1 Kɔrintian 1:12 - Vengo (Babungo)

¹² Viŋ gàasə yiŋwaa yiŋ, vɨɨ mɔ́ꞌ gi laa vəŋ beꞌsə Pɔɔl, vɨɨ mɔ́ꞌ laa vəŋ lùu vɨɨ Apɔlɔs, vəmɔ́ꞌ laa vəŋ beꞌsə Pita, vəmɔ́ꞌ laa vəŋ beꞌsə sheꞌ Kristo.

1 Kɔrintian 1:12 ပူးပေါင်းရင်းမြစ်များ

Matiu 23:8

Gə fɨ maa viŋ, kɨ viŋ biŋ laa vɨɨ kɨ tii viŋ nə vɨɨ mədeesə vəkwalə me, buꞌ laa wuu mədeesə wiŋ luu sheꞌ muꞌ, lùu Nwi. Viŋ vənshə kɨ nii lùu vaŋ-nshwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:42

Nɨniŋ, Andru ndi weenshu wi, ghɔ ŋwə gə yɨ Yeso. Yeso ye Saymon, gì tɨ́ ŋwə laa, «A lùu Saymon, wee Jɔn, vɨ taa kɨ tii ghɔ nə Sifas.» Yizii Sifas luu sheꞌ yizii Pita faŋ lùu laa yighɔsə.

Akts 18:24

Maa yighee yɔ́ wuu Jus mɔ́ꞌ nə luu shɔ faŋ yizii yi luu Apɔlɔs, faŋ vɨ nə bi ŋwə ntɨꞌ Alesandria (fɨ shɨ Ijip). Wə ghɔ́ jwi shɨ Efesɔs, faŋ ŋwə nə luu wuu yigisə yijəənə baa lùu yineꞌtə, baa wèꞌ maa ŋwaꞌlə Nwi.

Akts 19:1

Nə luu maa yighee yɔ́ faŋ Apɔlɔs nə luu ntɨꞌ Kɔrint fɨ shɨ Akaya, Pɔɔl shɔɔ fɨ taa təkweꞌ fɨ nsi Asia, siꞌ jwi shɨ Efesɔs. Faŋ ŋwə nə ziꞌ shɨ Efesɔs, yè vɨɨ məbiŋ nu Kristo vəmɔ́ꞌ,

1 Kɔrintian 1:11

Vaŋ-nshwi vaŋ, mə gì nɨniŋ, buꞌ laa vɨɨ ŋiinə Kloe nàysə shee laa vɨɨ mɔ́ꞌ fɨ taa ŋwaa viŋ tay ntaysə.

1 Kɔrintian 15:5

Faŋ ŋwə nə ywèy fɨ shɨ yiku nə, ŋwə nə bɨ fùu yikəꞌ Pita, kɨ nii baa fùu yikəꞌ vɨɨ məzwetə nu Yeso njɔsə-bɔɔ, vəŋ ye ŋwə nə sɨ.

1 Kɔrintian 15:50

Vaŋ-nshwi vaŋ, mə naysə tɨ́ viŋ laa, kaꞌ ŋwaa wə fɨ shɨ nsi kee ndɔ zɨ yifwàŋ Nwi me. Fa faŋ kaꞌ ŋkə shuu, kee ndɔ goꞌ maa shuu me.

1 Kɔrintian 16:12

Gə fɨ maa weenshu ŋwaa-nsiŋ Apɔlɔs, mə nəə buꞌ ghɔ tɨ́ ŋwə ghee yaŋ, laa ŋwə beꞌsə vaŋ-nshwi vəmɔ́ꞌ, jwì yɨ viŋ, ndèynə viŋ. Luu nə, ŋkə nə kee lùu taa ŋkɨɨ Nwi laa ŋwə jwi maa yighee nyə̀ me. Ŋwə taa kii yighee, buu jwi yɨ viŋ.

