1 Kɔrintian 1:18 - Vengo (Babungo)

¹⁸ Vɨɨ mbɨə faŋ vəŋ toꞌ fɨ maa jɨɨ yiku, ndɨ yigi yɔ́ kɔ̀ŋ yiku Yeso fuu fəŋkɔꞌ fə ŋkɨꞌsə yaa yigisə vəmfaw. Gə̀ fɨ maa nsiŋ, faŋ Nwi bwèysə nsiŋ nə, nsiŋ kɔꞌ kɨɨ laa wutə Nwi lùu shɔ.

1 Kɔrintian 1:18 ပူးပေါင်းရင်းမြစ်များ

Akts 13:41

«Vɨɨ məshiasə nu kaŋ, viŋ ye, shuu wiŋ yɔŋ, viŋ ndɔ ndi. Mə ndɔ yɨsə nu sɨ viŋ, ŋkee nu, faŋ kaꞌ wə gì tɨ́ viŋ, viŋ kee biŋ me.»

Akts 17:18

Vɨɨ mɔ́ꞌ faŋ nə luu vɨɨ məkəə ŋiꞌ mbi, faŋ vɨ tii vəŋ nə vɨɨ Epikurian nə vɨɨ Stoik, zɔ yigisə Pɔɔl nɨzi. Vɨɨ mɔ́ꞌ gi laa, «Wuu shuu yaŋ ŋwə̀ sii taa bee gi kə?» Vɨɨ mɔ́ꞌ gi laa ŋwə kəꞌ yaa wə faŋ ŋwə fɨꞌtə nu vənwi və tɔmə day. Vəŋ nə gì nɨniŋ, buꞌ laa Pɔɔl nəə fɨꞌtə nu Yeso nə nu məywey fɨ shɨ yiku.

Akts 17:32

Vɨɨ vɔ́ kɨ zɔ nu məywey fɨ shɨ yiku, vɨɨ mɔ́ꞌ taw ŋwə, vɨɨ mɔ́ꞌ gi laa vəŋ ndɔ baa jwi zɔ nu kɔ́ fɨ ghɔ ŋwə shi day.

Akts 2:47

bəŋsə Nwi. Vɨɨ vənshə ŋaytə maa vəŋ. Nwi baa kùꞌsə nwaa vəŋ shi shi nə vɨɨ faŋ Nwi bwèysə vəŋ nɨzi.

Roma 1:16

Tɔ kaŋ kee dɨdɨɨ maa ntɔŋ yijəə Nwi yɔ́ me, buꞌ laa lùu nu wutə Nwi, faŋ ŋkə kɔ məbwey vəlwaŋ tɨ́ vɨɨ mbɨə faŋ vəŋ nùŋ fwisə vəŋ maa Kristo, zì fɨ maa vɨɨ Jus, gə kɔ tɨ́ vɨɨ tɔmə day.

1 Kɔrintian 1:21

Maa yighee njyə faŋ Nwi nə də̀ yitɔfə yi tɨ́ vɨɨ fɨ taa mbi nyə̀, vəŋ nə kee bee kɨ̀ɨ nə Nwi fɨ taa tɔ-ley vəŋ me. Nɨniŋ, fwi Nwi nə bàw maa məbweysə vɨɨ mbɨə faŋ vəŋ nùŋ fwisə vəŋ maa Yeso Kristo buꞌ faŋ vəŋ zɔ̀ nu Nwi kɔ́, faŋ ŋkə lùu yaa yigisə vəmfaw nə.

1 Kɔrintian 15:2

Luu sheꞌ buꞌ yigi yɔ́ faŋ Nwi bwèysə viŋ, faŋ viŋ nùŋsə yigi yɔ́ sheꞌ faŋ mə nə nàysə tɨ́ viŋ nə. Toꞌ kee lùu nɨniŋ me, buu viŋ nùŋ fwi siŋ maa Kristo sheꞌ dayday.

1 Kɔrintian 2:14

Wə ntɨə faŋ ŋwə kee kìi Zwitə Nwi taa fwi ŋwə me, kaꞌ ŋwə kee bìŋ vənu mbɨə faŋ mbə ndɔ fɨ ghɔ Zwitə Nwi me. Kəŋ wə ghɔ́ kaꞌ ŋwə kee kɨ̀ɨ nə vənu vɔ́ me. Ŋkə lùu tɨ́ ŋwə yaa vənu və vəmfaw, buꞌ laa luu sheꞌ Zwitə Nwi faŋ ŋkə yaa kɨ yɨsə wə kɨ̀ɨ nə kəŋ vənu ghɔ́.

