1 Kɔrintian 1:21 - Vengo (Babungo)

²¹ Maa yighee njyə faŋ Nwi nə də̀ yitɔfə yi tɨ́ vɨɨ fɨ taa mbi nyə̀, vəŋ nə kee bee kɨ̀ɨ nə Nwi fɨ taa tɔ-ley vəŋ me. Nɨniŋ, fwi Nwi nə bàw maa məbweysə vɨɨ mbɨə faŋ vəŋ nùŋ fwisə vəŋ maa Yeso Kristo buꞌ faŋ vəŋ zɔ̀ nu Nwi kɔ́, faŋ ŋkə lùu yaa yigisə vəmfaw nə.

1 Kɔrintian 1:21 ပူးပေါင်းရင်းမြစ်များ

Matiu 11:25

Kɨ lùu sheꞌ maa yighee yɔ́, Yeso tey kɨ shɔꞌtə Nwi laa, «Mə kɨ bəŋsə ghɔ, tɨta Nwi, faŋ a sɔꞌ yizɔ ghɔ nsi, buꞌ laa a ndɨ̀ə ntɔŋ yijəə yə fɨ ghɔ vɨɨ tɔ ley nə vəŋkaŋ-sɨ, bee kii kɔ̀ tɨ́ vɨɨ nshi.

Lukas 10:21

Kɨ luu sheꞌ maa yighee yɔ́, Zwitə Ley Nwi faŋ ŋkə nə luu taa fwi Yeso nə, yɨsə ŋwə ŋaytə dɨdɨꞌ, shɔ̀ꞌtə Nwi laa, «Mə bəŋsə ghɔ, mɔɔ Tɨta, faŋ a sɔꞌ yizɔ ghɔ nsi nə, buꞌ laa a twèlə ŋiꞌ nu kɔ́ tɨ́ vɨɨ mbɨə faŋ vəŋ kee lùu vɨɨ yitɔfə me, faŋ a nə ndɨ̀ə nu kɔ́ fɨ ghɔ vɨɨ yitɔfə nə vɨɨ sɨ leynə nə. Ɔŋ mɔɔ, Tɨta, lùu faŋ ŋkə nə bàw tɨ́ ghɔ.»

Lukas 12:32

Nɨniŋ, kɨ viŋ kɨ fee me, faŋ viŋ kɔlə lùu sheꞌ yaa wee-nwaa bisə-njɨɨ, buꞌ laa too Tii wiŋ, tɨta Nwi, nə bàw maa məndɔ kɔ nu yifwàŋ Nwi tɨ́ viŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:31

Yighee kuꞌ faŋ Nwi taa sɔꞌ nsɔꞌsə vɨɨ taa mbi nyə̀. Yighee kuꞌ faŋ vɨ taa jɔŋ tɨɨ mbi, Satan, fɨ taa mbi nyə̀.

Roma 1:28

Nwi mèꞌtə vəŋ laa yitɔ yivəŋ kùkə, buꞌ laa vəŋ nə kee biŋ jia nu ŋkɨə faŋ vəŋ nə kɨɨ kɔ̀ŋ Nwi fɨ taa fwisə vəŋ me. Nɨniŋ, vəŋ yɨsə vənu vənshə faŋ mbə kee yikuꞌnə me.

Roma 11:33

Wii, vənu və Nwi kwàlə shɔ̀ɔ ki; yitɔfə yi shɔ̀ɔ ki. Maa məkɨɨ nə ŋiꞌ vənu vi shɔ̀ɔ wutə vɨɨ vənshə. Kaꞌ wə kee kɨ təə ŋiꞌ nsɔꞌ faŋ ŋwə shìa me, kee kɨɨ nə ŋiꞌ jɨɨsə si me.

1 Kɔrintian 1:18

Vɨɨ mbɨə faŋ vəŋ toꞌ fɨ maa jɨɨ yiku, ndɨ yigi yɔ́ kɔ̀ŋ yiku Yeso fuu fəŋkɔꞌ fə ŋkɨꞌsə yaa yigisə vəmfaw. Gə̀ fɨ maa nsiŋ, faŋ Nwi bwèysə nsiŋ nə, nsiŋ kɔꞌ kɨɨ laa wutə Nwi lùu shɔ.

