Yoobu 9:4 - Bibeli Gusunɔn Gari

⁴ Wiyɑ u bwisi kɑ dɑm kpuro mɔ. Wɑrɑ u koo nùn seesi kpɑ yɛ̃ron wɑ̃ɑru tu dɑkɑɑ dɑ.

Yoobu 9:4 ပူးပေါင်းရင်းမြစ်များ

Bɑndun Gɑri II 13:12

Mɛyɑ Gusunɔ kɑ win yɑ̃ku kowobu bɑ wɑ̃ɑ kɑ bɛsɛ. Bɑ sun swɑɑ ɡbiiye. Mɛyɑ sɑ kɔbi mɔ yìn swĩi yi dɑm mɔ. Sɑ ko bɛɛ yi swee. Bɛɛ Isirelibɑ, i ku kɑ Gusunɔ bɛɛn bɑɑbɑbɑn Yinni tɑbu ko. Domi i ǹ kɑmiɑmɔ.

Bɑndun Gɑri II 20:6

Mɑ u nɛɛ, Gusunɔ bɛsɛn bɑɑbɑbɑn Yinni, wunɑ ɑ sɑ̃ɑ Yinni wɔllɔ. Wunɑ ɑ bwesenu kpuron bɑndu nɛni. Wunɑ ɑ mɑɑ dɑm kpuro nɛni wunɛn nɔmɑɔ. Goo sɑri wi u koo kɑ nun tɑbu ko.

Yoobu 11:6

U nun win bwisi bɛkɛn ɑsiri sɔ̃ɔsi, kpɑ ɑ ɡiɑ mɑ u ku rɑ nun sɛɛyɑsie nɡe mɛ̀n nɔɔ wunɛn torɑnu nɛ.

Yoobu 12:13

Adɑmɑ Yinni Gusunɔwɑ u bwisi kɑ lɑɑkɑri kɑ dɑm kpuro mɔ.

Yoobu 15:13

Gɑri yi ɑ sɑɑrimɔ mini, Gusunɔwɑ ɑ kɑ mɔru mɔ̀.

Yoobu 23:6

U koo mɑn dɑm sɔ̃ɔsi u kɑ mɑn siri? Aɑwo, u koo yɔ̃rɑwɑ u mɑn swɑɑ dɑki.

Yoobu 24:22

Adɑmɑ Gusunɔwɑ u dɑm mɔ u kɑ tɔn kɔ̃so ben wɑ̃ɑru yɔ̃rɑsiɑ. Ù n bu wɔri, bɑ ku rɑ n mɑɑ yɛ̃ nɡe bɑ ko n wɑ̃ɑ.

Yoobu 25:2

Gusunɔn dɑm mu nɑsiɑru turɑ. U rɑ de bɔri yɛndu tɑ n wɑ̃ɑ sere wɔllun sɔɔ sɔɔwɔ.

Yoobu 28:23

Gusunɔ turowɑ u bwisin swɑɑ yɛ̃. Wiyɑ u mɑɑ yin wɑ̃ɑ yeru yɛ̃.

Yoobu 36:5

Gusunɔ u sɑ̃ɑwɑ Dɑm kpuroɡii. U ku rɑ mɑɑ ɡoo ɡɛm. U dɑm mɔ kpuron wɔllɔ. U ku rɑ win ɡere kɔsi.

Yoobu 37:23

Sɑ ǹ kpɛ̃ su Dɑm kpuroɡii tubu. Domi win dɑm mu kpɑ̃. U rɑ mɑɑ kpuro ko dee dee. U ku rɑ wi u ɡem mɔ dɑm dɔre.

Yoobu 38:36

Wɑrɑ u tɔnun ɡɔ̃ruɔ lɑɑkɑri doke. Wɑrɑ u tɔnu bwisi wɛ̃.

Yoobu 38:37

Wɑrɑ kɑ win bwisi kpuro, u koo kpĩ u ɡuru winu ɡɑri, kpɑ u nu sikɑsiɑ ɡurɑ yu nɛ,

Yoobu 40:9

Wunɛn dɑm mu nɛ Gusunɔɡim turɑ? Wunɛn nɔɔ ɡɑ koo kpĩ ɡu nɔɔrɑ kɑ dɑm nɡe nɛɡuu?

Yoobu 41:2

Goo sɑri wi u koo ɡɑri bɑkɑru ko u ɡen mɔru seeyɑ. Ǹ n mɛn nɑ, wɑrɑ u koo yɔ̃rɑ u nɛ, Yinni Gusunɔ mɑ.

Yoobu 6:10

Sɑɑ ye sɔɔrɑ kon nuku dobu ko nɛn wɑhɑlɑ bɑkɑ yeni sɔɔ. Kpɑ nɛn nukuru tu yɛmiɑ. Nɑ yɛ̃ mɑ Yinni Gusunɔ u dɛɛre, nɑ ǹ mɑɑ win woodɑ ɡɑɑ yinɛ.

