1 Kɔrintian 1:9 - Vengo (Babungo)

⁹ Nwi lùu wuu yinsəŋ. Nə shòꞌ nshɨ-tɔ Nwi shòꞌ viŋ laa viŋ jwi fàynə gù fa kəmuꞌ, viŋ vɨ ŋwiŋ wi Yeso Kristo, faŋ lùu Tɨta ŋwaa-nsiŋ nə.

1 Kɔrintian 1:9 ပူးပေါင်းရင်းမြစ်များ

Matiu 24:35

Yizɔ ghɔ nsi ndɔ me, luu nə, yigisə nyaa kee mè me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:21

Nɨniŋ laa vəŋ vənshə luu nə fa kəmuꞌ, sheꞌ faŋ nsoo, tɨta, lùu fa kəmuꞌ. Mbɨꞌtə yə luu mbɨꞌtə nyaa, mbɨꞌtə nyaa luu mbɨꞌtə yə. Nɨniŋ, nsiŋ vɨ vəŋ ndɔ luu nə fa kəmuꞌ nɨzi, tɨ́ kaꞌ mbi biŋ, baa kɨɨ laa nə tɔ̀ŋ ghɔ tɔ̀ŋ mə.

Roma 11:17

Nɨniŋ, Nwi shètə təntaŋ tə tɨ tɔ́, ndì təntaŋ tədaytə, də̀ələ shɔ. Viŋ lùu yaa təntaŋ tədaytə tɔ́, buꞌ faŋ viŋ lùu vɨɨ tətɔŋ fu faŋ vəŋ nə kee kɨɨ nə Nwi me. Viŋ zɨnə viŋ vɨ vɨɨ Jus ndwə, nu fɨ maa muu məjəəmə mbɨə faŋ mbə kòꞌ fɨ taa təghay tə tɨ kɔ́ nə.

Roma 8:28

Nsiŋ kɔꞌ kɨɨ laa vənu vənshə ndɔ kɨ fuu vəjəə tɨ́ vɨɨ mbɨə faŋ vəŋ kaw Nwi, faŋ Nwi tìi maa njii ŋkitə.

Roma 8:30

Vɨɨ mbɨə faŋ ŋwə nə nùŋsə vəŋ nɨniŋ fɨshi nə, ŋwə kɨ nii tìi vəŋ nɨzi, laa vəŋ gù vɨɨ vi. Vɨɨ mbɨə faŋ ŋwə tìi vəŋ nɨniŋ nə, ŋwə kìasə nu vəŋ, ŋkə loomə. Vɨɨ mbɨə faŋ ŋwə kiasə nu vəŋ, ŋkə loomə nə, ŋwə yɨ̀sə vəŋ baw shɨlə.

Roma 9:24

Nwi tii nsiŋ laa lùu vɨɨ vi, kee tii nsiŋ sheꞌ fɨ taa ŋwaa vɨɨ Jus me, tìi vəmɔ́ꞌ fɨ taa ŋwaa vɨɨ tɔmə day faŋ kee lùu vɨɨ Jus me.

1 Kɔrintian 1:30

Luu buꞌ Nwi, faŋ viŋ gù fa kəmuꞌ viŋ vɨ Yeso Kristo. Nə yɨsə Nwi laa nu Kristo gu nu tɔ-ley tɨ́ nsiŋ. Luu sheꞌ buꞌ Yeso faŋ Nwi ndɨ̀ nsiŋ yaa vɨɨ faŋ vənu vəvəŋ lùu vəloomə. Yɨsə ŋwə buu nsiŋ lùu vɨɨ ley Nwi. Ŋwə bweysə nsiŋ fɨ ghɔ vənu vəbwəvə.

1 Kɔrintian 10:13

Viŋ kee ta kɨɨ nə wutə məmɔŋ me. Tuu məmɔŋ kee ta jwì maa viŋ, faŋ ŋwə nə kee lùu nu wə mənsaw me. Luu nə, Nwi lùu wuu yinsəŋ. Kaꞌ Nwi kee biŋ laa məmɔŋ ŋii maa viŋ me, faŋ kaꞌ viŋ kee taa ghɔꞌ nu kɔ́ me. Faŋ məmɔŋ ŋii viŋ, buu ŋwə taa kɔ wutə tɨ́ viŋ laa viŋ tɨŋnə weꞌ, tɨ́ kɨ kaꞌ viŋ ghɔ̀ꞌ məmɔŋ ghɔ́.

1 Kɔrintian 10:16

Maa yighee njyə faŋ nsiŋ yaa kɨ zɨ fazɨ Mbɔŋ, nsiŋ yaa kɨ bwaŋ Nwi maa ndaw məluꞌ. Faŋ nsiŋ nu məluꞌ mbɔ́, nsiŋ vɨ Yeso Kristo faynə gù fa kəmuꞌ taa mənshi ŋwə. Faŋ nsiŋ bɨ̀ꞌ bee zɨ, nsiŋ faynə nsiŋ vɨ ŋwaa Kristo.

