1 Kɔrintian 1:20 - Vengo (Babungo)

²⁰ Faŋ ŋkə lùu nɨniŋ nə, vɨɨ tɔ-ley vɔ́ sii kɨ̀ɨ nə kə? Vɨɨ mədeesə ntɨsə sii kɨ̀ɨ nə kə? Vɨɨ məsɔnə yigi kɔ̀ŋ nu Nwi, faŋ vəŋ ndɔ̀ fɨ taa mbi nyə̀, sii kɨ̀ɨ nə kə? Nwi duꞌtə Nwi də tɨ́ nsiŋ laa yitɔfə yɔ́ fɨ taa mbi nyə̀ lùu nu vəmfaw.

1 Kɔrintian 1:20 ပူးပေါင်းရင်းမြစ်များ

Matiu 13:22

Gə fɨ maa say faŋ vɨ mɔ̀ꞌ taa nyawsə nə, lùu yaa wə faŋ ŋwə zɔ̀ yigisə Nwi, luu nə, ywìitə sheꞌ vətɔ və shɨ nsi, vənu və ka bweꞌsə ŋwə nɨzi, kà nu Nwi kɔ́ fɨ taa fwi ŋwə, ŋkə ku, kee yə̀əsə ŋgwisə yi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:31

Yighee kuꞌ faŋ Nwi taa sɔꞌ nsɔꞌsə vɨɨ taa mbi nyə̀. Yighee kuꞌ faŋ vɨ taa jɔŋ tɨɨ mbi, Satan, fɨ taa mbi nyə̀.

Akts 17:18

Vɨɨ mɔ́ꞌ faŋ nə luu vɨɨ məkəə ŋiꞌ mbi, faŋ vɨ tii vəŋ nə vɨɨ Epikurian nə vɨɨ Stoik, zɔ yigisə Pɔɔl nɨzi. Vɨɨ mɔ́ꞌ gi laa, «Wuu shuu yaŋ ŋwə̀ sii taa bee gi kə?» Vɨɨ mɔ́ꞌ gi laa ŋwə kəꞌ yaa wə faŋ ŋwə fɨꞌtə nu vənwi və tɔmə day. Vəŋ nə gì nɨniŋ, buꞌ laa Pɔɔl nəə fɨꞌtə nu Yeso nə nu məywey fɨ shɨ yiku.

Roma 1:20

Maa kaꞌ wə yè vətɔ mbɨə faŋ Nwi nə bɔ̀ŋ, shù fɨ faŋ Nwi nə bɔ̀ŋ mbi nə. Wə kɨ kwatə tɔ ki, buu kaꞌ ŋwə kɔꞌ kɨɨ laa wə ntɨə faŋ ŋwə nə bɔ̀ŋ vətɔ vɔ́ lùu shɔ, baa lùu weꞌ, baa lùu Nwi yinsəŋ, goꞌsə nɨniŋ yighee muꞌ. Kaꞌ wə kɨ̀ɨ nɨniŋ, faŋ kɔlə kaꞌ vɨ kee yè Nwi nə sɨ me. Nɨniŋ, nu kee lùu shɔ, tɨ́ kaꞌ vəŋ gì maa məfi yitɔ yivəŋ me.

Roma 1:22

Vəŋ gisə laa vəŋ lùu vɨɨ tɔ ley, luu nə, vəŋ gu vəmfaw.

1 Kɔrintian 1:19

Luu sheꞌ faŋ vɨ nyɔ̀ꞌ taa ŋwaꞌlə Nwi laa Nwi gì laa, «Mə taa bɨsə yitɔfə vɨɨ mbɨə faŋ vəŋ kìi yitɔfə, baa twèy yitɔfə vɨɨ mbɨə faŋ vəŋ kɨɨ nə ŋwaꞌlə.»

1 Kɔrintian 1:26

Vaŋ-nshwi vaŋ, viŋ lumə faŋ Nwi nə shòꞌ viŋ laa viŋ lùu mbii vɨɨ nə, ŋwə nə shòꞌ kəŋ vɨɨ mbɨə? Maa vɨɨ mbɨə faŋ vəŋ kìi yitɔfə fɨ taa mbi nyə̀, kee lùu vəyaŋ taa ŋwaa viŋ me. Vɨɨ kwalə nə vəshɨꞌ kee lùu vəyaŋ taa ŋwaa viŋ me.