1 Kɔrintian 4:6

Vaŋ-nshwi vaŋ, nu ŋkɨə faŋ mə nii gìsə nə, mə gìsə kɔ̀ŋ nshɨ-tɔ ŋwaa nə Apɔlɔs maa məgaŋtə viŋ, tɨ́ kaꞌ viŋ kɨ̀ɨ nə ŋiꞌ yigi njyə faŋ nyə gì laa, «Bàw wə kɨ toꞌ sheꞌ maa nu ŋkɨə faŋ ŋkə lùu taa ŋwaꞌlə Nwi. Kɨ wə kɨ dee ki me.» Ŋkə kee kùꞌnə laa viŋ kɨ koꞌsə yiŋwaa buꞌ wə me, ndɔ baa suꞌsə wə mɔ́ꞌ nsi.

1 Kɔrintian 7:29

Vaŋ-nshwi vaŋ, viŋ zɔ nu ŋkɨə faŋ mə naysə tɨ́ viŋ! Yighee njyə faŋ Nwi kɔ̀ tɨ́ nsiŋ lùu yituŋsə. Lùu vəshi vəshə ndwə. Nɨniŋ, bàw vɨɨ mbɨə faŋ vəŋ ndàa vəki, kee shoꞌ fwi vəŋ, nùŋ maa vəki vɔ́ me, kɨ shi yaa vɨɨ faŋ vəŋ kee ndàa vəki me.

1 Kɔrintian 9:5

Ŋkə nə kee yikuꞌnə laa yia ndaa vəki, kɨ toꞌ yia vɨ vəŋ mɔ́ꞌ yimu? Maa ŋkə nə kùꞌnə tɨ́ yia sheꞌ yuu ŋkə kùꞌnə tɨ́ Pita ghɔ vɨɨ ntɔŋ Yeso vəmɔ́ꞌ, baa nə vaŋ-nshwi Yeso, faŋ vəŋ yɨsə nɨniŋ.

2 Kɔrintian 10:7

Viŋ ndeynə nu faŋ kaꞌ ŋkə luu kəley sɨ viŋ. Wə mɔ́ꞌ lùu shɔ faŋ ŋwə lumə ŋwaa wi laa yi lùu wuu Kristo, bàw ŋwə baa ywiitə fɨ taa fwi ŋwə laa yia lùu vɨɨ Kristo sheꞌ yaa ŋwə.

2 Kɔrintian 9:6

Viŋ lumə laa wə ntɨə faŋ ŋwə sɔ̀ say tɨtiꞌ, ndɔ shwi tɨtiꞌ; wə ntɨə faŋ ŋwə sɔ̀ yaŋ, ndɔ shwì yaŋ.

Galatia 2:9

Nɨniŋ, Jeyms nə Pita [Sifas] nə Jɔn, faŋ vɨɨ Nwi nə ndi vəŋ yaa vətweꞌ, baa lùu ŋkee vɨɨ kwalə fɨ taa ŋii Nwi, nə ye laa Nwi kɔ̀ faꞌ ghɔ́ shee yinsəŋ, yia vɨ vəŋ nə Barnabas sə̀ŋnə ghɔ, faŋ nə luu shwenə laa yia lùu fa kəmuꞌ, yia vɨ vəŋ. Vəŋ biŋ laa, yia Barnabas gə fàꞌ taa ŋwaa vɨɨ faŋ kee lùu vɨɨ Jus me, vəŋ gə fàꞌ taa ŋwaa vɨɨ Jus.

Galatia 3:17

Bàw vənu və̀ faŋ mə gisə nə, luu vəley tɨ́ viŋ, Nwi nə kɔ̀ꞌnə nu kɔ́ tɨ́ Abraham ŋkee fɨshi, gwìa məkee ghɔ ŋwə. Ŋuꞌsə kɨ nii shɔɔ yiwa yishwe nə ŋuꞌ muu-ntia, buu Nwi kɔ ntɨsə tɨ́ vɨɨ Jus. Nɨniŋ, ntɨsə sɔ́ kee kìi wutə maa məbɨsə məkee mbɔ́, faŋ Nwi nə gwìa ghɔ Abraham nə me. Kɨ kaꞌ ntɨsə sɔ́ kee bɨ̀sə ŋkɔꞌnə yɔ́, faŋ Nwi nə kɔ̀ꞌnə nə me.