1 Kɔrintian 1:5 - Vengo (Babungo)

⁵ Nwi nə tu mənɔŋ-bwaŋnə tɔ viŋ maa jɨɨsə səyaŋ, yɨ̀sə viŋ weꞌ maa nu Kristo. Viŋ kɨɨ gì yigi yijəənə, baa kɨ̀ɨ nə nu Nwi ŋkee jəə.

1 Kɔrintian 1:5 ပူးပေါင်းရင်းမြစ်များ

Akts 2:4

Vəŋ vənshə lwaŋ nə Zwitə Ley Nwi, tey kɨ gisə təghaŋ nɨŋkwiŋ nɨŋkwiŋ, faŋ yɨ̀sə Zwitə Ley Nwi kɔ́ laa vəŋ kɨ gisə.

Roma 11:12

Nu gu vəŋ yɨsə vɨɨ fɨ mbi zɨ ŋkee nu jəə. Nu məgə nə yiba vəŋ yɨsə vɨɨ məshɨ məyaŋ ndɔ zɨ məbwey vəlwaŋ. Nɨniŋ, yighee njyə faŋ vəŋ vənshə ndɔ kwiinə fwisə vəŋ, nu jəə ndɔ fuu fɨ fuŋ faŋ ŋkə bàw shɔ̀ɔ ki.

Roma 15:14

Vaŋ-nshwi vaŋ, mə kɔꞌ kɨɨ fɨ taa fwi mə laa, nu jəə lwàŋ taa fwisə viŋ nɨzi. Viŋ kɔꞌ kɨɨ nə vənu və Kristo vənshə ŋkee vəley, kɨɨ maa mətɨsə yiŋwaa yiŋ.

Roma 15:4

Nɨniŋ, vənu vənshə faŋ vɨɨ ywaŋ-vɨsɨ nə nyɔ̀ꞌ nə, vəŋ nə ŋwàꞌlə laa nsiŋ kɨ zwetə fɨ fuŋ. Baa nə laa nsiŋ kɨ jiatə yiŋwaa nyaa-nsiŋ, baa zwisə fwi saŋ-nsiŋ nɨzi, kɨꞌ məbwey vəlwaŋ fɨ ghɔ Nwi.

1 Kɔrintian 12:10

Wə mɔ́ꞌ baa lùu shɔ faŋ Nwi kɔ̀ wutə tɨ́ ŋwə maa məyɨsə vənu və shuu yɔŋvə. Wə mɔ́ꞌ kii wutə maa məfɨꞌtə yigisə Nwi faŋ Nwi də̀ tɨ́ ŋwə. Wə mɔ́ꞌ kii wutə maa məkɨɨ nə vəzwitə və vɨɨ, laa mbə ndɔ̀ fɨ ghɔ Nwi mu. Wə mɔ́ꞌ baa lùu shɔ faŋ ŋwə kìi wutə maa məgi təghaŋ faŋ nshɨ-tɔ wə ghɔ́ kee bee ta zɔ̀ ghaŋ ghɔ́ me. Wə mɔ́ꞌ shɔ faŋ Nwi kɔ̀ wutə tɨ́ ŋwə, tɨ́ kaꞌ ŋwə kɨ twelə ŋiꞌ təgi təghaŋ tɔ́ tɨ́ vɨɨ.

1 Kɔrintian 12:8

Wə mɔ́ꞌ kìi yigisə tɔ-ley faŋ kɔ̀ Zwitə Nwi tɨ́ ŋwə. Wə mɔ́ꞌ kɨɨ gi kɔ̀ŋ nu Nwi ŋkee jəə, faŋ də̀ sheꞌ Zwitə Nwi kɔ́ də̀ nu kɔ́ tɨ́ ŋwə nɨzi.

