1 Kɔrintian 1:10 - Vengo (Babungo)

¹⁰ Vaŋ-nshwi vaŋ, mə tɨsə viŋ maa yizii Tɨta ŋwaa-nsiŋ Yeso Kristo, laa nu kiŋ luu kəmuꞌ, yigisə yiŋ luu yimuꞌ. Kɨ viŋ kɨ gaasə yiŋwaa vəway vəway me. Bàw mbɨꞌtə yiŋ luu yimuꞌ. Viŋ nuŋ fwi siŋ maa nu kəmuꞌ.

1 Kɔrintian 1:10 ပူးပေါင်းရင်းမြစ်များ

Matiu 9:16

Kaꞌ wə kee ndì waytə njwi yifi, ta fuu njwi yimwa me. Ŋwə yɨ̀ nɨniŋ, buu waytə njwi kɔ́ taa sa njwi yimwa yɔ́, nyə metə sànə.

Mark 2:21

Yeso baa gì tɨ́ vəŋ laa, «Wə kee yaa kɨ ndi waytə njwi faŋ ŋkə kɨ bii kəfi, faŋ vɨ kee ta yisɔ me, gə̀ tà maa njwi yimwa. Kɨ ghaŋ ŋwə yɨ nɨniŋ, buu way fi kɔ́ taa shəŋtə sà njwi yimwa yɔ́, nyə bɨ shɔ̀ɔ faŋ nyə yaa dùꞌ.»

Mark 3:24

Kɨ ghaŋ vɨ gaasə yifwàŋ sheꞌ tɨ́ yifwàŋ buu kɨ kaꞌ yifwàŋ yɔ́ kee tɨ̀ŋnə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:19

Vɨɨ Jus zɔ yigi yɔ́, baa kii gaasə vəway vəbɔɔ buꞌ ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:23

Nu kaŋ lùu taa fwi vəŋ, nu kə lùu taa fwi mə, tɨ́ kaꞌ vəŋ lùu nə fa kəmuꞌ, ŋkə baw mètə. Nɨniŋ, mbi ye, ndɔ kɨɨ laa, nə tɔ̀ŋ ghɔ tɔ̀ŋ mə, baa nə laa a kaw vəŋ sheꞌ faŋ a kaw mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:43

Nɨniŋ, vɨɨ gaasə yiŋwaa vəŋ buꞌ Yeso.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:16

Vɨɨ mɔ́ꞌ fɨ taa ŋwaa vɨɨ Farisii gi laa, «Kaꞌ wə ŋwə̀ kee ndɔ̀ fɨ ghɔ Nwi me, buꞌ faŋ ŋwə kee nùŋsə nuŋsə shi zwisə Nwi me.» Vɨɨ mɔ́ꞌ gi laa, «Sii kaꞌ wuu məyɨ vənu vəbwəvə yɨsə nu shuu yɔŋ nee kɨkə?» Nɨniŋ, vəŋ gaasə yiŋwaa vəway vəbɔɔ.

Akts 4:32

Nwaa vɨɨ mbɨə faŋ vəŋ nə fìŋ tɔ vəŋ tɨ́ Kristo nə, fwi vəŋ luu yimuꞌ, yigisə vəŋ luu yimuꞌ nɨzi. Tuu wə kee tìi fa nə ŋkii me, vətɔ vəvəŋ vənshə luu fa kəmuꞌ.

Roma 1:13

Vaŋ-nshwi vaŋ, bàw viŋ kɔꞌ kɨɨ laa mə kɔꞌnə ghee ghee maa məjwi yè viŋ. Luu nə, vənu vəmɔ́ꞌ kɨ bɨbuulə ghee nshə, kɔ tɔ və-ndee. Mə kəə jwi yɨ viŋ laa mə ndɔ yɨsə faꞌ Nwi faŋ mə faꞌ taa ŋwaa viŋ, fuu jəə sɨ Nwi, sheꞌ faŋ mə yɨsə taa ŋwaa vɨɨ fɨ taa məshɨ mənshə.

Roma 12:1

Nɨniŋ, vaŋ-nshwi vaŋ, faŋ mə nəə tɨsə viŋ buꞌ gəŋsə Nwi, faŋ Nwi kee gəŋ saŋ-nsiŋ nə, bàw laa viŋ fiŋ ŋwaa tɨ́ Nwi, lùu vəkɔ vi vəbweyvə faŋ mbə bàw shɨlə, baa ndɨ̀ŋ tɨ́ Nwi nɨzi. Lùu faŋ ŋkə bàw maa məfaꞌ tɨ́ Nwi.

