1 Kɔrintian 1:2 - Vengo (Babungo)

² Yia Sɔsteniis nyɔꞌ ŋwaꞌlə ŋwə̀ tɨ́ nwaa vɨɨ Nwi fɨ shɨ Kɔrint. Viŋ lùu vɨɨ ley Nwi buꞌ faŋ viŋ fàynə viŋ vɨ Yeso Kristo. Nə shòꞌ Nwi shòꞌ viŋ laa viŋ luu vɨɨ vi, ghɔ vɨ vɨɨ vənshə, faŋ vəŋ bəŋsə Tii ŋwaa-nsiŋ Yeso Kristo maa vəshəŋ vənshə. Yeso Kristo lùu Tɨɨ vəŋ, baa lùu Tii ŋwaa-nsiŋ nɨzi.

1 Kɔrintian 1:2 ပူးပေါင်းရင်းမြစ်များ

Akts 10:36

Viŋ kɔꞌ kɨɨ nə yigi njyə faŋ Nwi nə tɔ̀ŋ tɨ́ vɨɨ Isirayl laa, mənɔŋ-bwaŋnə lùu fɨ yiba Yeso Kristo. Yeso lùu wuu məsɔꞌ mbi yinshə.

Akts 15:9

Nwi nə kee seesə nsiŋ vɨ vəŋ me, sɔ̀ fwisə vəŋ, nsə ley, faŋ vəŋ nə nùŋ fwisə vəŋ maa Kristo nə.

Akts 18:1

Pɔɔl kɨ nii ndɔ̀ fɨ ntɨꞌ Atens, shɔ̀ɔ gə Kɔrint.

Akts 22:16

Ŋwə kɨ nii baa bìtə shee laa mə sii kɨꞌ kə? «Bàw a ndɔ yizɔ, fì muu mə Nwi, kɨ tii yizii Yeso laa ŋwə sɔ nu bwə kə.»

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

Akts 9:13

Ananias bəŋsə laa, «Tɨta, mə nə zɔ̀ fɨ ghɔ vɨɨ vəyaŋ laa wə ghɔ́ nəə yɨsə vənu vəbwəvə dɨdɨꞌ maa vɨɨ ley Nwi fɨ ntɨꞌ Jerusalem.

Akts 9:14

Mə baa zɔ̀ laa vɨɨ kwalə məfeꞌ Nwi kɔ̀ wutə tɨ́ ŋwə laa ŋwə jia vɨɨ vənshə feenə, faŋ vəŋ tii yizii yə, fə̀ŋ vəŋ.»

Akts 9:21

Shuu vɨɨ vənshə yɔŋ faŋ vəŋ nə zɔ̀ yigisə yi. Vəŋ gi laa, «Kee lùu wə ntɨə faŋ ŋwə nəə kəə ndisə vɨɨ mbɨə faŋ vəŋ nəə tii yizii nyə̀ ntɨꞌ Jerusalem nə yimu? Maa ŋwə nə jwì feenə maa məjiatə kəŋ vɨɨ vɔ́, bə̀ŋ gə̀ nə vəŋ tɨ́ vɨɨ kwalə məfeꞌ Nwi.»

Roma 1:7

Nɨniŋ, mə tɔ̀ŋ ŋwaꞌlə ŋwə̀ tɨ́ viŋ vənshə, faŋ viŋ lùu shɨ Rom, faŋ Nwi kaw viŋ, baa tìi viŋ laa viŋ luu vɨɨ vi. Nwi, Tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

Roma 10:12

Nu wuu Jus nə nu wuu Griik kee lùu nɨŋkwiŋ nɨŋkwiŋ me, buꞌ laa wə ntɨə faŋ ŋwə kìi vəŋ, luu sheꞌ muꞌ, luu Nwi. Ŋwə kɔ̀ vətɔ vəjəəvə tɨ́ vɨɨ vənshə faŋ vəŋ tii yizii yi.

Roma 3:22

Jɨɨ yɔ́ lùu laa wə nuŋ fwi yi maa Yeso Kristo, buu Nwi kiasə vənu vi, mbə loomə. Jɨɨ yɔ́ lùu tɨ́ vɨɨ vənshə faŋ vəŋ nùŋ fwisə vəŋ maa ŋwə, faŋ vəŋ kɔlə lùu vɨɨ fə, ŋkwiinə kee lùu shɔ me.

Roma 8:28

Nsiŋ kɔꞌ kɨɨ laa vənu vənshə ndɔ kɨ fuu vəjəə tɨ́ vɨɨ mbɨə faŋ vəŋ kaw Nwi, faŋ Nwi tìi maa njii ŋkitə.