1 Kɔrintian 1:23

Luu nə, yia fɨꞌtə sheꞌ nu Kristo laa vɨ nə bèy ŋwə fuu fəŋkɔꞌ fə ŋkɨꞌsə buꞌ nsiŋ. Nu kɔ́ yɨ̀sə fwisə vɨɨ Jus bɨ. Vɨɨ tɔmə day gi laa lùu nu vəmfaw.

1 Kɔrintian 1:24

Luu nə, vɨɨ mbɨə faŋ Nwi shòꞌ laa lùu mbii vɨɨ, faŋ lùu vɨɨ Jus, tɨꞌnə me vɨɨ tɔmə day, vəŋ kɔꞌ kɨɨ laa nu Kristo kɔ́ də ŋkee wutə Nwi nə yitɔfə Nwi tɨ́ nsiŋ.

1 Kɔrintian 1:25

Vɨɨ zɔ nu kɔ́, gì laa lùu nu vəmfaw faŋ Nwi yɨ̀sə. Luu nə, nu vəmfaw Nwi kɔ́ shɔ̀ɔ yitɔfə vɨɨ fɨ mbi. Faꞌ Nwi faŋ vɨɨ ndì yaa nu dayday, wèꞌ shɔ̀ɔ wutə vɨɨ vənshə.

1 Kɔrintian 1:27

Nwi nə shòꞌ luu vɨɨ faŋ vɨ tii vəŋ nə vəmfaw taa mbi nyə̀, tɨ́ kaꞌ tɔ dɨɨ ndɔ luu tɨ́ vɨɨ mbɨə faŋ vəŋ gì laa vəŋ lùu vɨɨ tɔ-ley. Nwi baa shòꞌ vɨɨ mbɨə faŋ vəŋ kee kìi wutə me, tɨ́ kaꞌ tɔ dɨɨ lùu tɨ́ vɨɨ mbɨə faŋ vəŋ gì laa vəŋ kìi wutə.

1 Kɔrintian 11:32

Nu ŋkɨə faŋ Nwi yuu kɨ kwaŋ nsiŋ taa nsɔꞌ, lùu laa Nwi kəə də̀ tɨ́ nsiŋ laa nsiŋ gù vənu, tɨ́ kaꞌ nsiŋ kwìinə fwi saŋ-nsiŋ, kee ndɔ baa ŋìi taa nsɔꞌ Nwi maa shi ŋkɨə faŋ Nwi ndɔ kɨ sɔꞌ mbi yinshə, ndìsə vɨɨ bwənə vənshə me.

1 Kɔrintian 2:14

Wə ntɨə faŋ ŋwə kee kìi Zwitə Nwi taa fwi ŋwə me, kaꞌ ŋwə kee bìŋ vənu mbɨə faŋ mbə ndɔ fɨ ghɔ Zwitə Nwi me. Kəŋ wə ghɔ́ kaꞌ ŋwə kee kɨ̀ɨ nə vənu vɔ́ me. Ŋkə lùu tɨ́ ŋwə yaa vənu və vəmfaw, buꞌ laa luu sheꞌ Zwitə Nwi faŋ ŋkə yaa kɨ yɨsə wə kɨ̀ɨ nə kəŋ vənu ghɔ́.

1 Kɔrintian 4:10

Yia lùu yaa vəmfaw buꞌ faŋ yia fɨꞌtə nu Kristo. Gə fɨ maa viŋ, viŋ lùu yaa vɨɨ tɔ-ley buꞌ Kristo. Yia kee kìi wutə me. Luu nə, viŋ kìi wutə. Viŋ lùu vɨɨ faŋ vɨ fee viŋ. Luu nə, yia lùu vɨɨ faŋ vɨ gisə mbi yibwə tɔ yia.

1 Kɔrintian 6:2

Viŋ kee yikɨɨ laa ndɔ sɔꞌ vɨɨ Nwi sɔꞌ nsɔꞌsə vɨɨ fɨ taa mbi maa yighee yifwàŋ Nwi yimu? Faŋ ŋkə lùu nɨniŋ, faŋ shi mɔ́ꞌ ndɔ kɨ jwi, viŋ sɔꞌ nsɔꞌsə vɨɨ fɨ taa mbi nə, sii yɨ̀ kə laa kaꞌ viŋ kee sɔ̀ꞌ vaŋ-nsɔꞌsə fɨ taa ŋwaa viŋ ndwə me?

Galatia 1:15

Luu nə, Nwi nə shòꞌ mə, buu vɨ ndɔ kɨ dùꞌ bì mə. Nwi tii mə fɨ taa gəŋsə Nwi, laa mə beꞌsə ŋwə.

