1 Kɔrintian 1:27 - Vengo (Babungo)

²⁷ Nwi nə shòꞌ luu vɨɨ faŋ vɨ tii vəŋ nə vəmfaw taa mbi nyə̀, tɨ́ kaꞌ tɔ dɨɨ ndɔ luu tɨ́ vɨɨ mbɨə faŋ vəŋ gì laa vəŋ lùu vɨɨ tɔ-ley. Nwi baa shòꞌ vɨɨ mbɨə faŋ vəŋ kee kìi wutə me, tɨ́ kaꞌ tɔ dɨɨ lùu tɨ́ vɨɨ mbɨə faŋ vəŋ gì laa vəŋ kìi wutə.

1 Kɔrintian 1:27 ပူးပေါင်းရင်းမြစ်များ

Matiu 11:25

Kɨ lùu sheꞌ maa yighee yɔ́, Yeso tey kɨ shɔꞌtə Nwi laa, «Mə kɨ bəŋsə ghɔ, tɨta Nwi, faŋ a sɔꞌ yizɔ ghɔ nsi, buꞌ laa a ndɨ̀ə ntɔŋ yijəə yə fɨ ghɔ vɨɨ tɔ ley nə vəŋkaŋ-sɨ, bee kii kɔ̀ tɨ́ vɨɨ nshi.

Matiu 21:16

Vəŋ gi tɨ́ ŋwə laa, «A kee zɔ̀ nu ŋkɨə faŋ vaŋ və̀ gisə nə yimu?» Yeso bəŋsə tɨ́ vəŋ laa, «Ɔŋ me. Maa viŋ nə ta tìi fɨ taa ŋwaꞌlə Nwi laa, Nwi yɨ̀sə laa ŋkee vaŋmbwaa vəbwavə kɨ kɔ məbəŋsə.»

Matiu 9:9

Yeso fuu fɨ fuŋ, kii gə vɨsɨ, yè wə mɔ́ꞌ faŋ ŋwə dùꞌ shuu ŋii məsa vətɔ, yizii yi luu Matiu, gì tɨ́ ŋwə laa, «Beꞌsə mə!» Ŋwə ndɔ fɨ nsi, bèꞌsə Yeso.

Lukas 21:15

buꞌ laa nshɨ-tɔ ŋwaa ndɔ kɨ kwaŋ yigisə tɔ ley shuu viŋ, faŋ kaꞌ tuu ŋkee wuu mbeenə wiŋ kee ndɔ tɨŋnə, kɨ bəŋsə nu tɨ́ viŋ me.

Akts 17:18

Vɨɨ mɔ́ꞌ faŋ nə luu vɨɨ məkəə ŋiꞌ mbi, faŋ vɨ tii vəŋ nə vɨɨ Epikurian nə vɨɨ Stoik, zɔ yigisə Pɔɔl nɨzi. Vɨɨ mɔ́ꞌ gi laa, «Wuu shuu yaŋ ŋwə̀ sii taa bee gi kə?» Vɨɨ mɔ́ꞌ gi laa ŋwə kəꞌ yaa wə faŋ ŋwə fɨꞌtə nu vənwi və tɔmə day. Vəŋ nə gì nɨniŋ, buꞌ laa Pɔɔl nəə fɨꞌtə nu Yeso nə nu məywey fɨ shɨ yiku.

Akts 7:35

Nɨniŋ nə, Nwi nə shòꞌ ŋkee Mose ŋgwə faŋ vɨɨ Isirayl yaa kee kàw ŋwə nə me, faŋ vəŋ nə gì laa, «Sii nùŋsə ndə nùŋsə ghɔ yaa tii wia laa a kɨ sɔꞌ yia.» Nwi shoꞌ Mose ghɔ́, tɔŋ ŋwə ŋkee yaa wuu məsɔꞌ vəŋ, nə yaa wuu məbweysə vəŋ, faŋ nshiiŋii Nwi fùu yikəꞌ ŋwə taa wee-shuꞌ-gay faŋ ŋwə nəə kɨɨ nə.

Akts 7:54

Vɨɨ məshia nsɔꞌ zɔ nɨniŋ, fwisə vəŋ shə. Vəŋ kwə gɨꞌ vəŋ tɨ́ Stefen.

1 Kɔrintian 1:20

Faŋ ŋkə lùu nɨniŋ nə, vɨɨ tɔ-ley vɔ́ sii kɨ̀ɨ nə kə? Vɨɨ mədeesə ntɨsə sii kɨ̀ɨ nə kə? Vɨɨ məsɔnə yigi kɔ̀ŋ nu Nwi, faŋ vəŋ ndɔ̀ fɨ taa mbi nyə̀, sii kɨ̀ɨ nə kə? Nwi duꞌtə Nwi də tɨ́ nsiŋ laa yitɔfə yɔ́ fɨ taa mbi nyə̀ lùu nu vəmfaw.

1 Kɔrintian 1:21

Maa yighee njyə faŋ Nwi nə də̀ yitɔfə yi tɨ́ vɨɨ fɨ taa mbi nyə̀, vəŋ nə kee bee kɨ̀ɨ nə Nwi fɨ taa tɔ-ley vəŋ me. Nɨniŋ, fwi Nwi nə bàw maa məbweysə vɨɨ mbɨə faŋ vəŋ nùŋ fwisə vəŋ maa Yeso Kristo buꞌ faŋ vəŋ zɔ̀ nu Nwi kɔ́, faŋ ŋkə lùu yaa yigisə vəmfaw nə.

1 Kɔrintian 2:12

Zwitə ŋkɨə faŋ Nwi kwaŋ taa fwisə nsiŋ, lùu ŋkə Nwi, ŋkə kee ndɔ̀ fɨ taa mbi nyə̀ me. Lùu Zwitə Nwi kɔ́ faŋ ŋkə yɨsə laa nsiŋ kɨɨ nə vəkɔ mbɨə faŋ Nwi kɔ̀ tɨ́ nsiŋ.

2 Kɔrintian 10:10

faŋ vɨɨ mɔ́ꞌ gì laa vəŋwaꞌlə və Pɔɔl lùu vəshəsə baa lùu vəweꞌ, luu nə, faŋ nsiŋ vɨ vəŋ lùu shəŋ kəmuꞌ, ŋwə bɨbwa, yigisə yi luu yibwaŋnə.

2 Kɔrintian 4:7

Nu Nwi kwalə kɔ́ lùu yaa ŋkee fa jəə faŋ vɨ nùŋ taa vəntɨɨ və shɔꞌ. Yia lùu yaa vəntɨɨ vɔ́. Lùu nɨniŋ laa ŋkə luu kəley laa wutə kwalə ŋkɨə faŋ ŋkə faꞌ taa ŋwaa yia, lùu ŋkə Nwi; ŋkə kee ndɔ̀ fɨ ghɔ yia me.

Jeyms 2:5

Viŋ zɔ, vaŋ-nshwi vaŋ faŋ mə kàw viŋ, Nwi shòꞌ luu mbəəsə fɨ mbi, ndì vəŋ laa vəŋ nuŋsə fwisə vəŋ maa Kristo, ndɔ̀ zɨ̀ nu yifwàŋ Nwi, faŋ Nwi nə kɔ̀ꞌnə maa məkɔ tɨ́ vɨɨ mbɨə faŋ vəŋ kàw ŋwə. Nɨniŋ, luu vəŋ luu mfuꞌsə yinsəŋ.