Ғәмәлдәр 26:17 - Изге Яҙма

^17-18 Һине йәһүд халҡынан да, башҡа халыҡтар ҡулынан да ҡотҡарырмын. Улар ҡараңғынан яҡтыға, Иблис хакимлығынан Аллаға боролоп, гонаһтары ғәфү ителһен һәм Миңә инаныуҙары арҡаһында изге ителгәндәр араһында урын алһындар тип, һине башҡа халыҡтар янына, уларҙың күҙҙәрен асырға ебәрәм», – тине миңә Раббы Ғайса.

Инжил

¹⁷ Һине йәһүд халҡынан да, башҡа халыҡтар ҡулынан да ҡотҡарам һәм шул башҡа халыҡтар янына ебәрәм.

Изге Яҙма

^17-18 Һине йәһүд халҡынан да, башҡа халыҡтар ҡулынан да ҡотҡарырмын. Улар ҡараңғынан яҡтыға, Иблис хакимлығынан Аллаға боролоп, гонаһтары ғәфү ителһен һәм Миңә инаныуҙары арҡаһында изге ителгәндәр араһында урын алһындар тип, һине башҡа халыҡтар янына, уларҙың күҙҙәрен асырға ебәрәм», – тине миңә Раббы Ғайса.

Ғәмәлдәр 26:17 ပူးပေါင်းရင်းမြစ်များ

І Йылъяҙма 16:35

Әйтегеҙ: «Ҡотҡар беҙҙе, эй Аллам, Беҙҙең ҡотҡарыусыбыҙ! Беҙ мөҡәддәс исемеңә шөкөр итһен, Һинең шөһрәтең менән маҡтанһын өсөн Йыйып ал беҙҙе ҡәүемдәр араһынан, азат ит».

Зәбүр 34:19

Бинахаҡҡа мине дошман күргәндәр, Ғәйепһеҙҙән миңә нәфрәт тотҡандар, Бер-береһенә күҙ ҡыҫып, тантана итә алмаһын.

Йермеяһ 1:19

Улар һиңә ҡаршы һуғышыр, Әммә һине еңә алмаҫ, Сөнки Мин һинең менән булырмын, Һине ҡотҡарырмын, – тип белдерә Раббы.

Йермеяһ 1:8

Һин уларҙан ҡурҡма. Мин һинең менән бергә булырмын, һине ҡотҡарырмын, – тип белдерә Раббы.

Зөлкифел 3:5

Сөнки һин телмәре ят, теле аңлашылмаҫ халыҡҡа түгел, Исраил нәҫеленә ебәреләһең.

Ғәмәлдәр 13:50

Әммә йәһүдтәр, мәшһүр ғаиләләрҙән булған диндар ҡатындарҙы һәм ҡаланың етәксе кешеләрен ҡотортоп, Паулус менән Барнабасты эҙәрләне, уларҙы был төбәктән ҡыуҙыртты.

Ғәмәлдәр 16:39

Килеп, ғәфү үтенделәр, уларҙы иреккә сығарғас, ҡаланан китеүҙәрен һоранылар.

Ғәмәлдәр 17:10

Төн еткәс тә имандаштары Паулус менән Силасты Бероя ҡалаһына оҙатты. Берояға барып еткәс, Паулус менән Силас йәһүдтәр ғибәҙәтханаһына китте.

Ғәмәлдәр 17:14

Тиҙ арала имандаштары Паулусты диңгеҙ буйына ебәрҙе, ә Силас менән Тимоҫеус Берояла ҡалды.

Ғәмәлдәр 18:10

Мин һинең менән, бер кем дә һиңә һөжүм итеп яуызлыҡ ҡылмаҫ. Был ҡалала Миңә тоғро кешеләр күп, – тине.

Ғәмәлдәр 25:3

Улар Фестустан, мәрхәмәт күрһәтеп, Паулусты Йәрүсәлимгә күсереүен һоранылар. Ә үҙҙәре уны юлда үлтерергә һүҙ ҡуйышты.

Ғәмәлдәр 28:28

Шуға күрә һеҙгә мәғлүм булһын: йәһүд булмаған халыҡтарға Алланың ҡотҡарыуы тураһындағы хәбәр ебәрелгән һәм улар уны тыңлай.

Ғәмәлдәр 9:15

Әммә Раббы уға: – Бар, кит, сөнки Мин был кешене башҡа халыҡтарға, батшаларға һәм Исраил халҡына исемемде танытһын өсөн ҡоралым итеп һайланым.

Римдарға 11:13

Йәһүд булмағандар, һеҙгә әйтәм: мин, йәһүд булмағандар араһындағы илсе булараҡ, үҙ хеҙмәтемде ихтирам итәм.

Римдарға 15:16

йәһүд булмағандар араһында Ғайса Мәсихтең хеҙмәтсеһемен. Йәһүд булмағандар Алла хуш күрерҙәй, Изге Рух тарафынан изгеләндерелгән ҡорбан булһын өсөн, Алланың Һөйөнөслө Хәбәрен вәғәзләп, ҡаһин хеҙмәтен башҡарам.

Галаттарға 2:9

Хеҙмәт итеү миңә Алла мәрхәмәте буйынса бирелгәнен аңлағас, имандаштар берҙәмлегенең терәге тип һаналған Яҡуп, Кефас һәм Яхъя, уртаҡ хеҙмәттәшлек билдәһе итеп, Барнабас менән минең ҡулды ҡыҫты. Беҙ – сит ҡәүемдәргә, ә улар сөннәтлеләргә барырға килештек.

1 Тимофейға 2:7

Шуның өсөн мин бүтән халыҡтарға иман һәм хәҡиҡәт өйрәтеүсе, вәғәз таратыусы илсе итеп ҡуйылдым. Дөрөҫөн һөйләйем, ялғанламайым.

2 Тимофейға 1:11

Мин ошо Һөйөнөслө Хәбәрҙе вәғәзләүсе илсе һәм остаз итеп ҡуйылдым.

2 Тимофейға 3:11

Антиохияла, Иконионда, Лустрала эҙәрлекләүҙәргә һәм ғазаптарға дусар булыуымды беләһең бит. Ниндәй эҙәрлекләүҙәр аша үттем, барыһынан да Раббы мине ҡотҡарҙы!