Йермеяһ 49:16 - Изге Яҙма

¹⁶ Эй һин, торлағын ҡая ярыҡтарында һалған, Сәскән дәһшәтең менән йөрәгеңдең тәкәбберлеге алданы һине! Тау түбәләрен төйәк итһәң дә, Ояңды бөркөт кеүек юғарыға ҡорһаң да, Унан да һине бәреп төшөрөрмөн, – тип белдерә Раббы. –

Башкирский ВЗ (неполный)

¹⁶ Эй һин, торлағын ҡаялар араһында һалған, Сәскән дәһшәтең менән йөрәгеңдең тәкәбберлеге алданы һине! Тау түбәләрен төйәк итһәң дә, Ояңды бөркөт кеүек юғарыға ҡорһаң да, Унан да һине бәреп төшөрөрмөн, – тип белдерә Раббы. –

Изге Яҙма

¹⁶ Эй һин, торлағын ҡая ярыҡтарында һалған, Сәскән дәһшәтең менән йөрәгеңдең тәкәбберлеге алданы һине! Тау түбәләрен төйәк итһәң дә, Ояңды бөркөт кеүек юғарыға ҡорһаң да, Унан да һине бәреп төшөрөрмөн, – тип белдерә Раббы. –

Йермеяһ 49:16 ပူးပေါင်းရင်းမြစ်များ

ІV Батшалар 14:7

Амасъяһ Тоҙло үҙәндә ун мең Эдом яугирен ҡырҙы. Ул Села ҡалаһын яулап алды һәм уға Йоҡтеил тип исем бирҙе. Был ҡала бөгөнгә тиклем шулай атала.

Әйүп 39:27

Һинең бойороғоң менән күтәреләме бөркөт, Юғарыла үҙенә оя ҡорамы?

Әйтемдәре 16:18

Тәкәбберлек артынан һәләкәт килә, маһайыуҙың һуңы иһә – хурлыҡ.

Әйтемдәре 18:21

Үлем менән йәшәү – телдең хөкөмөндә, телгә оҫталар уның емеше менән туйына.

Әйтемдәре 29:23

Кешене тәкәбберлеге түбәнһетә, тыйнаҡ кеше хөрмәт ҡаҙана.

Йырҙар йыры 2:14

Ҡаялар араһында, тарлауыҡтарҙа Йәшенгән күгәрсенем һин! Нурлы йөҙөңдө күрәйем, Моңло тауышыңды ишетәйем, Тауышың яғымлы, йөҙөң наҙлы.

Ишағыяһ 10:14

Халыҡтарҙың байлығын мин Ояны туҙҙырғандай туҙҙырҙым, Ташлап ҡалдырылған йомортҡа һымаҡ итеп, Бөтөн донъяны үҙемә йыйҙым. Ҡанатын ҡалҡытып, томшоғон асҡан, Пысҡылдаған һис кем табылманы!“»

Ишағыяһ 49:25

«Эйе, – ти Раббы. – Көслөнөң ҡулындағы тотҡондар азат ителәсәк. Залимдың ҡулынан яумалы тартып алынасаҡ. Һинең менән алышҡандар менән Мин алышырмын, Балаларыңды Мин ҡотҡарырмын!

Йермеяһ 48:14

Нисек: „Беҙ батырбыҙ, Һуғышҡа әҙер көслө яугирбеҙ“, – тип әйтә алаһығыҙ?

Йермеяһ 49:15

«Ҡара, һине ҡәүемдәр араһында иң меҫкене итәм, Әҙәм мәсхәрәһенә ҡалдырам.

Йермеяһ 50:29

«Уҡсыларҙы, ян керешен киргәндәрҙе Һәммәһен саҡырығыҙ Бабилға ҡаршы. Уны уратып алһындар, ҡасып ҡотолғандар булмаһын. Ҡылғандарына күрә күрһәтегеҙ уға, Үҙе нимә эшләгән, шуны эшләгеҙ, Сөнки Раббыға – Исраилдың Изгеһенә ҡаршы Ул тәкәббер баш күтәрҙе.

Йермеяһ 51:53

Бабил хатта күккә олғашһа ла, Бейек ҡәлғәләрен нығытһа ла, Минән уға ҡыйратыусылар киләсәк», – тип белдерә Раббы.

Ғамос 9:2

Үлеләр донъяһына төшһәләр ҙә, Унда ла ҡулым барып етәсәк. Күккә менеп ҡасһалар ҙа, Унан да һөйрәп төшөрәсәкмен.

Хаваҡҡуҡ 2:9

Йортона хәрәм юл менән байлыҡ йыйыусыға, Һәләкәттән ҡасмаҡ булып Ояһын бейек-бейектә ҡороусыға ҡайғы!

Малахи 1:3

Ғаязды иһә күрә алманым. Уның тауҙарын бушлыҡҡа әйләндерҙем, биләмәһен сүл бүреләренә бирҙем.