Yosue 4:23 - Bibeli Gusunɔn Gari

²³ i nɛɛ, Gusunɔ bɛsɛn Yinniwɑ u yen nim ɡberɑsiɑ bɛsɛn wuswɑɑɔ sere sɑ kɑ tɔburɑ sɑ kpɑ, nɡe mɛ u nim wɔ̃ku ɡe bɑ mɔ̀ Nɑɑ yɑri kuɑ.

Yosue 4:23 ပူးပေါင်းရင်းမြစ်များ

Sinɑmbu I 8:43

ɑ nùn swɑɑ dɑkio sɑɑ wɔllun di mi ɑ wɑ̃ɑ, kpɑ ɑ nùn kuɑ ye u nun bikiɑmɔ kpɑ hɑnduniɑn tɔmbu kpuro bu nun ɡiɑ kpɑ bu nun nɑsiɑ, nɡe mɛ wunɛn tɔmbu Isirelibɑ bɑ nun nɑsie, kpɑ bɑ n yɛ̃ mɑ wunɑ bɑ rɑ sɑ̃ dii te sɔɔ, te nɑ bɑnɑ mini.

Nɛɛmi 9:11

A derɑ nim mu burɑnɑ bɛsɛn bɑɑbɑ ben wuswɑɑɔ. Mɑ bɑ tɔburɑ tem ɡbebum sɔɔ. Adɑmɑ Eɡibitiɡii be bɑ bu nɑɑ ɡire, ɑ bu sure nim bwerɔ. Mɑ bɑ numɑ nɡe kpee te bɑ kɑre nim sɔɔ.

Womusu 78:13

U nim wɔ̃ku bɛrɑ ɡɑ kpɑɑsinɑ ɡɑ yɔ̃rɑ nɡe ɡɑnɑ, mɑ u derɑ bɑ tɔburɑ.

Yɑribu 14:21

Ye bɑ turɑ nim wɔ̃ku ɡen mi, yerɑ Mɔwisi u win dɛkɑ tĩi ɡen wɔllɔ mɑ Yinni Gusunɔ u woo dɑmɡuu seeyɑ sɔ̃ɔ yɑri yerun di wɔ̃ku ɡiriru sɔɔ, ɡɑ derɑ nim wɔ̃ku ɡen nim mu bɔnu kuɑ yiru, mɑ ɡen suunu sɔɔ mi, n ɡberɑ.

Yɑribu 15:19

Sɑnɑm mɛ Eɡibiti sunɔn dumi kɑ win tɑbu kɛkɛbɑ kɑ mɑɑsɔbu bɑ duɑ nim wɔ̃ku sɔɔ, Yinni Gusunɔ u derɑ nim mu wurɑmɑ mu bu wukiri. Adɑmɑ u derɑ tem mu ɡberɑ nim wɔ̃ku ɡen suunu sɔɔ, mɑ Isirelibɑ bɑ tɔburɑ.

Esɑi 43:16

Mɑ Esɑi u nɛɛ, yellu, Yinni Gusunɔ u swɛɛ yɑrɑ nim wɔ̃ku kɑ nim tori dɑmɡii sɔɔ.