Roma 12:16

Mbɨꞌtə yiŋ luu yimuꞌ. Kɨ viŋ kɨ bɨꞌtə nu məkoꞌsə ŋwaa me, bee kii suꞌsə yiŋwaa yiŋ nsi, kee tii yiŋwaa yiŋ nə vɨɨ yitɔfə me.

Roma 15:30

Vaŋ-nshwi vaŋ, mə tɨsə viŋ maa yizii tɨta ŋwaa-nsiŋ Yeso Kristo, buꞌ ŋkawnə nyaa-nsiŋ faŋ Zwitə Ley Nwi yɨsə nsiŋ nə kaw nə yiŋwaa nyaa-nsiŋ, laa viŋ kɨ buꞌ ghɔ tɨ́ Nwi tɔ mə, nsiŋ kɨ tuŋ yighaw mɔ́ꞌ nɨniŋ,

Roma 16:17

Vaŋ-nshwi vaŋ, mə tɨsə viŋ laa, viŋ kɨ tɔfə maa vɨɨ mbɨə faŋ vəŋ jwi nə ŋgaasə, yɨsə vɨɨ gu maa nu Kristo, faŋ viŋ nə zwètə nə. Viŋ nyɨŋ fɨ yɨ vəŋ,

1 Kɔrintian 1:11

Vaŋ-nshwi vaŋ, mə gì nɨniŋ, buꞌ laa vɨɨ ŋiinə Kloe nàysə shee laa vɨɨ mɔ́ꞌ fɨ taa ŋwaa viŋ tay ntaysə.

1 Kɔrintian 11:18

Mfɔŋ ŋɨꞌ lùu laa, mə zɔ̀ laa taa məshəŋtə wiŋ faŋ viŋ faynə maa nu Nwi, viŋ kee lùu nə fa kəmuꞌ me. Viŋ gaasə vəway vəway. Way wì lùu shee yaa lùu yigisə yinsəŋ faŋ mə zɔ̀ kɔ̀ŋ viŋ nə.

1 Kɔrintian 12:25

Nwi nə yɨ̀ nɨniŋ laa ŋgaasə kee lùu maa ŋwaa me, vəlaŋ və ŋwaa bee kɨ kii gaŋtə yiŋwaa vəŋ, vəŋ vəŋ.

1 Kɔrintian 3:3

buꞌ laa viŋ kɨ bii shi nshinə yiŋ yaa vɨɨ fɨ taa mbi. Viŋ kɨ bii nə fəsə baa nə ntaysə taa ŋwaa viŋ. Ŋkə də̀ laa mbɨꞌtə yiŋ kɨ bii yaa njyə vɨɨ fɨ taa mbi, viŋ toꞌ yaa vɨɨ fɨ taa mbi.

1 Kɔrintian 4:16

Nɨniŋ, mə buꞌ ghɔ tɨ́ viŋ laa viŋ beꞌsə ghuu yitoꞌ kaŋ.

2 Kɔrintian 10:1

Mə Pɔɔl kəə kee vənu tɨ́ viŋ kɔ̀ŋ nu Kristo faŋ ŋwə zutə ndɔ sàylə. Mə faŋ viŋ gisə laa mə bwasə ŋwaa ŋwaa nsi, vɨsɨ viŋ yighee njyə faŋ nsiŋ lùu mɔ́ꞌ, baa nə laa, yighee njyə faŋ mə ndɔ fɨ yɨ viŋ, buu fwi nyaa weꞌ maa viŋ.

2 Kɔrintian 13:11

Maa məndwə, vaŋ-nshwi vaŋ, viŋ bwey jəə. Viŋ biŋ laa vɨ bɔŋsə viŋ, bwàsə fwi yiŋ. Viŋ bɨꞌtə nu kiŋ kəmuꞌ, dùꞌ nə mənɔŋ-bwaŋnə viŋ viŋ. Nwi faŋ lùu Nwi məkaw vɨɨ, baa lùu Nwi mənɔŋ-bwaŋnə nɨzi, dùꞌ viŋ vɨ vəŋ.

2 Kɔrintian 13:9

Yia ŋaytə faŋ yia bəə ŋay, viŋ weꞌ nə. Lùu nu ŋkɨə faŋ yia shɔꞌtə Nwi shɔ, laa Nwi bɔŋsə viŋ.