Yoobu 9:19

Ǹ n dɑm ɡɑrin nɑ, wiyɑ u dɑm kpuro mɔ. Ǹ n mɑɑ siribun ɡɑrin nɑ, wɑrɑ u koo kpĩ u nùn siribu soku.

Womusu 104:24

Yinni Gusunɔ, wunɛn sɔmɑ yɑ dɑbi. A ye kpuro kuɑ kɑ lɑɑkɑri. Wunɛn tɑkɑ koorɑ yɑ wɑ̃ɑ tem sɔɔ kpuro.

Womusu 136:5

Wiyɑ u wɔllu kɑ tem tɑkɑ kuɑ kɑ win bwisi. Win wɔnwɔndu tɑ ku rɑ kpe.

Yɑribu 15:7

Wunɛn sinɑndun kpɑ̃ɑru tɑ rɑ wunɛn wɛrɔbu tɑɑre. Wunɛn mɔru yɑ̀ n seewɑ, ɑ rɑ de bu dɔ̃ɔ mwɑɑrewɑ nɡe wĩi.

Yɑribu 9:7

Eɡibiti sunɔ u ye yɑ koorɑn lɑbɑɑri bikiɑ. U nuɑ mɑ Isirelibɑn sɑbenu sɔɔ bɑɑ teeru tɑ ǹ ɡu. Kɑ mɛ, win ɡɔ̃ru ɡɑ kpɑm bɔbiɑ, u ǹ wure tɔn be, bu doonɑ.

Mɔnnu 28:14

Doo nɔɔruɡiiwɑ wi u Gusunɔ nɑsie bɑɑdommɑ. Wi u mɑɑ ɡɔ̃ru bɔbiɑ u koo wɑhɑlɑ wɑ.

Mɔnnu 29:1

Wi u rɑ ɡerusibu yinɛ, u koo kɑm kowɑ mɑm mɑm subɑru sɔɔ.

Esɑi 45:9

Bɔ̃rurowɑ tɔnu wi u kɑ win tɑkɑ kowo sikirinɑmɔ. U sɑ̃ɑwɑ nɡe tem mɔndu te tɑ ten mɔmɔ bikiɑ tɑ nɛɛ, mbɑ u mɔ̀ mi. Ǹ kun mɛ nɡe ɡɑ̃ɑ ni u kuɑ mɑ nu nɛɛ, u ǹ nɔmɑ du.

Yeremi 50:24

Bɑbiloni, nɑ nun yinɑ bɛriɑ, mɑ yɑ nun mwɑ ɑ ǹ kɑ bɑɑru. Wee, tɛ̃, ɑ kuɑ pirisɔm, domi ɑ nɛ, Yinni Gusunɔ wɔri.

Dɑniɛli 2:20

Yinni Gusunɔ, wunɑ ko nɑ n siɑrɑmɔ kɑ bɑɑdommɑɔ. Wunɑ ɑ bwisi kɑ dɑm mɔ.

Nɑhumu 1:3

U ku rɑ toro deri u kun nùn sɛɛyɑsie. Adɑmɑ u ku rɑ mɔru se fuuku. Win dɑm mu kpɑ̃. Ù n sĩimɔ, woo ɡunɑ yɑ rɑ n seewɑwɑ, kpɑ ɡuru winu nu n sɑ̃ɑ nɡe win nɑɑsun tuɑ.

Romu 11:33

Annɑ ɑ Gusunɔn dukiɑ kɑ win bwisi kɑ win yɛ̃run dukum wɑ! Goo kun kpɛ̃ u win himbɑ tubu. Goo kun mɑɑ kpɛ̃ u win swɛɛ ɡiɑ.

Korinti I 10:22

Sɑ kĩ su Yinnin nisinu seeyɑwɑ? Sɑ nùn dɑm kere?

Efesu 1:19

kɑ nɡe mɛ win dɑm bɑkɑm mu sɔmburu mɔ̀ bɛsɛ be sɑ nùn nɑɑnɛ doke sɔɔ. Dɑm mɛ, mu sɑ̃ɑ tem kɑ dɑm bɑkɑm mɛ u dendɑ u kɑ Kirisi seeyɑ ɡɔrin di mɑ u nùn sinɑsiɑ win nɔm ɡeuɔ wɔllɔ.

Efesu 1:8

mɛ u sun kuɑ n bɑndɑ ye u sun bwisi bɛkɛ kɑ lɑɑkɑri yɑbuɑ.

Efesu 3:10

kpɑ wɔllun wiruɡibu kɑ yiikoɡibu bu kɑ win bwisin ɑsɑnsi ɡiɑ sɑɑ Yesun yiɡbɛrun di sɑɑ yeni sɔɔ.

Efesu 3:20

Gusunɔ u yiiko mɔ u kɑ ko n kere ye sɑ bikiɑmɔ, ǹ kun mɛ ye sɑ mɑm bwisikumɔ win dɑm sɑɑbu mɛ mu sɔmburu mɔ̀ bɛsɛ sɔɔ.