1 Kɔrintian 1:27

Nwi nə shòꞌ luu vɨɨ faŋ vɨ tii vəŋ nə vəmfaw taa mbi nyə̀, tɨ́ kaꞌ tɔ dɨɨ ndɔ luu tɨ́ vɨɨ mbɨə faŋ vəŋ gì laa vəŋ lùu vɨɨ tɔ-ley. Nwi baa shòꞌ vɨɨ mbɨə faŋ vəŋ kee kìi wutə me, tɨ́ kaꞌ tɔ dɨɨ lùu tɨ́ vɨɨ mbɨə faŋ vəŋ gì laa vəŋ kìi wutə.

1 Kɔrintian 1:28

Ŋwə shòꞌ vɨɨ mbɨə faŋ vəŋ kee lùu nu taa mbi nyə̀ me, nə mbɨə faŋ vɨɨ yaa kɨ shiasə vəŋ. Nwi ndɨ̀ ŋkee vətɔ vədayday, yɨ̀ laa mbə shɔɔ vətɔ mbɨə faŋ vɨɨ taa mbi nùŋ fwi shɔ, kɨ gisə laa lùu ŋkee vətɔ nə.

1 Kɔrintian 11:32

Nu ŋkɨə faŋ Nwi yuu kɨ kwaŋ nsiŋ taa nsɔꞌ, lùu laa Nwi kəə də̀ tɨ́ nsiŋ laa nsiŋ gù vənu, tɨ́ kaꞌ nsiŋ kwìinə fwi saŋ-nsiŋ, kee ndɔ baa ŋìi taa nsɔꞌ Nwi maa shi ŋkɨə faŋ Nwi ndɔ kɨ sɔꞌ mbi yinshə, ndìsə vɨɨ bwənə vənshə me.

1 Kɔrintian 2:6

Luu nə, yitɔfə yimɔ́ꞌ lùu shɔ faŋ yia fɨꞌtə nu Nwi tɨ́ vɨɨ mbɨə faŋ nu Nwi lwàŋ taa fwisə vəŋ. Kəŋ tɔ-ley kɔ́ kee ndɔ̀ fɨ taa mbi nyə̀ me, tɨꞌnə me fɨ ghɔ vəwutə faŋ mbə sɔꞌ mbi nyə̀ me.

1 Kɔrintian 2:8

Vəwutə vənshə faŋ mbə sɔꞌ mbi nyə̀, kee kɨ̀ɨ nə kəŋ tɔ-ley kɔ́ me. Mbə nəə toꞌ kɨɨ, buu vəŋ nə kee bèy tɨta Yeso Kristo, faŋ lùu Tɨɨ vəwutə, fuu fəŋkɔꞌ fə ŋkɨꞌsə me.

1 Kɔrintian 3:18

Kɨ wə kɨ bweꞌsə ŋwaa wi me. Wə kɨ luu lùu taa ŋwaa viŋ, faŋ ŋwə bɨꞌtə laa yi kìi yitɔfə taa mbi nyə̀, bàw ŋwə kiasə gù wə faŋ ŋwə kee kɨ̀ɨ nə nu me, buu kaꞌ ŋwə ndɔ kìi yitɔfə njyə faŋ lùu yitɔfə yinsəŋ.

1 Kɔrintian 3:19

Mə gì nɨniŋ buꞌ laa vənu faŋ mbi ndɨ̀ yaa vənu və tɔ-ley, lùu vənu və vəmfaw vɨsɨ Nwi. Lùu nu yinsəŋ faŋ vɨ nyɔ̀ꞌ taa ŋwaꞌlə Nwi laa, «Nwi kɔꞌsə vɨɨ tɔ-ley maa nu tɔ-ley vəŋ.»

1 Kɔrintian 6:2

Viŋ kee yikɨɨ laa ndɔ sɔꞌ vɨɨ Nwi sɔꞌ nsɔꞌsə vɨɨ fɨ taa mbi maa yighee yifwàŋ Nwi yimu? Faŋ ŋkə lùu nɨniŋ, faŋ shi mɔ́ꞌ ndɔ kɨ jwi, viŋ sɔꞌ nsɔꞌsə vɨɨ fɨ taa mbi nə, sii yɨ̀ kə laa kaꞌ viŋ kee sɔ̀ꞌ vaŋ-nsɔꞌsə fɨ taa ŋwaa viŋ ndwə me?

Jeyms 4:4

Aŋ viŋ, vɨɨ faŋ viŋ kee nùŋ fwi siŋ maa Nwi me. Maa viŋ kɨɨ laa, wə kɨ luu kɨ kaw vətɔ vɨ shɨ nsi, buu ŋwə lùu wuu mbeenə Nwi. Wə tɨ̀ me wə faŋ ŋwə kwaŋ fwi yi maa vətɔ və shɨ nsi, buu ŋwə lùu wuu mbeenə Nwi.