1 Kɔrintian 1:7 - Vengo (Babungo)

⁷ Nɨniŋ, viŋ kee bəə tuu nu fɨ maa vənu vənshə faŋ Zwitə Ley Nwi yaa kɨ kɔ tɨ́ vɨɨ nə me. Viŋ baa luu kɨꞌ Tɨta ŋwaa-nsiŋ Yeso Kristo faŋ ŋwə ndɔ baa fuu, də̀ ŋwaa wi tɨ́ nsiŋ nə.

1 Kɔrintian 1:7 ပူးပေါင်းရင်းမြစ်များ

Matiu 25:1

Yeso nə baa gì laa, «Yighee njyə faŋ Wuu yinsəŋ Nwi ndɔ bəŋ jwi, nu vɨɨ məkɨꞌ nu yifwàŋ fɨ yizɔ ndɔ luu yaa nu vaŋ-vəki vəmɔ́ꞌ yighuŋ, faŋ vəŋ nə ndì təkiꞌ təvəŋ, gə̀ nə ntə fɔ məndaa.

Lukas 12:36

Bàw viŋ lùu yaa vɨɨ faŋ vəŋ kɨꞌ tɨɨ vəŋ, faŋ ŋwə gə̀ fɔ məndaa, laa ŋwə taa kɨ bəŋ, kɨ buꞌtə shuu ŋii, vɨ ŋaꞌsə tɨ́ ŋwə yighee muꞌ.

Lukas 17:30

Ŋkə ndɔ luu sheꞌ nɨniŋ maa shi ŋkɨə faŋ Wuu yinsəŋ Nwi ndɔ baa fuu ntee.

Roma 8:19

Vətɔ fɨ taa mbi vənshə faŋ Nwi nə nàysə, mbə kɨꞌ yighee njyə faŋ vaŋ Nwi ndɔ fuu ntee nə yikwalə Nwi nə.

Roma 8:23

Kee sɔŋ sheꞌ vətɔ vɔ́ nɨnɔŋ me, sɔŋ nshɨ-tɔ ŋwaa-nsiŋ nɨzi, faŋ nsiŋ kɔlə fì Zwitə Ley Nwi, faŋ lùu mfɔŋsə vətɔ və Nwi. Nɨniŋ, nsiŋ kɨ kɨꞌ yighee njyə faŋ Nwi ndɔ yɨsə nsiŋ luu vaŋ vi ntee, faŋ ŋwə ndɔ kɔ yiŋwaa yifinə tɨ́ nsiŋ.

1 Kɔrintian 4:5

Nɨniŋ, ŋkə kee kùꞌnə laa viŋ kɨ shia nsɔꞌsə tɔ vɨɨ me, faŋ yighee məshia nsɔꞌsə kee ta yikuꞌnə me. Maa shi ŋkɨə faŋ tɨta Yeso ndɔ jwi, ŋwə ndɔ də vənu ntee faŋ mbə nə lùu taa mfiŋsə, nə mbɨꞌtə wə faŋ wə kìi taa fwi ŋwə. Lùu shi kɔ́ faŋ Nwi ndɔ bəŋsə wə faŋ məbəŋsə wə ghɔ́ kùꞌnə.

2 Kɔrintian 12:13

Nu mɔ́ꞌ lùu shɔ faŋ vɨ nə gaŋtə nshəŋtə vɨɨ Nwi mɔ́ꞌ, faŋ mə kee baa gàŋtə viŋ shɔ yimu? Kaꞌ luu sheꞌ nu kəmuꞌ laa, mə nə kee fì fa fɨ ghɔ viŋ me. Bàw viŋ ndenə nu yiŋkii.

Galatia 5:5

Gə fɨ maa yia, yia nùŋ fwi sia maa wutə Zwitə Nwi, kɨꞌ laa Nwi ndi yia yaa vɨɨ loomə vɨsɨ ŋwə, buꞌ laa yia nùŋ fwi sia maa Kristo.

Filipi 3:20

Gə fɨ maa nsiŋ, nsiŋ lùu vɨɨ faŋ fu ŋwaa-nsiŋ lùu yizɔ. Nsiŋ tə sɨ, kɨ kɨꞌ tɨta Yeso Kristo, faŋ lùu mbweysə nyaa-nsiŋ, faŋ ŋwə ndɔ fuu fɨ yizɔ, jwì yɨ nsiŋ.

Kɔlɔsii 3:4

Kristo lùu məbwey fi ŋwaa-nsiŋ ghɔ́. Yighee njyə faŋ ŋwə ndɔ baa fuu ntee, ŋwə ndɔ fuu nsiŋ vɨ vəŋ mɔ́ꞌ. Nsiŋ ndɔ kii fɨ maa yikwalə yi.

1 Tesalonika 1:10

baa nə laa viŋ kɨꞌ Yeso, wee Nwi, faŋ Nwi nə ywèysə ŋwə fɨ shɨ yiku nə, faŋ ŋwə ndɔ siꞌ fɨ yizɔ, jwì bwèysə nsiŋ fɨ taa nsɔꞌ Nwi faŋ nyə ndɔ ŋii maa vɨɨ nə.

