, wəzwi buꞌ wì, lùu shwenə məkee mbɨə faŋ Nwi nə gwìa tɨ́ Mose fuu baŋ Sinai. Kɨ lumə laa vaŋ wəzwi buꞌ ghɔ́, vɨ bi vəŋ yaa vəbuꞌ. Sheꞌ nee, vɨɨ lùu vəbuꞌ tɨ́ ntɨsə nsɨə faŋ Mose nə kɔ̀ tɨ́ vɨɨ Jus fuu baŋ Sinai.

Filipi 4:5

Viŋ kɨ yɨsə vənu maa jɨɨ yijəə, tɨ́ kaꞌ vɨɨ vənshə taa ye laa viŋ lùu vɨɨ bwaŋnə. Viŋ kɨ lumə laa tɨta Yeso luu nshənə.

Hibru 10:25

Kɨ nsiŋ goꞌ fɨ maa nshəŋtə nyaa-nsiŋ me, faŋ vɨɨ mɔ́ꞌ yaa kɨ goꞌ nə. Nsiŋ bee kɨ kii kwaŋ wutə maa yiŋwaa nyaa-nsiŋ, nsiŋ nsiŋ, ŋkee maa yighee njyə faŋ nsiŋ kɔꞌ kɨɨ laa shi ŋkɨə faŋ Tɨta ŋwaa-nsiŋ ndɔ bəŋ jwi shɔ nə, lùu nshənə.

Hibru 10:37

Vɨ nyɔ̀ꞌ taa ŋwaꞌlə Nwi laa, «Fɨkɨꞌ nee, wə ntɨə faŋ ŋwə taa jwi nə, ŋwə taa jwi ziꞌ, ŋwə kee taa betə me,»

1 Jɔn 2:18

Vaŋ vaŋ, yighee shə kùꞌ. Maa viŋ nə zɔ̀ laa wuu mbeenə Kristo ndɔ jwi. Nɨniŋ, vɨɨ mbeenə Kristo duꞌtə vəŋ fuu vəyaŋ ndwə. Nɨniŋ, nsiŋ kɔꞌ kɨɨ laa lùu yighee shə.