1 Kɔrintian 1:26 - Vengo (Babungo)

²⁶ Vaŋ-nshwi vaŋ, viŋ lumə faŋ Nwi nə shòꞌ viŋ laa viŋ lùu mbii vɨɨ nə, ŋwə nə shòꞌ kəŋ vɨɨ mbɨə? Maa vɨɨ mbɨə faŋ vəŋ kìi yitɔfə fɨ taa mbi nyə̀, kee lùu vəyaŋ taa ŋwaa viŋ me. Vɨɨ kwalə nə vəshɨꞌ kee lùu vəyaŋ taa ŋwaa viŋ me.

1 Kɔrintian 1:26 ပူးပေါင်းရင်းမြစ်များ

Lukas 1:3

Nɨniŋ, mə nə bɨ̀ꞌtə laa ŋkə bàw laa mə gə nɨzi, shoꞌmə vənu vɔ́ vənshə fɨ maa vənzi ŋkee vəley, buu nyɔ̀ꞌ maa yiley yineꞌtə, kɔ̀ tɨ́ ghɔ, tɨta fwaŋwe Teofilɔs,

Lukas 10:21

Kɨ luu sheꞌ maa yighee yɔ́, Zwitə Ley Nwi faŋ ŋkə nə luu taa fwi Yeso nə, yɨsə ŋwə ŋaytə dɨdɨꞌ, shɔ̀ꞌtə Nwi laa, «Mə bəŋsə ghɔ, mɔɔ Tɨta, faŋ a sɔꞌ yizɔ ghɔ nsi nə, buꞌ laa a twèlə ŋiꞌ nu kɔ́ tɨ́ vɨɨ mbɨə faŋ vəŋ kee lùu vɨɨ yitɔfə me, faŋ a nə ndɨ̀ə nu kɔ́ fɨ ghɔ vɨɨ yitɔfə nə vɨɨ sɨ leynə nə. Ɔŋ mɔɔ, Tɨta, lùu faŋ ŋkə nə bàw tɨ́ ghɔ.»

Akts 13:12

Goməna ghɔ́ ye nu ŋkɨə faŋ ŋkə nə gày, shuu wi yɔŋ maa wutə mədeesə vəŋ buꞌ tɨta Yeso. Ŋwə kɨ nii bìŋ nu Nwi.

Akts 13:7

Ŋwə nə luu wuumba goməna Sergiɔs Pɔɔl, faŋ nə luu wuu tɔ ley. Goməna ghɔ́ tii Barnabas ghɔ Sɔɔl, kɨ kəə zɔ nu Nwi fɨ ghɔ vəŋ, vəŋ jwi.

Akts 17:34

Luu nə, vɨɨ mɔ́ꞌ beꞌsə Pɔɔl, nùŋ fwisə vəŋ maa Kristo. Wə muꞌ fɨ taa ŋwaa vəŋ nə luu Dionisiɔs, faŋ nə luu wuu ŋii njɔŋ ntoꞌ. Wə mɔ́ꞌ nə luu wəzwi faŋ yizii yi lùu Damaris. Vɨɨ vəmɔ́ꞌ nə luu shɔ nɨzi.

Roma 11:29

Lùu nɨniŋ buꞌ laa kaꞌ Nwi kee baa twèy nu ŋkɨə faŋ ŋwə nə kèe gəŋsə vɨɨ, tii vəŋ nə mbii vɨɨ nə me.

1 Kɔrintian 1:20

Faŋ ŋkə lùu nɨniŋ nə, vɨɨ tɔ-ley vɔ́ sii kɨ̀ɨ nə kə? Vɨɨ mədeesə ntɨsə sii kɨ̀ɨ nə kə? Vɨɨ məsɔnə yigi kɔ̀ŋ nu Nwi, faŋ vəŋ ndɔ̀ fɨ taa mbi nyə̀, sii kɨ̀ɨ nə kə? Nwi duꞌtə Nwi də tɨ́ nsiŋ laa yitɔfə yɔ́ fɨ taa mbi nyə̀ lùu nu vəmfaw.

1 Kɔrintian 2:13

Faŋ yia naysə tɨ́ vɨɨ kɔ̀ŋ vəkɔ vɔ́, yia kee ndɨ̀ yigi faŋ nyə ndɔ̀ fɨ maa tɔ-ley wə mənsaw me; də̀ Zwitə Nwi də̀ vənu vɔ́ tɨ́ yia. Yia twelə vənu mbɨə faŋ mbə ndɔ̀ fɨ ghɔ Zwitə Nwi tɨ́ vɨɨ faŋ vəŋ kìi Zwitə Nwi taa fwisə vəŋ.

1 Kɔrintian 2:8

Vəwutə vənshə faŋ mbə sɔꞌ mbi nyə̀, kee kɨ̀ɨ nə kəŋ tɔ-ley kɔ́ me. Mbə nəə toꞌ kɨɨ, buu vəŋ nə kee bèy tɨta Yeso Kristo, faŋ lùu Tɨɨ vəwutə, fuu fəŋkɔꞌ fə ŋkɨꞌsə me.

Filipi 4:22

Vɨɨ ley Nwi vənshə fɨ feenə shɔꞌtə viŋ. Ŋkee vɨɨ mbɨə faŋ vəŋ shi ntoꞌ fwàŋ Kaysa, faŋ lùu vɨɨ Kristo, shɔꞌtə viŋ nɨzi.

Jeyms 2:5

Viŋ zɔ, vaŋ-nshwi vaŋ faŋ mə kàw viŋ, Nwi shòꞌ luu mbəəsə fɨ mbi, ndì vəŋ laa vəŋ nuŋsə fwisə vəŋ maa Kristo, ndɔ̀ zɨ̀ nu yifwàŋ Nwi, faŋ Nwi nə kɔ̀ꞌnə maa məkɔ tɨ́ vɨɨ mbɨə faŋ vəŋ kàw ŋwə. Nɨniŋ, luu vəŋ luu mfuꞌsə yinsəŋ.

2 Jɔn 1:1

Luu mə, wuu taa fɨ taa nshəŋtə vɨɨ Kristo, faŋ mə tɔ̀ŋ ŋwaꞌlə ŋwə̀ tɨ́ ghɔ, yaa, viŋ vaŋ və faŋ Nwi nə shoꞌ viŋ (nshəŋtə vɨɨ Kristo). Mə kàw viŋ yinsəŋ. Kee kaw sheꞌ mə kaw viŋ nɨnɔŋ me; vɨɨ vənshə faŋ vəŋ kɨɨ nə nu Nwi yinsəŋ, kaw viŋ nɨzi.