Galatia 4:8

Yighee vɨsɨ faŋ viŋ nə kee ta kɨ̀ɨ nə Nwi me, viŋ nəə feꞌ vənwi faŋ kee lùu Nwi yinsəŋ me. Viŋ nə luu yaa vəbuꞌ tɨ́ vətɔ mbɨə faŋ kee lùu mbə Nwi me.

Efesɔs 1:9

tɨ́ kaꞌ nsiŋ kɔꞌ kɨɨ nə nu ŋkɨə faŋ ŋkə lùu taa ŋkɨɨ Nwi, faŋ ŋkə nə ndènə fɨ yikəꞌ vɨɨ nə. Nu kɔ́ nə bàw tɨ́ ŋwə maa məyɨ nɨniŋ,

Efesɔs 3:10

Ŋwə yɨ̀sə nɨniŋ laa vɨɨ məsɔꞌ mbi nə vətɨɨ və wutə fɨ taa yizɔ zɔ sheꞌ ndwə fɨ shuu nwaa vɨɨ Nwi, faŋ yitɔfə Nwi lùu taŋ taŋ maa vənu vənshə.

Kɔlɔsii 1:19

Nə luu nɨniŋ taa ŋkɨɨ Nwi, laa vənu vənshə luu sheꞌ taa ŋwaa Yeso.

Hibru 1:14

Nshiisə-ŋiisə Nwi sənshə luu sheꞌ vəzwitə faŋ vəŋ faꞌ tɨ́ Nwi, faŋ ŋwə tɔ̀ŋ vəŋ laa vəŋ gə gàŋtə vɨɨ mbɨə faŋ Nwi taa bweysə vəŋ nə.

Hibru 2:3

Faŋ ŋkə lùu nɨniŋ nə, gə̀ fɨ maa nsiŋ, faŋ nsiŋ zɔ ntɔŋ yimɔ́ꞌ faŋ nyə kwàlə shɔ̀ɔ, kɔ̀ jɨɨ məbwey vəlwaŋ tɨ́ vɨɨ, sii kaꞌ nsiŋ fùu fɨ taa nsɔꞌ kɨkə, faŋ nsiŋ kee zɔnə ntɔŋ yinjii me? Ntɔŋ yɔ́ nə fɔŋ fùu taa mbi faŋ tɨta Yeso nə fɨ̀ꞌtə tɨ́ vɨɨ nə. Vɨɨ mbɨə faŋ vəŋ nə zɔ̀ ntɔŋ yɔ́, lèsə tɨ́ nsiŋ laa lùu nu yinsəŋ.

Hibru 7:25

Lùu nu ŋkɨə faŋ ŋwə kìi wutə maa məbweysə vɨɨ yighee muꞌ, faŋ vəŋ shɔ̀ɔ fɨ ghɔ ŋwə, buu gə yɨ Nwi, buꞌ laa ŋwə kìi məbwey faŋ ŋwə gòꞌsə yighee muꞌ, tɨ́ kaꞌ ŋwə ndwàŋ Nwi tɔ vəŋ ghee nshə.

Jeyms 4:4

Aŋ viŋ, vɨɨ faŋ viŋ kee nùŋ fwi siŋ maa Nwi me. Maa viŋ kɨɨ laa, wə kɨ luu kɨ kaw vətɔ vɨ shɨ nsi, buu ŋwə lùu wuu mbeenə Nwi. Wə tɨ̀ me wə faŋ ŋwə kwaŋ fwi yi maa vətɔ və shɨ nsi, buu ŋwə lùu wuu mbeenə Nwi.

Jeyms 5:15

Vəŋ kɨ luu bùꞌ ghɔ tɨ́ Nwi nɨniŋ, nùŋ fwisə vəŋ maa Nwi, buu Nwi taa bweysə wuu za ghɔ́, ndɔ̀ ywèysə ŋwə. Kɨ luu laa ŋwə nə yɨ̀ vənu vəbwəvə, buu Nwi taa ndenə yibɨsə yi yɔ́.

Jeyms 5:20

buu viŋ kɔꞌ kɨɨ laa, wə ntɨə faŋ ŋwə gaŋtə wuu bwə laa ŋwə meꞌtə jɨɨ yibwə yi, buu ŋwə bweysə fwi wə ghɔ́ fɨ ghɔ yiku, buu Nwi shitə vənu vəbwəvə vi vəyaŋ faŋ wə ghɔ́ nə yɨsə.