2 Kɔrintian 5:20

Nɨniŋ, yia lùu vɨɨ ntɔŋ Kristo. Nwi tɨsə vɨɨ, shɔɔ fɨ ghɔ yia. Yia buꞌ ghɔ tɨ́ vɨɨ maa yizii Kristo, gisə laa, «Viŋ biŋ, Nwi metə nsɔꞌ viŋ vɨ vəŋ!»

2 Kɔrintian 6:1

Faŋ yia gaŋtə maa faꞌ Nwi nə, yia tɨsə viŋ laa viŋ ndɨɨnə laa gəŋsə Nwi, faŋ Nwi kèe gəŋ saŋ-nsiŋ nə, kee gù nu dayday tɨ́ viŋ me.

Galatia 4:12

Vaŋ-nshwi vaŋ, mə nə jwi yɨ viŋ, gù yaa viŋ, kee kɨ toꞌ yaa wuu Jus me. Nɨniŋ, mə buꞌ ghɔ tɨ́ viŋ laa viŋ beꞌsə ghuu yitoꞌ kaŋ, kee kɨ nuŋ fwi siŋ maa nuŋsə vɨɨ Jus me. Maa viŋ nə kee ta yɨ̀ nu bwə maa mə me.

Filipi 1:27

Nu ŋkɨə faŋ ŋkə lùu kəkwalə, lùu laa məshəŋtə wiŋ kɨ toꞌ nə nshinə njyə faŋ nyə kùꞌnə tɨ́ vɨɨ məbiŋ nu Kristo. Nɨniŋ laa mə ndɔ jwi ye viŋ, tɨꞌnə me, mə kee kɔlə jwi me, buu mə taa zɔ laa viŋ tɨ̀ŋnə weꞌ, kìi zwitə kəmuꞌ, baa kìi mbɨꞌtə yiŋ yimuꞌ, faŋ viŋ ŋɨɨlə maa məyɨ laa ntɔŋ yijəə Nwi gə nə vɨsɨ.

Filipi 3:16

Luu nə, kɨ nsiŋ bəŋ yiba me; nsiŋ kɨ beꞌsə vənu mbɨə faŋ nsiŋ nə teꞌsə beꞌsə nə.

1 Tesalonika 5:13

Bàw viŋ biŋ vəŋ, kɔ̀ feenə tɨ́ vəŋ dɨdɨꞌ, kàw vəŋ buꞌ nu faꞌ vəŋ kɔ́. Viŋ duꞌ nyɔŋ viŋ viŋ.

2 Tesalonika 2:1

Vaŋ-nshwi via, gə fɨ maa məjwi tɨta ŋwaa-nsiŋ Yeso Kristo, faŋ ŋwə ndɔ baa jwi, shə̀ŋtə nsiŋ yɨ ŋwə nə, yia bùꞌ ghɔ tɨ́ viŋ laa,

1 Timoti 5:21

Mə naysə tɨ́ ghɔ ŋkee nə wutə vɨsɨ Nwi nə Yeso Kristo nə nshiisə-ŋiisə Nwi, faŋ Nwi nə shoꞌ vəŋ nə, laa a kɨ yɨsə nu kɔ́ nɨniŋ. Kaa kɨ bɨbɨꞌtə me, kee kɨ yɨ nu maa fəntɔ fə yisɨ me.

2 Timoti 4:1

Mə tɨsə ghɔ ŋkee nə wutə yikəꞌ Nwi nə Yeso Kristo, faŋ ŋwə ndɔ shoꞌtə vənu və vɨɨ bweynə nə vəŋku və nsisə, maa yighee njyə faŋ ŋwə ndɔ fuu taa mbi, lootə nu yifwàŋ ki,

1 Pita 2:11

Vaŋ-nshwi vaŋ, viŋ lùu yaa vəndɔ taa mbi nyə̀. Nɨniŋ, mə tɨsə viŋ laa viŋ kɨ baŋnə vətɔ və shɨ nsi mbɨə faŋ fwi siŋ kaw, buꞌ laa vətɔ vɔ́ toꞌ maa məndisə məbwey wiŋ nshə.

1 Pita 5:10

Nshɨ-tɔ Nwi ndɔ naysə viŋ fɨ maa ŋɨꞌ faŋ viŋ yè maa wee-fɨ-kuŋtə yighee, bɔ̀ŋsə viŋ, kwàŋ wutə maa viŋ, viŋ duꞌ, kee baa nə̀ꞌnə me. Ŋwə lùu wuu məgaŋtə wiŋ nə vənu vənshə, faŋ ŋwə shòꞌ viŋ buꞌ Kristo, viŋ ndɔ baw shɨlə yaa ŋwə, gòꞌsə yighee muꞌ.