Yoobu 7:2 - Bibeli Gusunɔn Gari

² ǹ kun mɛ nɡe yoo wi u wɑ̃ɑ sɔ̃ɔ sɔɔ u sɑɑru kɑsu u wɛ̃rɑ, ǹ kun mɛ nɡe sɔm kowo wi u mɑrɑ bu nùn kɔsiɑ.

Yoobu 7:2 ပူးပေါင်းရင်းမြစ်များ

Torubu 34:8

Sɑnɑm mɛ u tunumɑ u nɛɛ, nɛn bii Sikɛmu u wunɛn bii wɔndiɑ wi bɑ mɔ̀ Dinɑn ɡɔɔ ɡbimɔ kĩrun sɔ̃. Yen sɔ̃, ɑ suuru koowo ɑ nùn wɔndiɑ wi kɛ̃ɛyɔ u suɑ kurɔ.

Yoobu 7:1

Hɑnduniɑ yeni sɔɔ, tɔnun wɑ̃ɑrɑ sɛ̃wɑ nɡe tɑbu kowo, ǹ kun mɛ nɡe wi u sɔm sɛ̃sɔɡinu mɔ̀,

Yoobu 7:3

Nɡe mɛyɑ nɛn tii nɑ sɑ̃ɑ. Suru dɑbinu nɑ wɑ̃ɑ nɔni swɑ̃ɑru sɔɔ. Wɔ̃ku dɑbinɑ nɑ rɑ n wɑ̃ɑ wɑhɑlɑ sɔɔ.

Womusu 119:131

Nɑ kɑsu ɡem kɑ tiɑ n wɑ n wunɛn woodɑbɑ ɡiɑ.

Womusu 143:6

Wunɑ nɑ nɔmɑ tĩi. Nɛn ɡɔ̃ru ɡɑ wunɛn bɛkɛ bɑrɔ nɡe mɛ tem ɡbebɑ rɑ n nim kĩ.

Yeremi 6:4

Bɑ kuuki mɔ̀ bɑ mɔ̀, i de su se sɔ̃ɔ sɔɔ ɡbɑ̃ɑrɑ su wuu ɡe wɔri. Adɑmɑ tɛ̃ sɔ̃ɔ kpɑ, yɑm mɑɑ tĩrɑmɔ.

Sɑ̃ɑrun Woodɑ 19:13

I ku bɛɛn winsim dɑm dɔre. I ku mɑɑ nùn ɡɑ̃ɑnu mwɑɑri kɑ dɑm. I ku bɛɛn sɔm kowon kɔsiɑru nɛnɛ sere yɑm mu kɑ sɑ̃rɑ.

Yonɑsi 4:6

Mɑ Yinni Gusunɔ u dɑ̃ɑ kiku ɡɑɡu kpiisiɑ ɡɑ Yonɑsi ɡunum kere, ɡu kɑ nùn sɑɑru kuɑ, kpɑ win bwɛ̃rɑ yu kpunɑ. Yerɑ n Yonɑsi dore too too.

Mɑlɑsi 3:5

Kon susimɑ bɛɛn bɔkuɔ n bɛɛ siri. Kpɑ n dobo doboɡibu seesi kɑ sɑkɑrɑ kowobu kɑ be bɑ rɑ bɔ̃re weesu sɔɔ kɑ be bɑ rɑ sɔm kowobun ɡobi tɛɛsi kɑ be bɑ rɑ ɡɔminibu kɑ ɡobekubɑ kɑ sɔbu dɑm dɔre, mɑ bɑ ǹ mɑn nɑsie. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Sɔ̃ɔsiru 24:15

I nùn win sɔmburun ɡobi wɛ̃ɛyɔ bɑɑdommɑ sɔ̃ɔ u sere du. Domi u sɑ̃ɑwɑ yɑ̃ɑro, u win ɡobin bukɑtɑ mɔ ɡeɑ. Ì kun kue mɛ, mɑ u Yinni Gusunɔ nɔɔɡiru sue bɛɛn sɔ̃, i ko i tɑɑrɛ wɑ.

Yɑkɔbu 5:4

Wee, i ǹ sɔm kowobu ben ɡobi kɔsie be bɑ kɑ bɛɛ dĩɑnu ɡurɑ ɡberɔ, mɑ ɡobi yi, yi wuri mɔ̀. Dĩɑ ɡuro ben wuri mɑɑ dumɔ wɔllu kɑ tem Yinnin swɑɑ sɔɔ.