Yoobu 8:2 - Bibeli Gusunɔn Gari

² sere sɑɑ yerɑ̀ kɑɑ ɡɑri sɑɑri nini mɑri. Wunɛn ɡɑri yi, yi dɑm mɔ nɡe woo bɔkɔ.

Yoobu 8:2 ပူးပေါင်းရင်းမြစ်များ

Sinɑmbu I 19:11

Yinni Gusunɔ u nùn sɔ̃ɔwɑ u nɛɛ, ɑ yɑrimɑ kpɑ ɑ yɔ̃rɑ ɡuu ten wɔllɔ kpɑ n nɑ n sɑrɑ wunɛn wuswɑɑɔ. Mɑ u yɑrimɑ. Yerɑ woo bɔkɔ ɡɑ nɑ ɡɑ ɡuu te bɛsukɑ. Adɑmɑ Yinni Gusunɔ u ǹ wɑ̃ɑ woo ɡe sɔɔ. Mɑ tem mu yĩirɑ. Adɑmɑ Yinni Gusunɔ u ǹ wɑ̃ɑ yĩiri bi sɔɔ.

Yoobu 15:2

wi u bwisi mɔ u koo tɔnu wisi kɑ ɡɑri yi yi ǹ ɑrufɑɑni mɔ? U ko n ɡɑri yɑrɑmɔ nɡe woo?

Yoobu 16:3

Dommɑ kɑɑ wunɛn ɡɑri sɑɑri kɑmɡii nini kpe. Mbɑn sɔ̃nɑ ɑ kɑ mɑn sikirinɑmɔ.

Yoobu 18:2

sere dommɑ kɑɑ ɡɑri yini sɑɑrinu kpe. A den mɑrio kpɑ su mɑɑ ɡere.

Yoobu 6:26

I kĩwɑ i nɛn ɡɑri ɡɔburu wɑ, i yi mɛɛri kɑm, kpɑ i mɑn tɑɑrɛ wɛ̃, nɛ wi nɑ ǹ mɑɑ ɡɑ̃ɑnu yĩiyɔ?

Yoobu 6:9

U den win nɔmu dɛmiɔ u mɑn mwɑ, u munku u dɑkurɑ.

Yoobu 7:11

Nɑ ǹ kpɛ̃ n nɔɔ mɑri, domi nɑ nuki sɑnkire. Kon nun weeweenu koosi, domi nɑ nɔni sɔ̃ɔre.

Yoobu 8:1

Bilidɑ Suɑɡii u ɡɑri ɡeruɑ u nɛɛ,

Yɑribu 10:3

Mɔwisi kɑ Aroni bɑ dɑ sunɔ win mi, bɑ nɛɛ, ɑmɛniwɑ bɛsɛ Heberubɑn Gusunɔ wi u rɑ n wɑ̃ɑ u ɡeruɑ. U nɛɛ, sere dommɑ kɑɑ n yinɛ ɑ tii kɑwɑ win wuswɑɑɔ. A de win tɔmbu bu doonɑ bu nùn sɑ̃.

Yɑribu 10:7

Yerɑ Eɡibiti sunɔn bwɑ̃ɑbɑ nùn bikiɑ bɑ nɛɛ, sere dommɑ durɔ wini u ko n sun wɑhɑlɑ mɔ̀. A de tɔn be, bu doonɑ bu dɑ bu Gusunɔ ben Yinni sɑ̃. A ǹ wɑ mɑ bɛsɛn tem mu kɑm kobu dɔɔ?

Mɔnnu 1:22

yi mɔ̀, bɛɛ lɑɑkɑri sɑribɑ, sere dommɑ i kĩ i n wɑ̃ɑ bwisi sɑriru sɔɔ. Bɛɛ yɑɑko kowobu, sere dommɑ i ko n nuku dobu mɔ̀ bɛɛn yɑɑko kobu sɔɔ, kpɑ bɛɛ ɡɑri bɑkɑsu i n yɛ̃ru tusɑ.

Yeremi 5:13

Nɛn sɔmɔbun ɡɑri yi mɑɑ sɑ̃ɑwɑ nɡe wom dirum. Ben ɡoo ku rɑ bu ɡɑri ɡee sɔ̃. Bɑ mɑɑ ɡerumɔ bɑ mɔ̀, sɔmɔ ben ɡɑri yi wɔri ben tii sɔɔ.