2 Kɔrintian 1:18

Bey, ŋkee maa yinsəŋ Nwi, yigisə yia tɨ́ viŋ kee lùu ɔŋ nə bey me.

Galatia 1:15

Luu nə, Nwi nə shòꞌ mə, buu vɨ ndɔ kɨ dùꞌ bì mə. Nwi tii mə fɨ taa gəŋsə Nwi, laa mə beꞌsə ŋwə.

Galatia 2:20

Nɨniŋ, kaꞌ mə gì laa vɨ nə bèy yia ŋwə mɔ́ꞌ. Mə kɨ luu bwèy, məbwey ŋwaa kee baa lùu ŋwaanə me; məbwey ŋwaa lùu ŋgwə Yeso Kristo faŋ ŋwə lùu taa ŋwaa mə. Məbwey ŋgwə faŋ mə kìi ŋwə taa mbi nyə̀ ndwə nə, mə shi buꞌ laa mə nùŋsə fwi nyaa maa Kristo, Wee Nwi, faŋ ŋwə kaw mə, ndìsə məbwey wi buꞌ mə nə.

Efesɔs 3:6

Ŋiꞌ nu kɔ́ lùu laa, vɨɨ mbɨə faŋ vɨ nə kee bì vəŋ yaa vɨɨ Jus me, lùu vɨɨ məzɨ vətɔ və Nwi nɨzi, baa lùu way ŋwaa vɨɨ Nwi, ndɔ zɨ məbwey vəlwaŋ nɨzi, faŋ Nwi nə kɔ̀ꞌnə maa məkɔ tɨ́ vɨɨ nə. Lùu nɨniŋ buꞌ Yeso Kristo, faŋ vəŋ bìŋ ntɔŋ yijəə yi nə.

Kɔlɔsii 1:24

Fwi nyaa lùu nə məŋaytə faŋ mə kɔlə ye ŋɨꞌ ndwə nə. Ŋɨꞌ njyə faŋ mə ye nə, mə ye buꞌ viŋ. Nyə kuꞌsə maa ŋɨꞌ njyə faŋ Kristo nə ye maa yighee vɨsɨ nə. Faŋ mə ye ŋɨꞌ taa ŋwaa mə nə, mə ye buꞌ ŋwaa Yeso Kristo, faŋ luu nshəŋtə vɨɨ Kristo nə, laa mə kɨ metə faꞌ Kristo shɔ.

1 Tesalonika 2:12

Yia nəə bwasə fwi siŋ, kwàŋ wutə maa viŋ, kɨ tɨsə viŋ maa məshi nshinə njyə faŋ nyə kùꞌnə tɨ́ Nwi, faŋ ŋwə tìi viŋ taa nu yifwàŋ ki, faŋ ŋkə bàw yaa ŋwə.

2 Tesalonika 2:14

Ŋwə nə tìi viŋ faŋ yia nə fɨ̀ꞌtə ntɔŋ yijəə Nwi tɨ́ viŋ nə, laa viŋ ndɔ kii feenə yaa tɨta ŋwaa-nsiŋ Yeso Kristo kìi feenə nə.

2 Tesalonika 3:3

Luu nə, tɨta Kristo lùu wuu yinsəŋ, kwaŋ wutə maa viŋ, shìinə viŋ fɨ ghɔ tɨɨ vəzwitə vəbwəvə.

2 Timoti 1:9

Ŋwə nə bwèysə nsiŋ, shoꞌ nsiŋ maa vɨɨ ley vi, kee kɨ tii nsiŋ buꞌ vənu vəjəəvə vaŋ-nsiŋ me. Ŋwə nə tìi nsiŋ luu buꞌ faŋ nshɨ-tɔ wi nə kɔ̀ꞌnə taa fwi ŋwə shù fɨ maa vənzi və mbi, laa ŋwə ndɔ kee gəŋ saŋ-nsiŋ, faŋ ŋwə ndɔ tɔŋ Yeso Kristo tɨ́ nsiŋ nə.

2 Timoti 2:13

Nsiŋ kɔlə kɨ luu kee bìisə ghuu maa nu ki me, buu ŋwə kɨ bii wuu yinsəŋ; kaꞌ ŋwə kee twèy nu ki me.»

Taytəs 1:2

Mə faꞌ faꞌ ghɔ́ buꞌ laa mə kɨꞌ məbwey vəlwaŋ faŋ ŋwə gòꞌsə yighee muꞌ. Nshɨ-tɔ Nwi faŋ ŋwə kee yaa kɨ sɨɨ ba me, nə kɔ̀ꞌnə shù fɨshi maa məndɔ kɔ məbwey vəlwaŋ ghɔ́ tɨ́ vɨɨ.

Hibru 10:23

Bàw nsiŋ tɨŋnə weꞌ, kɨ kɨꞌ məbwey vəlwaŋ, faŋ nsiŋ tə̀ sɨ shɔ nə. Bàw nsiŋ baa bìŋ vənu vɔ́ ntee, buꞌ laa Nwi, faŋ ŋwə nə kɔ̀ꞌnə nu kɔ́ tɨ́ nsiŋ nə, luu wuu yinsəŋ.

