Яхъя 13:23 - Изге Яҙма

²³ Уларҙың береһе – яратҡан шәкерте – Ғайсаның янында ғына ултыра ине.

Инжил

²³ Ғайсаның янында шәкерттәренең береһе, Уның яратҡан бер шәкерте ултыра ине.

Изге Яҙма

²³ Уларҙың береһе – яратҡан шәкерте – Ғайсаның янында ғына ултыра ине.

Яхъя 13:23 ပူးပေါင်းရင်းမြစ်များ

ІІ Батшалар 12:3

Ә фәҡирҙең бәрәс кенә сағында һатып алған бер һарығынан башҡа бер нәмәһе лә булмаған. Бәрәс уның балалары менән бергә үҫкән, хужаһы нимә ашаһа, шуны ашаған, уның һауытынан эскән, күкрәгенә башын һалып йоҡлаған, ҡыҫҡаһы, ҡыҙы һымаҡ булған.

ІІІ Батшалар 4:5

Ғазаръяһ Наҫан улы – өлкә башлыҡтары етәксеһе; Завуд Наҫан улы – ҡаһин һәм батшаның кәңәшсеһе;

Лукас 16:22

Бер көн Әлғазар үлгән, һәм фәрештәләр уны Ибраһим янындағы түрҙәге урынға алып барған. Бай ҙа үлгән. Уны ерләгәндәр.

Яхъя 1:18

Алланы бер кем дә, бер ҡасан да күрмәгән. Уны беҙгә Атаға һыйынған берҙән-бер Улы асып бирҙе.

Яхъя 11:3

Апай менән һеңле Ғайсаға хәбәр ебәрҙе: «Хакимым, Һин яратҡан Әлғазар ауырып китте».

Яхъя 11:36

– Ҡарағыҙ, Ул Әлғазарҙы ҡалай яратҡан икән! – тиеште йәһүдтәр.

Яхъя 11:5

Ғайса Мартаны ла, уның һеңлеһе менән Әлғазарҙы ла ярата ине.

Яхъя 13:24

Шимғон Петрус, Ғайсаның кем хаҡында һөйләүен һорарға ҡушып, уға ишара яһаны.

Яхъя 13:25

Шәкерт, Ғайсаға тағы ла нығыраҡ яҡынайып: – Хакимым, ул кем? – тип һораны.

Яхъя 19:26

Ғайса, Үҙенең әсәһен һәм шунда уҡ торған яратҡан шәкертен күреп, әсәһенә: – Бына был – һинең улың, – тине.

Яхъя 20:2

Ул Шимғон Петрусҡа һәм теге, Ғайса яратҡан, шәкерткә йүгереп барҙы. Уларға: – Хакимыбыҙҙы ҡәберҙән алып киткәндәр. Ҡайҙа һалғандарын белмәйбеҙ, – тине.

Яхъя 21:20

Петрус боролоп ҡараны ла арттарынан Ғайсаның яратҡан шәкерте килеүен күрҙе. Был – киске аш табынында Ғайсаның эргәһендә ултырған һәм: «Хакимым! Һиңә кем хыянат итәсәк?» – тип һораған шәкерт ине.

Яхъя 21:24

Был ваҡиғалар тураһында һөйләп биргән һәм уларҙы яҙған шәкерт шул үҙе. Беҙ уның шаһитлығы хаҡ икәнде беләбеҙ.

Яхъя 21:7

Шунда Ғайсаның яратҡан шәкерте Петрусҡа: – Был – беҙҙең Раббыбыҙ! – тине. «Раббыбыҙ» тигән һүҙҙе ишеткәс, Шимғон Петрус өҫ кейемен тәненә урап (ул кейенмәгән ине), кәмәнән һыуға һикерҙе.