2 Tesalonika 1:7

Ŋwə ndɔ baa kɔ zutə tɨ́ viŋ faŋ viŋ yè ŋɨꞌ fɨ ghɔ vɨɨ ndwə nə. Ŋwə ndɔ kɔ zutə tɨ́ nsiŋ vənshə maa yighee njyə faŋ tɨta Yeso ndɔ fuu fɨ taa yizɔ ntee, kɨ jwi ghɔ nshiisə-ŋiisə Nwi faŋ wutə ki lùu maa vəŋ nə.

2 Timoti 4:8

Nu ŋkɨə faŋ ŋkə gòꞌ, lùu laa, mə ndɔ fi shwaŋ nu jəə ŋkɨə faŋ Nwi ndɔ kɔ tɨ́ vɨɨ mbɨə faŋ vənu vəvəŋ lùu vəloomə. Tɨta Nwi faŋ ŋwə ndɔ sɔꞌ nsɔꞌsə vɨɨ, sɔꞌ shìa nyə yiloomə. Ŋwə ndɔ kɔ nu jəə kɔ́ shee maa shi vəndwə, kee kɨ kɔ luu sheꞌ tɨ́ mə me, ŋwə kɔ luu tɨ́ vɨɨ vənshə faŋ vəŋ kɨꞌ ŋwə nə ŋkawnə, tə̀ sɨ maa məjwi wi faŋ ŋwə ndɔ baa jwi mbi nə.

Taytəs 2:13

Nsiŋ kɨ kɨꞌ nu mənɔŋ-bwaŋnə Nwi, faŋ ŋwə ndɔ kɔ məbwey vəlwaŋ tɨ́ nsiŋ, baa kɨꞌ yighee njyə faŋ feenə Nwi, faŋ luu ŋkee Nwi kwalə nə, ndɔ fuu ghɔ Yeso Kristo, wuu məbweysə ŋwaa-nsiŋ,

Hibru 9:28

Sheꞌ nɨniŋ, Kristo nə fɔŋ jwì kù yighee muꞌ, laa ŋwə yɨsə vɨɨ vəyaŋ nyɨŋ fɨ taa nu bwə vəŋ, baa nə laa ŋwə ndɔ baa bəŋ jwi mbi nyə̀, lwesə ghee bɔɔ. Maa yighee yɔ́ ŋwə ndɔ kee baa jwi maa məsɔ nu bwə vɨɨ me; ŋwə ndɔ bee kii jwi maa məkɔ məbwey vəlwaŋ tɨ́ vɨɨ vi faŋ vəŋ kɨꞌ ŋwə nə.

1 Pita 1:13

Nɨniŋ, viŋ lootə yiŋwaa yiŋ, tɔ kiŋ ley nɨzi, viŋ nuŋsə fwi siŋ sheꞌ maa məbwey ghɔ́ faŋ Nwi ndɔ kɔ tɨ́ viŋ buꞌ gəŋsə si, yighee njyə faŋ ŋwə ndɔ baa tɔŋ Yeso Kristo ntee.

1 Pita 4:13

Viŋ kɨ ŋaytə laa ŋɨꞌ njyə faŋ nyə nə ŋii Kristo nə, baa luu ŋìi viŋ, tɨ́ kaꞌ viŋ ndɔ ŋaytə, kɨ zwa nyaysə, bəŋsə ŋwə maa yighee njyə faŋ ŋwə ndɔ fuu ntee nə wutə Nwi.

1 Pita 5:4

Nɨniŋ laa Yeso, tɨɨ nshiisə bisə sɔ́, ndɔ kɔ viŋ nə vəkeynə faŋ mbə gòꞌsə yighee muꞌ, maa yighee njyə faŋ ŋwə ndɔ fuu ntee sɨ vɨɨ.

2 Pita 3:12

Viŋ tə sɨ ghiŋ maa shi ŋkɨə faŋ Nwi ndɔ jwi sɔꞌ mbi, kɨ yɨ laa kaꞌ shi kɔ́ yasə jwì. Lùu shi ŋkɨə faŋ yizɔ ndɔ kɨɨ shɔ ndì. Vətɔ vənshə fɨ yizɔ nə fɨ nsi ndɔ yey taa wi. Tuu kee fa kee ndɔ goꞌ me.

1 Jɔn 3:2

Vɨɨmba vaŋ, nsiŋ luu vaŋ Nwi ndwə. Luu nə, fa ŋkɨə faŋ nsiŋ ndɔ luu nə, ŋkə kee ta fùu ntee yikəꞌ vɨɨ me. Nsiŋ kɨɨ sheꞌ laa, yighee njyə faŋ ŋkə ndɔ fuu ntee sɨ vɨɨ, nsiŋ kɨ nii lùu yuu ŋwə, buꞌ faŋ nsiŋ ndɔ ye ŋwə faŋ ŋwə lùu.

Ŋwaꞌlə Jud 1:21

Viŋ nuŋ fwi siŋ maa ŋkawnə Nwi faŋ Nwi kàw viŋ nə. Viŋ kɨꞌ gəŋsə fɨ ghɔ Yeso Kristo laa ŋwə ndɔ gaŋtə viŋ, kɔ̀ viŋ nə məbwey vəlwaŋ.