21 U koo de ɑ yɛ̃ɛri, kpɑ ɑ nuku dobun kuuki ko.
Mɑ sɑ nuku dobu mɔ̀ sɑ yɛ̃ɛmɔ. Mɑ sɑ nɑsɑrɑn kuuki mɔ̀. Mɑ bɑ ɡerumɔ bwesenun suunu sɔɔ bɑ mɔ̀, Yinni Gusunɔ u sun ɡɑ̃ɑ bɑkɑnu kuɑ.
Sɑɑ ye sɔɔrɑ Sɑɑrɑɑ nɛɛ, Gusunɔ u mɑn yɛ̃ɛsu ɡo. Be bɑ mɑɑ nuɑ kpuro bɑ koo kɑ mɑn yɛ̃ɛwɑ.
Wi u duurubu dɔɔ kɑ wuri, u koo wurɑmɑ kɑ nuku dobu, u n doo bɔkunu sɔɔwɑ.
Yen sɔ̃, bɛɛ ɡemɡibu, i ɡɔ̃ru doro Yinni Gusunɔ sɔɔ, kpɑ i dɛsinu kɑrɑ. Bɛɛ bèn ɡɔ̃ru ɡɑ dɛɛre, i ɡuudɑ koowo kɑ nuku dobu, bɛɛ kpuro.
Doo nɔɔruɡibɑ bɛɛ be ɡɔ̃ɔrɑ mɔ̀ tɛ̃, domi i ko rɑ debu. Doo nɔɔruɡibɑ bɛɛ be i sumɔ tɛ̃, domi i ko rɑ yɛ̃ɛ.
Siɑrɑbun womu. Ge wee. Bɛɛ hɑnduniɑɡibu kpuro, i Yinni Gusunɔ tɑkɑru koowo kɑ nuku dobu.
Kpɑ ɑ n yɛ̃ɛmɔ ɡɔ̃ɔrun sɑɑ sɔɔ, kɑ sɑnɑm mɛ bɑ tem kɑm koosiɑmɔ. A ǹ kɑɑ n mɑɑ yɑɑ ɡɔbɑ ɡɑɑn bɛrum mɔ.
Yen tɔ̃ɔ te, tɔmbɑ yɑ̃ku dɑbi dɑbinu kuɑ mɑ bɑ nuku dobu kuɑ. Domi Gusunɔ u bu nuku doo bɑkɑbu wɛ̃. Kurɔbu kɑ bibun tii bɑ nuku dobu kuɑ mɑ Yerusɑlɛmun di nuku dobun kuuki yi nɔɔrɑ n tomɑ.
Bɛɛ hɑnduniɑɡibu kpuro, i nɔɔɡiru suo kɑ nuku dobu. I nuku dobun kuuki koowo i kɑ nùn siɑrɑ i nùn tɔmɑ kɑ womusu.
Adɑmɑ bɑɑ ben turo kun bikiɑmɔ u nɛɛ, mɑnɑ Gusunɔ u wɑ̃ɑ wi u nùn tɑkɑ kuɑ, wi, wi u rɑ de wɔnwɔndobu bɑ n nuku dobun womusu mɔ̀ wɔ̃kuru.
Sɑ̃ɑ dɑɑrun womu. Ge wee. Sɑnɑm mɛ Yinni Gusunɔ u kɑ bɛsɛɡii be bɑ yoru mwɛɛrɑ wurɑmɑ Siɔniɔ, yɑ sun sɑ̃ɑwɛwɑ nɡe dosu.
