7 Mɑ Yosue u seewɑ sɑɑ Giliɡɑli min di, kɑ win tɑbu kowobu kpuro bè sɔɔ tɑbu durɔ wɔruɡɔbɑ bɑ wɑ̃ɑ.
Bɑ̀ n ɡeruɑ bɑ nɛɛ, bɑ bu nɔɔ tiɑ kuɑwɑ bɑ kɑ bu seesi, n ku ye wurɑ. N ku mɑɑ de ye yɑ bu bɛrum mɔ̀ yu mɑn bɛrum ko, kpɑ n ku nɑndɑ.
U sɑ̃ɑwɑ kuku yeru, ɑdɑmɑ u mɑɑ sɑ̃ɑ kpee te Isirelibɑ kɑ Yudɑbɑ bɑ sokurɑmɔ. Mɛyɑ u mɑɑ sɑ̃ɑ yinɑ ye Yerusɑlɛmuɡibu bɑ wɔrimɔ.
Mɑ Gɑbɑoniɡibu bɑ Yosue sɔmɔ ɡɔriɑ win sɑnsɑniɔ Giliɡɑliɔ bɑ nɛɛ, ɑ ku wunɛn nɔmɑ wunɑ bɛsɛ wunɛn bwɑ̃ɑbun min di. A nɑ fuuku ɑ sun fɑɑbɑ ko, ɑ sun somi. Domi Amɔrebɑn sinɑmbu kpuro be bɑ wɑ̃ɑ ɡuunun berɑ ɡiɑ, bɑ mɛnnɑ bɑ sun wɔrimɑ.
Yinni Gusunɔ u Yosue sɔ̃ɔwɑ u nɛɛ, ɑ ku nɑndɑ, ɑ seewo ɑ tɑbu durɔbu kpuro suɑ kpɑ i Ayi wɔri. Domi nɑ bɛɛ yen sunɔ kɑ win tɔmbu kɑ win wuu kɑ ɡen bɑru kpɑɑnu kpuro nɔmu bɛriɑ.
Mɑ Yosue u seewɑ u kɑ Ayi wɔri kɑ win tɑbu durɔbu kpuro. Yerɑ be sɔɔ, u nɔrɔbun subɑ tɛnɑ (30.000) ɡɔsɑ u bu sɔ̃ɔwɑ u nɛɛ, i doo i kuke wuu ɡen biruɔ wɔ̃kuru, ɑdɑmɑ i kun kɑ bu tomɑ kpɑ i n yɔ̃ mi, i n sɔɔru sɑ̃ɑ.