Hibru 11:11

Sheꞌ nɨniŋ, zu wi Sara nə nùŋ fwi yi maa Nwi, buu Nwi kɔ wutə tɨ́ ŋwə laa ŋwə gɔ wee, bì wee, faŋ ŋwə nə shɔ̀ɔ maa məbi wee. Ŋkə nə gày buꞌ laa ŋwə nə nùŋ fwi yi maa Nwi laa Nwi tɨŋnə, wèꞌ maa nu faŋ Nwi kɔ̀ꞌnə.

Hibru 2:17

Ŋwə nə gù yaa vaŋ-nshwi vi maa jɨɨsə sənshə, tɨ́ kaꞌ ŋwə kèe gəŋsə vəŋ, gù yaa wuu kwalə məfeꞌ Nwi, faŋ ŋwə faꞌ tɨ́ Nwi nə fwi yimuꞌ, laa ŋwə sɔ yibɨsə vɨɨ faŋ vəŋ nə yɨ̀sə nə.

Hibru 3:1

Nɨniŋ, vaŋ-nshwi vaŋ faŋ viŋ lèy tɨ́ Nwi nə, faŋ Nwi nə tìi viŋ laa viŋ jwi gù vɨɨ vi nə, viŋ tə sɨ maa Yeso faŋ lùu wuu ntɔŋ Nwi, baa lùu wuu kwalə məfeꞌ Nwi, faŋ nsiŋ bìŋ nu ki nə.

Hibru 3:14

Viŋ kɨ lumə laa nsiŋ lùu nə fa kəmuꞌ, nsiŋ vɨ Kristo, faŋ nsiŋ taa kɨ nuŋsə vənu mbɨə faŋ nsiŋ nə bìŋ yighee vɨsɨ nə, gə kɔ maa vəndwə.

Hibru 6:18

Nɨniŋ nə, Nwi də̀ maa jɨɨsə səbɔɔ laa ŋkɔꞌnə yi lùu yinsəŋ. Kaꞌ Nwi kee sɨ̀ɨ ba shɔ me. Ŋkɔꞌnə Nwi yɔ́ nə məlɨꞌtə ghɔ́ kɔ̀ wutə tɨ́ nsiŋ, tɨ́ kaꞌ nsiŋ jìa fwi nɨzi, kɨ tə sɨ maa nu ŋkɨə faŋ Nwi kɔ̀ꞌnə tɨ́ nsiŋ nə.

1 Pita 5:10

Nshɨ-tɔ Nwi ndɔ naysə viŋ fɨ maa ŋɨꞌ faŋ viŋ yè maa wee-fɨ-kuŋtə yighee, bɔ̀ŋsə viŋ, kwàŋ wutə maa viŋ, viŋ duꞌ, kee baa nə̀ꞌnə me. Ŋwə lùu wuu məgaŋtə wiŋ nə vənu vənshə, faŋ ŋwə shòꞌ viŋ buꞌ Kristo, viŋ ndɔ baw shɨlə yaa ŋwə, gòꞌsə yighee muꞌ.

1 Jɔn 1:3

Nu ŋkɨə faŋ yia yè baa zɔ, yia baa luu fɨꞌtə tɨ́ viŋ, tɨ́ kɨ kaꞌ nsiŋ faynə luu fa kəmuꞌ, nsiŋ vɨ tɨta Nwi baa nə ŋwiŋ wi Yeso Kristo.

1 Jɔn 1:7

Kɨ luu laa nsiŋ toꞌ yitoꞌ nyaa-nsiŋ fɨ taa shɨshwi ley, faŋ nshɨ-tɔ Nwi lùu taa shɨshwi ley nə, buu nsiŋ lùu fa kəmuꞌ, nsiŋ nsiŋ. Mənshi mə ŋwiŋ wi Yeso Kristo sɔ̀ yibɨsə nyaa-nsiŋ fɨ maa nsiŋ yinshə, faŋ ŋwə nə kù tɔ nsiŋ nə.

1 Jɔn 4:13

Nu ŋkɨə faŋ kaꞌ nsiŋ kɨ̀ɨ fɨ fuŋ laa nsiŋ lùu fa kəmuꞌ nsiŋ vɨ Nwi, baa nə laa nshɨ-tɔ Nwi gòꞌsə taa fwisə nsiŋ nɨzi, lùu faŋ ŋwə kɔ̀ Zwitə Ley ki tɨ́ nsiŋ.

Reveleyshən 19:11

Mə kɨ nii yè yizɔ ŋaꞌnə, baa yè nyaa-yikoꞌ yifusə shɔ, nə wə mɔ́ꞌ fuu yi. Yizii wə ghɔ́ faŋ ŋwə nə kòꞌ fuu nyaa yɔ́ nə, lùu «Yinsəŋ». Ŋwə sɔꞌ nsɔꞌsə vɨɨ səloomə, ndɔ tùŋ yighaw yiloomə.