Yosue 13:4 - Bibeli Gusunɔn Gari

⁴ Kɑnɑnin tem mɛ mu mɑɑ tie bu mwɑ, mu wɑ̃ɑwɑ sɑɑ Mɛɑrɑn di ye yɑ sɑ̃ɑ Sidoniɡibun wuu, n kɑ ɡirɑri Afɛkiɔ Amɔrebɑn tem nɔɔ burɑ yerɔ,

Yosue 13:4 ပူးပေါင်းရင်းမြစ်များ

Sinɑmbu I 20:26

Yen wɔ̃ɔ kpɔɔ Bɛni Hɑdɑdi u win tɑbu kowo be mɛnnɑ u ɡɑrɑ, mɑ bɑ dɑ Afɛkiɔ bu kɑ Isirelibɑ wɔri.

Sinɑmbu I 20:30

Be bɑ tie, bɑ sɑ̃ɑwɑ tɔmbu nɔrɔbun subɑ tɛnɑ itɑ sɑri (27.000). Mɑ bɑ duki yɑkikirɑ, bɑ dɑ bɑ wɑ̃ɑ Afɛkiɔ. Yerɑ ɡbɑ̃rɑrɑ bu sɛ̃re tɑ ɡo. Sɑɑ ye sɔɔrɑ Bɛni Hɑdɑdi u dɑ u kukuɑ Afɛki yen diru ɡɑrun ɡidɑmbisɑn wɔllɔ.

Esekiɛli 16:3

Yerusɑlɛmu, bɑ nun mɑrɑwɑ Kɑnɑnin temɔ. Wunɛn tundo u sɑ̃ɑwɑ Amɔrebɑn bweseru. Mɑ wunɛn mɛro u sɑ̃ɑ Hɛtibɑn bweseru.

Amɔsu 2:10

Mɛyɑ nɑ bɛɛ yɑrɑmɑ Eɡibitin tem di. Mɑ nɑ bɛɛ kpɑrɑ ɡbɑburɔ wɔ̃ɔ weeru n kɑ bɛɛ Amɔre ben tem wɛ̃.

Yosue 10:40

U berɑ min tɔmbu ɡowɑ kɑ min sinɑmbu wuu si su wɑ̃ɑ ɡuunun berɑ ɡiɑ kɑ si su wɑ̃ɑ sɔ̃ɔ yɛ̃sɑn nɔm dwɑrɔ kɑ si su wɑ̃ɑ wɔwɑɔ ye yɑ wɑ̃ɑ nim wɔ̃kun berɑ ɡiɑ, kɑ sere mɑɑ si su wɑ̃ɑ ɡunɡunɔ. Bɑɑ tɔn turo u ǹ deri. U bu ɡowɑ nɡe mɛ Gusunɔ, Isirelibɑn Yinni u nùn sɔ̃ɔwɑ u ko.

Yosue 11:3

Mɛyɑ u mɑɑ Kɑnɑnibɑ nɔɔsiɑ be bɑ wɑ̃ɑ Yuudɛnin sɔ̃ɔ yɑri yeru ɡiɑ kɑ ɡen sɔ̃ɔ duu yeru ɡiɑ. Beyɑ Amɔrebɑ kɑ Hɛtibɑ kɑ Feresibɑ kɑ Yebusibɑ be bɑ wɑ̃ɑ ɡuunun berɑ ɡiɑ, kɑ Hefibɑ be bɑ wɑ̃ɑ ɡuu te bɑ mɔ̀ Hɛɛmɔɔn ɡɑ̃ɑrɔ Misipɑn temɔ.

Yosue 12:18

kɑ Afɛki kɑ Lɑsɑroni,

Yosue 19:30

Wuu siniwɑ su mɑɑ wɑ̃ɑ tem mɛ sɔɔ. Siyɑ Umɑ kɑ Afɛki kɑ Rehɔbu. Wuu si su wɑ̃ɑ tem mɛ kpuro sɔɔ, su sɑ̃ɑwɑ yɛndɑ yiru, ɡen bɑɑɡere kɑ ɡen bɑru kpɑɑnu.

Sɑmuɛli I 4:1

Mɑ Isirelibɑ kpuro bɑ Sɑmuɛlin ɡɑri nuɑ. Sɔ̃ɔ teeru Isirelibɑ bɑ yɑrɑ bu kɑ Filisitibɑ tɑbu wɔri mɑ bɑ ben sɑnsɑni ɡirɑ Ebɛni Esɛɛn bɔkuɔ. Filisiti be, bɑ mɑɑ wɑ̃ɑ Afɛki ɡiɑ.