1 Kɔrintian 1:8 - Vengo (Babungo)

⁸ Nshɨ-tɔ Yeso Kristo ndɔ yɨ viŋ weꞌ maa nu ki, gə̀ zìꞌ tɨ́ yighee vəndwə, tɨ́ kaꞌ tuu wee-ndoꞌ kee ndɔ luu maa viŋ maa shi ŋkɨə faŋ tɨta Yeso Kristo ndɔ bəŋ jwi taa mbi me.

1 Kɔrintian 1:8 ပူးပေါင်းရင်းမြစ်များ

Lukas 17:24

Shi ŋkɨə faŋ Wuu yinsəŋ Nwi ndɔ bəŋ jwi shɔ, ŋkə ndɔ luu sheꞌ yaa yibay faŋ nyə ndwaꞌlə fɨ yizɔ, bee shù fɨ kwiŋ nyə̀, gə ziꞌ kwiŋ yì.

Lukas 17:30

Ŋkə ndɔ luu sheꞌ nɨniŋ maa shi ŋkɨə faŋ Wuu yinsəŋ Nwi ndɔ baa fuu ntee.

Roma 14:4

A sii lùu ndə, tɨ́ kaꞌ a kɨ sɔꞌ wuu faꞌ wə dɨday? Luu sheꞌ tɨɨ faꞌ wi faŋ kaꞌ ŋwə gì laa ŋwə faꞌ jəə, tɨꞌnə me bwə. Luu nə, mə kɨɨ laa nu ki taa kuꞌnə, ŋwə kee gù me, buꞌ laa tɨta wi kìi wutə maa məbɨŋsə ŋwə.

Roma 16:25

Nsiŋ kɨ bəŋsə Nwi faŋ kaꞌ ŋwə kwàŋ wutə maa viŋ, viŋ weꞌ maa nu Yeso Kristo faŋ lùu ŋiꞌ ntɔŋ yijəə Nwi faŋ mə fɨꞌtə tɨ́ vɨɨ nə. Nyə nə ndènə shù fɨshi,

Roma 8:19

Vətɔ fɨ taa mbi vənshə faŋ Nwi nə nàysə, mbə kɨꞌ yighee njyə faŋ vaŋ Nwi ndɔ fuu ntee nə yikwalə Nwi nə.

1 Kɔrintian 3:13

Shi mɔ́ꞌ vɨ ndɔ ye faꞌ wə tɨ̀ me wə ntee, laa ŋwə lùu kɨkə. Ndɔ lùu maa shi kɔ́, Nwi ndɔ ndi luu wisə maa məmɔŋ vəfaꞌ və vɨɨ shɔ, tɨ́ kaꞌ wə yè faꞌ ghɔ́ ley ley, faŋ wə tɨ̀ me wə fàꞌ nə, laa ŋwə lùu jəə mu, mu ŋwə kee lùu jəə me.

1 Kɔrintian 5:5

mèꞌtə wə ghɔ́ tɨ́ tɨɨ vəzwitə vəbwəvə laa ŋwə ndisə ŋwaa wə ghɔ́. Nɨniŋ, kaꞌ zwitə ki ndɔ bwey maa shi ŋkɨə faŋ tɨta Yeso ndɔ bəŋ jwi, kɨ sɔꞌ mbi nə.

2 Kɔrintian 1:13

Yia kee nyɔ̀ꞌ luu nu day tɨ́ viŋ me. Yia nyɔ̀ꞌ sheꞌ nu ŋkɨə faŋ viŋ tìi, kɨ̀ɨ nə ŋiꞌ ki nə. Mə nùŋ fwi nyaa maa viŋ laa viŋ ndɔ kɨɨ nə ŋiꞌ nu kɔ́ mètə,

2 Kɔrintian 1:14

sheꞌ faŋ viŋ duꞌtə viŋ jia way nu kia nə, laa viŋ ndɔ kɨ ŋaytə, bəŋsə Nwi buꞌ yia, yia kɨ ŋaytə, bəŋsə Nwi buꞌ viŋ, maa shi ŋkɨə faŋ tɨta Yeso ndɔ bəŋ jwi.

2 Kɔrintian 1:21

Luu nə, lùu nshɨ-tɔ Nwi faŋ ŋwə yɨ laa nsiŋ faynə, gù fa kəmuꞌ, nsiŋ vɨ Kristo, weꞌ shɔ. Ŋwə baa yòꞌ nsiŋ maa faꞌ Nwi,

Efesɔs 5:27

Nɨniŋ, ŋwə nuŋsə nwaa vɨɨ Nwi laa vəŋ baw tɨ́ ŋwə, laa tuu nu bwə, tɨꞌnə me tuu wee-ndoꞌ kee lùu maa vəŋ me, laa vəŋ luu ŋkee vɨɨ ley vɨsɨ Nwi.

Filipi 1:10

Mə shɔꞌtə Nwi tɔ viŋ nɨniŋ, tɨ́ kaꞌ viŋ shòꞌ nu ŋkɨə faŋ luu nu jəə fɨ maa vənu vənshə. Nɨniŋ, viŋ ndɔ luu ŋkee vɨɨ ley faŋ vənu vəvəŋ lùu vəloomə maa shi ŋkɨə faŋ Kristo ndɔ baa bəŋ jwi taa mbi nə.

Filipi 1:6

Mə kɔꞌ kɨɨ ŋkee maa yinsəŋ laa Nwi, faŋ ŋwə duꞌtə ŋwə tey kɨ faꞌ faꞌ wi taa fwisə viŋ, ndɔ kɨ faꞌ taa fwisə viŋ, gə kɔ tɨ́ shi ŋkɨə faŋ Yeso Kristo ndɔ bəŋ jwi.