1 Kɔrintian 1:30

Luu buꞌ Nwi, faŋ viŋ gù fa kəmuꞌ viŋ vɨ Yeso Kristo. Nə yɨsə Nwi laa nu Kristo gu nu tɔ-ley tɨ́ nsiŋ. Luu sheꞌ buꞌ Yeso faŋ Nwi ndɨ̀ nsiŋ yaa vɨɨ faŋ vənu vəvəŋ lùu vəloomə. Yɨsə ŋwə buu nsiŋ lùu vɨɨ ley Nwi. Ŋwə bweysə nsiŋ fɨ ghɔ vənu vəbwəvə.

1 Kɔrintian 10:32

Kɨ kɨɨ buꞌ viŋ yɨ nu faŋ ŋkə taa yɨ laa fwi wə shə. Kɨ luu wə ghɔ́ lùu wuu Jus, tɨꞌnə me wuu tɔmə day, tɨꞌnə me wuu Nwi, kɨ viŋ yɨsə fwi yi shə me.

1 Kɔrintian 12:27

Gə fɨ maa viŋ, viŋ faynə shəŋ muꞌ maa mənaysə ŋwaa Kristo faŋ ŋwə lùu muꞌ. Wə tɨ̀ me wə fɨ taa ŋwaa viŋ lùu fɨ maa laŋnə ŋwaa Kristo kɔ́.

1 Kɔrintian 8:6

nsiŋ kɔꞌ kɨɨ laa Nwi luu sheꞌ muꞌ. Lùu ŋwə lùu Tii ŋwaa-nsiŋ. Bɔ̀ŋ ŋwə bɔ̀ŋ vətɔ vənshə. Ŋwə baa bɔ̀ŋ nsiŋ, laa nsiŋ kɨ kɔ feenə tɨ́ ŋwə. Wə ntɨə faŋ ŋwə kìi nsiŋ, luu sheꞌ muꞌ, lùu Yeso Kristo. Nwi nə shɔ̀ɔ fɨ yiba jɨŋ ŋwə, buu bɔŋ vətɔ vənshə. Məbwey ŋwaa-nsiŋ ndɔ̀ fɨ ghɔ ŋwə.

2 Kɔrintian 1:1

Lùu mə, Pɔɔl, faŋ Nwi nə shòꞌ mə laa mə luu wuu faꞌ Yeso Kristo, baa nə weenshu ŋwaa-nsiŋ Timoti, faŋ yia nyɔ̀ꞌ ŋwaꞌlə ŋwə̀ tɨ́ viŋ. Yia nyɔ̀ꞌ tɨ́ viŋ, vɨɨ ley Nwi vənshə fɨ shɨ Kɔrint nə fɨ nsi Akaya yinshə.

2 Kɔrintian 4:5

Nu ŋkɨə faŋ yia fɨꞌtə, kee bee lùu nu kia me, lùu ŋkə tɨta Yeso Kristo. Yia lùu vɨɨ faꞌ viŋ buꞌ Yeso.

Galatia 1:2

Mə nyɔ̀ꞌ ŋwaꞌlə ŋwə̀, yia vɨɨ məbiŋ Kristo vənshə faŋ yia vɨ vəŋ lùu feenə. Yia vənshə shɔꞌtə viŋ, vɨɨ Nwi fɨ shɨ Galatia.

Efesɔs 5:26

Nɨniŋ laa ŋwə yɨ̀sə vəŋ ley tɨ́ Nwi. Ŋwə nə sɔ̀ yibɨsə vəŋ fɨ maa vəŋ, faŋ ŋwə nə kɔ̀ yigisə Nwi nə muu mə Nwi tɨ́ vəŋ.

1 Tesalonika 1:1

Lùu mə, Pɔɔl, nə Silvanɔs, baa nə Timoti, faŋ yia nyɔ̀ꞌ ŋwaꞌlə ŋwə̀ tɨ́ nshəŋtə vɨɨ Nwi fɨ ntɨꞌ Tesalonika maa yizii tɨta Nwi, baa nə tɨta Yeso Kristo. Nwi kɔ viŋ nə mənɔŋ-bwaŋnə, baa nə məduꞌ-nyɔŋ!

1 Tesalonika 4:7

Nwi nə kee tìi nsiŋ laa nsiŋ kɨ yɨsə vənu vəbwəvə me. Ŋwə nə tìi nsiŋ laa nsiŋ baw shɨlə, gə̀ nə vɨsɨ.

2 Tesalonika 1:1

Lùu mə, Pɔɔl, nə Silvanɔs, baa nə Timoti, faŋ yia tɔŋ ŋwaꞌlə ŋwə̀ tɨ́ məshəŋtə vɨɨ Kristo fɨ ntɨꞌ Tesalonika, faŋ viŋ shə̀ŋtə maa yizii Nwi, tii ŋwaa-nsiŋ, nə tɨta ŋwaa-nsiŋ Yeso Kristo.