1 Kɔrintian 13:2

Mə kɔlə kìi wutə faŋ kaꞌ mə kɨ twelə yigisə shuu Nwi, tɨꞌnə me kɨɨ nə vənu vənshə faŋ mbə ndènə fɨ ghɔ vɨɨ, tɨꞌnə me kɨɨ nə nu Nwi laylay, tɨꞌnə me nùŋ fwi nyaa maa Nwi ŋkee dɨdɨꞌ, tɨ́ kaꞌ mə yɨ̀sə laa ŋkee baŋsə kwalə muꞌnə, mə nəə toꞌ kɨ̀ɨ nə vənu vɔ́ vənshə, luu nə, kee kìi ŋkawnə maa vɨɨ me, buu lùu nu dayday.

1 Kɔrintian 13:8

Ŋkawnə kee yaa kɨ me me. Yighee jɨjwi faŋ vɨɨ kee taa baa twelə yigisə shuu Nwi me. Yighee jɨjwi faŋ vɨɨ taa kee baa kɨ gisə təghaŋ nɨŋkwiŋ nɨŋkwiŋ me. Yitɔfə vɨɨ taa mè nɨzi.

1 Kɔrintian 14:26

Vaŋ-nshwi vaŋ, faŋ ŋkə lùu nɨniŋ nə, viŋ zɔ nu ŋkɨə faŋ mə tɨsə viŋ shɔ. Yighee njyə faŋ viŋ fàynə shəŋ muꞌ maa məbəŋsə Nwi, bàw wə tɨ̀ me wə jwi nə wee-nu maa məgaŋtə nshəŋtə yiŋ yɔ́. Wə muꞌ taa kɔ nyay, wə mɔ́ꞌ deesə nu tɨ́ vɨɨ, wə mɔ́ꞌ naysə nu faŋ Nwi də̀ tɨ́ ŋwə, wə mɔ́ꞌ gi nu maa təghaŋ nɨŋkwiŋ nɨŋkwiŋ faŋ kɔ̀ Zwitə Nwi tɨ́ ŋwə, wə mɔ́ꞌ baa luu kìasə ghaŋ ghɔ́ tɨ́ kaꞌ vɨɨ vənshə zɔ̀ nu kɔ́. Bàw vɨɨ yɨsə vənu vɔ́ vənshə maa jɨɨ faŋ nyə taa gaŋtə vɨɨ maa məgə nə vɨsɨ taa nu Nwi.

1 Kɔrintian 8:11

Wə ghɔ́ kɨ zɨ fazɨ kɔ́, faŋ ŋkə ghɨɨ tɨ́ ŋwə yaa lùu nu bwə, buu ŋwə gù buꞌ ghɔ. Yitɔfə yə yɔ́ yɨ̀sə laa ŋwə ndi jɨɨ. Sii yɨ̀ kə buu a yɨsə nu faŋ ŋkə yɨ laa weenshu wə ndi jɨɨ, faŋ Yeso Kristo nə kù tɔ ŋwə nɨzi nə.

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.

2 Kɔrintian 6:10

Faŋ yia kɔlə kìi məluŋ, yia kɨ ŋɨŋaytə. Faŋ yia kɔlə lùu mbəəsə, yɨsə vɨɨ vəyaŋ gu mfuꞌsə maa vənu vənshə. Faŋ yia kɔlə kee kìi fa me, yia kìi vətɔ vənshə.

2 Kɔrintian 8:7

Vəkeynə və Zwitə Nwi yàŋ taa ŋwaa viŋ. Viŋ nùŋ fwi siŋ maa Kristo, wèꞌ shɔ, baa luu weꞌ maa məfɨꞌtə nu Nwi. Yitɔfə baa lùu yiyaŋ taa ŋwaa viŋ, viŋ faꞌ nə wutə maa vənu vənshə, kii ŋkawnə maa yia. Nɨniŋ, bàw faꞌ ŋkawnə ŋwə̀ fuu jəə taa ŋwaa viŋ nɨzi.

2 Kɔrintian 9:11

Nwi yɨsə vətɔ vənshə lwaŋ ghɔ viŋ, tɨ́ kaꞌ viŋ kɔ̀ vətɔ ghee nshə nə fwi yimuꞌ, yia fi, gə̀ kɔ̀ tɨ́ vɨɨ, ŋkə yɨsə vəŋ kɨ bwaŋ Nwi.