1 Kɔrintian 2:2

Mə nə tə laa bàw viŋ kɨɨ sheꞌ ŋiꞌ nu Yeso Kristo laa vɨ nə bèy ŋwə fuu fəŋkɔꞌ fə ŋkɨꞌsə, ŋwə ku tɔ nsiŋ.

1 Kɔrintian 3:19

Mə gì nɨniŋ buꞌ laa vənu faŋ mbi ndɨ̀ yaa vənu və tɔ-ley, lùu vənu və vəmfaw vɨsɨ Nwi. Lùu nu yinsəŋ faŋ vɨ nyɔ̀ꞌ taa ŋwaꞌlə Nwi laa, «Nwi kɔꞌsə vɨɨ tɔ-ley maa nu tɔ-ley vəŋ.»

1 Kɔrintian 4:10

Yia lùu yaa vəmfaw buꞌ faŋ yia fɨꞌtə nu Kristo. Gə fɨ maa viŋ, viŋ lùu yaa vɨɨ tɔ-ley buꞌ Kristo. Yia kee kìi wutə me. Luu nə, viŋ kìi wutə. Viŋ lùu vɨɨ faŋ vɨ fee viŋ. Luu nə, yia lùu vɨɨ faŋ vɨ gisə mbi yibwə tɔ yia.

2 Kɔrintian 10:4

Vətɔ və yighaw mbɨə faŋ nsiŋ tuŋ yighaw shɔ, kee lùu vətɔ və taa mbi me, lùu vətɔ və yighaw və Nwi, faŋ mbə lùu ŋkee vəweꞌ, faŋ kaꞌ vɨ bɨsə vətɔ vəweꞌvə shɔ. Yia bɨsə yigisə mənay shɔ,

2 Kɔrintian 4:3

Kɨ luu laa ntɔŋ yijəə Nwi, faŋ yia fɨꞌtə tɨ́ vɨɨ nə, kee yiley tɨ́ vɨɨ mɔ́ꞌ me, buu lùu tɨ́ vɨɨ mbɨə faŋ vəŋ ndɔ ndi.

1 Tesalonika 1:5

fɔnə ntɔŋ yijəə Nwi faŋ yia nə fɨ̀ꞌtə tɨ́ viŋ nə, kee jwì taa ŋwaa viŋ sheꞌ fɨ maa yigisə shuu me. Ŋkə nə jwì ŋkee nə wutə Nwi, baa nə Zwitə Ley Nwi. Yia nə də̀ tɨ́ viŋ faŋ ntɔŋ yijəə yɔ́ luu ŋkee nu yinsəŋ. Viŋ kɔꞌ kɨɨ faŋ yia nə tòꞌ taa ŋwaa viŋ maa mədə jɨɨ tɨ́ viŋ.

2 Tesalonika 2:10

Ŋwə ndɔ bweꞌsə vɨɨ nə taŋ vənu vədayday vənshə faŋ mbə kee lùu vəloomə me, bwèꞌsə vɨɨ mbɨə faŋ vəŋ nə kee kàw nu yinsəŋ me, tɨ́ kaꞌ Nwi bwèysə vəŋ me. Vəŋ ndɔ ndi vənshə.

Hibru 12:2

Bàw nsiŋ tə sɨ sheꞌ maa Yeso faŋ ŋwə nə ŋaꞌsə jɨɨ tɨ́ nsiŋ, tɨ́ kaꞌ nsiŋ nùŋ fwi saŋ-nsiŋ maa ŋwə. Ŋwə baa luu gaŋtə nsiŋ, tɨ́ kaꞌ nsiŋ kɨ gə nə vɨsɨ, kɨ bɨbiŋ nu ki, zìꞌ maa vəndwə. Ŋwə nə bìŋ maa məku ŋkee yiku tɔ dɨɨ fuu fəŋkɔꞌ fə ŋkɨꞌsə, kee shə̀ŋ maa nu tɔ dɨɨ kɔ́ me. Ŋwə nə tə̀ sɨ laa yi ndɔ kii məŋaytə ŋgwə faŋ Nwi nùŋsə tɨ́ ŋwə nə. Nɨniŋ, ŋwə dùꞌ fuu ŋkaw yifwàŋ maa kwiŋ maꞌnə Nwi ndwə.

Hibru 4:12

Nsiŋ kɔꞌ kɨɨ laa yigisə Nwi lùu nu məbwey, kìi wutə, baa shə shɔ̀ɔ baꞌ yighaw faŋ ŋkə lùu kəshəsə nə, shə̀ kwiŋ nshə, tɨ́ kaꞌ nyə ŋii ŋkee taa fwi wə, ŋii ŋkee taa vəyəə və ŋwaa və wə. Nyə baa luu də mbɨꞌtə wə faŋ wə bɨꞌtə fɨ taa fwi ŋwə.