Kɔlɔsii 1:22

Luu ndwə, Yeso Kristo yɨ̀sə laa viŋ faynə tɔ kiŋ, viŋ vɨ Nwi, buꞌ faŋ ŋwə nə jwi mbi gù wə, kù tɔ viŋ. Ŋwə yɨ nɨniŋ laa ŋwə ndi viŋ, jwi nə viŋ vɨsɨ Nwi, tɨ́ viŋ kii fwisə leysə buꞌ yiku yi yɔ́, tuu wee-ndoꞌ kee baa lùu maa viŋ me. Kaꞌ viŋ kee baa ŋìi taa nsɔꞌ Nwi me,

Kɔlɔsii 2:7

Viŋ goꞌ viŋ ŋwə ghee nshə, gə nə vɨsɨ vɨsɨ, kɔꞌ bɨbiŋ ŋwə, wèꞌ shɔ, sheꞌ faŋ vɨ nə dèesə viŋ nə. Viŋ kɨ bwaŋ ŋwə ghee nshə nə məŋaytə.

1 Tesalonika 3:13

Tɨta ŋwaa-nsiŋ Yeso kɨ yɨsə nɨniŋ, kwàŋ wutə taa fwisə viŋ, laa yighee njyə faŋ ŋwə ndɔ bəŋ jwi ghɔ vɨ vɨɨ vi vənshə, faŋ vəŋ lùu vɨɨ ley vɨsɨ Nwi nə, viŋ baw shɨlə yikəꞌ Nwi, tɨta ŋwaa-nsiŋ.

1 Tesalonika 5:2

Nshɨ-tɔ wiŋ kɔꞌ kɨɨ ŋkee jəə laa, shi məjwi tɨta Kristo ndɔ luu yaa ndɔꞌ, faŋ ŋwə yaa kɨ jwi nɨntəŋ vətuꞌ, faŋ wə kee yikɨɨ me.

2 Tesalonika 2:2

viŋ kɨ duꞌ, wə kee bùulə fwi siŋ me. Kɨ fwi siŋ ghaysə viŋ me! Shi kɔ́ faŋ tɨta Yeso ndɔ baa bəŋ jwi nə, kee ta yikuꞌnə me. Wə kɔlə jwi gi tɨ́ viŋ laa Zwitə Nwi twèlə nu kɔ́ tɨ́ yi, tɨꞌnə me laa gì yia tɨ́ yi, tɨꞌnə me laa nyɔ̀ꞌ yia nɨniŋ, laa shi kɔ́ kùꞌnə, kɨ fwi siŋ ghaysə viŋ shɔ me!

2 Tesalonika 3:3

Luu nə, tɨta Kristo lùu wuu yinsəŋ, kwaŋ wutə maa viŋ, shìinə viŋ fɨ ghɔ tɨɨ vəzwitə vəbwəvə.

2 Timoti 1:12

Lùu ŋiꞌ nu ŋkɨə faŋ mə ye ŋɨꞌ shɔ ndwə nə. Luu nə, tɔ kaŋ kee dɨdɨɨ me, buꞌ laa mə kɔꞌ kɨɨ nə wə ntɨə faŋ mə nùŋ fwi nyaa maa ŋwə nə, baa kɨ̀ɨ yinsəŋ laa wutə ki kùꞌnə maa məshiinə nu ŋkɨə faŋ Nwi nə nùŋsə shee, gə ziꞌ maa shi ŋkɨə faŋ ŋwə ndɔ kɔ tɨ́ mə.

2 Timoti 1:18

Bàw tɨta Yeso yɨsə tɨta Nwi kee gəŋ si maa shi vəndwə və mbi. Nshɨ-tɔ wə kɔꞌ kɨɨ nə vəfaꞌ vəkwalə mbɨə faŋ ŋwə nə gàŋtə nsiŋ shɨ Efesɔs.

1 Pita 5:10

Nshɨ-tɔ Nwi ndɔ naysə viŋ fɨ maa ŋɨꞌ faŋ viŋ yè maa wee-fɨ-kuŋtə yighee, bɔ̀ŋsə viŋ, kwàŋ wutə maa viŋ, viŋ duꞌ, kee baa nə̀ꞌnə me. Ŋwə lùu wuu məgaŋtə wiŋ nə vənu vənshə, faŋ ŋwə shòꞌ viŋ buꞌ Kristo, viŋ ndɔ baw shɨlə yaa ŋwə, gòꞌsə yighee muꞌ.

2 Pita 3:10

Viŋ kɔꞌ kɨɨ laa, yighee ndɔ kɨ kuꞌ, faŋ tɨta Yeso ndɔ bəŋ jwì, ŋwə ndɔ gwəkə jwi yaa ndɔꞌ, faŋ ndɔꞌ yaa kɨ jwi faŋ vɨɨ kee yikɨɨ me. Maa yighee yɔ́, vɨ ndɔ zɔ gɨ yikwalə yimɔ́ꞌ laa «kwaŋ», yizɔ kee baa lùu shɔ me. Vətɔ fɨ yizɔ nə fɨ nsi yey taa wi vənshə, mè laylay. Nsi nɨzi, ghɔ vətɔ vənshə faŋ mbə lùu shɔ, me vənshə.

2 Pita 3:14

Nɨniŋ, vɨɨmba vaŋ faŋ mə kàw, viŋ kɨ luu kɨ kɨꞌ vənu vɔ́, viŋ kəə jɨɨ kɨ yɨ vənu vəjəəvə ghee nshə, laa tuu wee-ndoꞌ kee lùu maa viŋ vɨsɨ Nwi me, tɨ́ kaꞌ viŋ Nwi duꞌ nyɔŋ.