1 Timoti 2:8

Nɨniŋ, mə kəə laa vəndɔŋ kɨ shɔꞌtə Nwi maa vəshəŋ vənshə faŋ viŋ shəŋtə shɔ nə, shaꞌsə ghɔ vəŋ yizɔ. Bàw vəndɔŋ kɨ shɔꞌtə Nwi nə fwi yimuꞌ, tuu nu bwə kee lùu maa vəŋ me, fwi vəŋ kee kɨ shəsə me.

1 Timoti 3:15

Kɨ luu mə ndɔ tay, bàw a kɨɨ faŋ kaꞌ a kɨ yɨsə vənu taa ŋii Nwi. Ŋii Nwi yɔ́ lùu nshəŋtə vɨɨ Nwi faŋ Nwi goꞌsə yighee muꞌ. Ŋii yɔ́ baa luu tweꞌ faŋ ŋkə tɔ̀ŋ nu yinsəŋ.

2 Timoti 1:9

Ŋwə nə bwèysə nsiŋ, shoꞌ nsiŋ maa vɨɨ ley vi, kee kɨ tii nsiŋ buꞌ vənu vəjəəvə vaŋ-nsiŋ me. Ŋwə nə tìi nsiŋ luu buꞌ faŋ nshɨ-tɔ wi nə kɔ̀ꞌnə taa fwi ŋwə shù fɨ maa vənzi və mbi, laa ŋwə ndɔ kee gəŋ saŋ-nsiŋ, faŋ ŋwə ndɔ tɔŋ Yeso Kristo tɨ́ nsiŋ nə.

2 Timoti 2:19

Luu nə, shɨ ŋii weꞌnə ŋkɨə faŋ Nwi nə bɔ̀ŋ, gòꞌsə yighee muꞌ. Shwenə ki lùu laa, «Nwi kɔꞌ kɨɨ nə vɨɨ mbɨə faŋ ŋwə nə shòꞌ,» baa nə laa, «Wə ntɨə faŋ ŋwə tii yizii Mɔꞌmbi, bàw ŋwə fuu fɨ taa vənu vəbwəvə.»

2 Timoti 2:22

Kɨ nyɨŋ vənu vəbwəvə mbɨə faŋ zawə yaa kɨ kəə, beꞌsə luu fɨ yiba jɨŋ nu faŋ lùu nu loomə, baa nə maa mənuŋ fwi yə maa Kristo, baa nə maa məkaw vɨɨ, baa nə maa məduꞌ bwaŋnə viŋ vɨ vɨɨ vənshə faŋ vəŋ tii yizii tɨta Kristo nə fwi yiley.

Hibru 10:10

Lùu nu ŋkɨə faŋ ŋkə yɨ̀sə laa nsiŋ ley vɨsɨ Nwi. Nsiŋ lùu vəley buꞌ laa Yeso Kristo nə yɨ̀sə nu ŋkɨə faŋ Nwi kəə laa ŋwə yɨ. Ŋwə nə kɔ̀ ŋwaa wi yaa ndey tɨ́ Nwi, kù tɔ nsiŋ yighee muꞌ.

Hibru 13:12

Luu sheꞌ nɨniŋ faŋ Yeso nə yè ŋɨꞌ shɔ, fu fɨ taa shɨ, kù, tɨ́ kaꞌ mənshi mi faŋ ŋwə tùtə nə, sɔ̀ yibɨsə vɨɨ fɨ maa vəŋ.

Hibru 2:11

Yeso yɨsə vɨɨ duꞌ vəley vɨsɨ Nwi. Vɨɨ mbɨə faŋ Yeso yɨ̀sə vəŋ duꞌ vəley nə, ghɔ nshɨ-tɔ Yeso kìi Tɨɨ vəŋ muꞌ. Lùu ŋiꞌ nu ŋkɨə faŋ Yeso tii vəŋ nə vaŋ-nshwi vi. Tɔ ki kee dɨ̀ɨ shɔ me.

Ŋwaꞌlə Jud 1:1

Lùu mə, Jud, wuu faꞌ Yeso Kristo, weenshu Jeyms, faŋ mə nyɔ̀ꞌ ŋwaꞌlə ŋwə̀ tɨ́ viŋ, vɨɨ mbɨə faŋ Nwi, Tii ŋwaa-nsiŋ kàw viŋ, baa shòꞌ viŋ laa viŋ luu mbii vɨɨ nə. Viŋ baa lùu vɨɨ faŋ Yeso Kristo shiinə viŋ, buꞌ nu mɔ́ꞌ kɔ̀ŋ viŋ.

Reveleyshən 19:16

Vɨ nyɔꞌ maa njwi yi maa yiŋii yi laa, «Fwàŋ vəfwàŋ, nə Tɨɨ vɨɨ məsɔꞌ mbi.»