Efesɔs 1:17

Mə shɔꞌtə Nwi, tɨɨ tɨta ŋwaa-nsiŋ Yeso Kristo, ŋkee tɨta Nwi faŋ vənu vi bàw shɨlə nə, laa ŋwə kɔ Zwitə ki tɨ́ viŋ. Ŋkə kɨ kɔ viŋ nə yitɔfə, baa twelə ŋiꞌ nu ki tɨ́ viŋ, viŋ kɨɨ nə ŋwə.

Efesɔs 2:7

Lùu faŋ ŋwə də ŋkawnə yi tɨ́ vɨɨ fɨ taa mbi yifi faŋ nyə ndɔ jwi nə. Vɨ ndɔ kɨɨ nə gəŋsə Nwi fɨ maa nu ŋkɨə faŋ ŋwə nə kee gəŋ saŋ-nsiŋ dɨdɨꞌ, gaŋtə nsiŋ dɨdɨꞌ buꞌ Yeso Kristo nə.

Efesɔs 3:8

Nwi nə kɔ̀ faꞌ Nwi ghɔ́ ŋkee tɨ́ mə, faŋ mə luu ŋkee wuu tɨtiꞌ fɨ taa ŋwaa vɨɨ ley Nwi, laa mə kɨ saynə ntɔŋ yijəə Kristo yɔ́ faŋ luu ŋkee nu kwalə nə, taa ŋwaa vɨɨ tətɔŋ fu,

Efesɔs 6:19

Viŋ kɨ shɔꞌtə Nwi tɔ mə nɨzi, laa Nwi kwaŋ nu ki taa fwi mə, ŋàꞌsə shuu ŋwaa, mə kɨ jia fwi nyaa, yɨsə vɨɨ kɨ kɨɨ nə ŋiꞌ ntɔŋ yijəə Nwi yɔ́, faŋ nyə nə ndènə fɨ yikəꞌ vɨɨ nə.

Filipi 1:9

Nɨniŋ, mə shɔꞌtə Nwi tɔ viŋ laa viŋ kɨ kaw yiŋwaa yiŋ, viŋ viŋ, gə vɨsɨ vɨsɨ, kɨɨ nə Nwi nə nu jəə.

Kɔlɔsii 2:3

Luu sheꞌ Kristo faŋ ŋwə luu ŋkwa faŋ ŋwə ŋaꞌsə jɨɨ tɨ́ vɨɨ, laa vəŋ kii tɔ ley yinsəŋ, baa kɨ̀ɨ nə vənu ŋkee jəə. Kəŋ tɔ ley kɔ́ kìi sey tɨ́ vɨɨ.

Kɔlɔsii 3:10

Viŋ bee kii ndi nshinə yifi, mɔ̀ꞌ maa viŋ yaa njwi. Nwi kɔ̀ nshinə yifi yɔ́ tɨ́ viŋ, yɨ̀sə laa viŋ gə nə vɨsɨ, kɨ kɨɨ nə Nwi. Ŋkɨꞌnə yiŋ kɨ nii lùu yaa njyə faŋ Nwi nə bɔ̀ŋ viŋ shɔ nə.

Jeyms 3:13

Wuu tɔ ley fɨ taa ŋwaa viŋ, faŋ ŋwə toꞌ nə yitɔfə nɨzi, lùu ndə? Bàw ŋwə kɨ toꞌ yitoꞌ yijəənə, yɨ vənu vəjəəvə, sùꞌsə ŋwaa wi nsi, maa mədə tɔ ley ki.

2 Pita 3:18

Viŋ tɨŋnə sheꞌ taa shəŋ jəə kɔ́, weꞌ shɔ, tɨ́ kɨ kaꞌ tɨta ŋwaa-nsiŋ Yeso Kristo, faŋ lùu wuu məbweysə ŋwaa-nsiŋ, tu mənɔŋ-bwaŋnə tɔ viŋ. Viŋ baa kɨɨ nə ŋwə jəə. Nsiŋ kɨ bəŋsə ŋwə, faŋ ŋwə kìi feenə wi ghee nshə.